متقعدش فى بيتك

ملحوظة: أنا كتبت المقال ده قبل ما أدخل كلية الظباط الاحتياط, أنا دلوقتى معزول عن العالم ومعرفش ايه اللى بيحصل برة, مش عارف الانتخابات هتتعمل فى ميعادها ولا اتأجلت, مش عارف العسكر هيسلم السلطة فى ابريل ولا هينقلبوا, لكن أنا بعمل اللى عليا, بعمل اللى أقدر اعمله. عايز أخد ثواب زيكم.


لو انته بتقرأ الكلام ده يبقى لو سمحت أنا عايز أقولك "مصر محتاجالك", وبقولك مصر محتاجالك زى ما قالها "محسن بيه" لـ "رأفت الهجان" فى مسلسل رأفت الهجان, مش زى ما قالوها "لكتكوت" فى فيلم كتكوت.

شارك فى الانتخابات علشان مبارك وعصابته ميرجعوش تانى.

لا لحكم العسكر .. سلموا السلطة

ملحوظة: أنا كتبت الموضوع ده قبل ما أدخل الجيش, وأنا حاليا مفصول عن العالم ومعرفش ايه اللى بيحصل برة, ومش عارف هبقى عايش ولا ميّت وانتوا بتقروا الكلام ده, بس أنا عايز أشارك معاكم ومفيش قدامى وسيلة تانية للمشاركة غير أنى كتبت الموضوع ده وأطلب منكم وأشجعكم كلكم على المشاركة فى الجمعة دى.

مش هقدر أنزل معاكم بكرة لأنى فى كلية الظباط الاحتياط فى فايد, لكن محدش يقعد فى بيته بكرة, انزل ومترجعش إلا والمطلب متنفذ, حتى لو هتبات فى التحرير شهر, مقدامناش غير أننا ننزل ونعمل اللى علينا. انزل واوعى تمشى, واوعى الميدان يبان فيه أن المطلب ده مطلب فئة معينة أو تيار واحد. علشان ننجح لازم نرجع لروح التحرير أيام الاعتصام.

45 يـوم

مرة كتبت حاجة كان عنوانها "النهاية" وكنت معتقد ان دى النهاية فعلا, وكنت فقدت الأمل نهائيا. لكن ربنا عزوجل بعدها بفترة قدر أنه يكون فى فرصة تانية, وطلعت النهاية مش نهاية انما بداية جديدة.


دى أخر رسالة هكتبها وأنا "مدنى" لحد ما أخلص الجيش. وهى لعامة الناس وخاصتهم, لأهلى وأصدقائى والناس اللى بحبهم :). محبتش عنوان رسالتى دى يكون فيه نوع من الوداع أو اليأس, لأنى اتعلمت من درس "11.11.11" أن ربنا بايده كل حاجة وممكن ييسر كل حاجة ويجعلنا الخير فى الحاجات اللى عمرنا ما نتخيل ولا نتوقع أن فيها خير. ويرزقنا الخير بطرق أبعد من اللى احنا بنتصورها. 45 يوم هى أول وأطول فترة (متصلة) هقعدها فى كلية الظباط الاحتياط فى فايد منقطع عن الدنيا واللى فيها.

اتصورت الصورة دى النهاردة علشان لو حد عايز يشوفنى قبل ما أدخل الجيش, أو يعملى عمل ;)

11.11.11

اليوم ده كنت بتمنى و مخطط أنه هيكون يوم تاريخى فى حياتى وحياة ناس تانية, جه اليوم واللى كنت مخططله متحققش النهاردة, احساس مش سهل أبدا أن حلم من احلامك ميتحققش. وبعد النهاردة مش عارف هيتحقق ولا لأ (بس أنا لسه عندى أمل وحسن ظن بربنا). مش مهم ايه الحدث اللى كان هيبقى تاريخى, بس المهم ليه محصلش ؟ وايه اللى انا استفدته وحابب أشاركم بيه.

من المدنية للعسكرية

لسه فاكر فرحة أبويا وحضنه ليا فى اليوم اللى جبت فيه نتيجة الثانوية العامة وكنت مفرحه بمجموع كبير فى سنة ثالثة عوض تقصيرى فى سنة ثانية ورجعله الأمل انى ادخل كلية محترمة زى كلية حاسبات ومعلومات, يوميها شغلى اغنية "من الثانوية للكلية" وكان ليها طعم مختلف الحقيقة. دلوقتى لو فى اغنية بتوصف حالتى فأكيد هتبقى "من المدنية للعسكرية", وعلشان الأغنية دى مش موجودة فأنا حابب أكتب هنا للذكرى وللى مهتم  يعرف.

البداية الحقيقة

اللجنة الثقافية بها مرشحان مستقلان ومرشح لدينا ومرشحان من القائمة الأخرى, فقررنا دعم المرشحان المستقلان وعدم تصعيد مرشحنا فى منافسة القائمة الأخرى, وواجهنا هنا بعض الصعوبة فى اقناع المرشحة المستقلة بالأمر, وكان يبدوا انها لا تثق فى كلامى, وخاصة أن هناك من قال لها (حسب روايتها) أننى أقصد خداعها وطلب منها ان تدعمه وهو سوف يتنازل لها, وهناك أيضا من خوفها بأن الاخوان يريدون السيطرة على الاتحاد وكلام اخر من هذا القبيل, وهنا تدخل الأصدقاء وكان لهم الأثر البالغ فى طمأنتها قليلا بأنى لا اكذب عليها ولا أحوال خداعها.

بعد اعلان النتائج مع أصدقائى كريم الجبالى واسلام يوسف

شهادة المشير أمام المحكمة

دى الشهادة المتداولة على الانترنت للمشير.

أنا ليه نشرت على الرغم من حظر النشر ؟؟ أنا بتحدى قرار حظر النشر علشان أولا الكلام اللى قاله المشير مش بيضر فى مصلحة مصر أبدا وحضرته مقالش أى أسرار. ثانيا أن من حقنا نعرف لأن دى بلدنا. حاجة كمان من حقنا كمان نعرف اللى بيحكومونا واللى "حمو الثورة" بيفكروا ازاى !!.

إلى أبى 5

سفرك صعّب الأمور عليا جدا, كل مرة بتبقى أصعب من اللى قبلها, بس المرة دى الظروف أسوأ.


حضرتك كنت قلتلى يا اما تكمل وتعمل المستحيل, يا اما تنسى للأبد. انما مينفعش تفضل فى الحالة دى علطول. فى الحقيقة الموضوع ده بالنسبة لى حلم, عمر حضرتك سمعت عن حد بيتنازل عن حلمه بسهولة ؟ أو بصعوبة حتى !؟

هو يمكن يبان انه حلم صعب تحقيقه أو مستحيل حتى. بس مستحيل ايه هو مين كان يصدق أن حسنى مبارك يتنحى, أقول لحضرتك على سر ؟ فاكر لما حضرتك اتصلت بيا وقالتلى مش هيمشى وانا قلتلك لأ هيمشى ان شاء الله. ساعتها انا مكنتش متخيل أبدا انه هيمشى وكنت بقول كده علشان أحاول أقنع نفسى ان المستحيل ده ممكن يتحقق. بل انا كان ممكن أرضى بأقل من ده وامشى من الميدان (من كتر ما الموضوع ده كان مستحيل). وربنا قادر على كل شئ وأهو اتحقق فى زمن قياسى كمان الحمدلله.


يمكن مش فى ايدي أكتر من أنى اعمل زى ما حمزة نمرة بيقول "بس احنا نحلم". بس الحلم ده مش النوع اللى بيتحقق بالاعتصام 18 يوم فى التحرير, محتاج مجهود أكبر. ادعيلي.

ملحوظة: يوم الاربعاء هعرف انا ظابط ولا عسكري, دعواتك.

التقديم للخدمة العسكرية

التجنيد الاجباري :S:S.

مجرد التفكير فى الموضوع ده بيخلى الواحد عنده احباط, ومخلى الواحد تفكيره فى المستقبل واقف, لا عارف هيشتغل فين ولا امتى ولا هيعمل ايه فى الفترة القادمة, بس اهو مكتوب علينا أمرنا لله.


وعلى رأى واحد بيقول "المرض تاج على رؤس المرضى, لا يراه إلا المجندين" :D:D.
الموضوع ده للناس اللى متوقعين ان عندهم جيش, أما المحظوظين اللى عارفين انهم مش داخلين (الوحيد والذى منه) فده مش مكانك :D:D.

التربية العسكرية .. الايمان, العلم, التعاون

ايه ؟ مين ؟ ليه ؟ ازاى ؟


متسألش .. هو كده, اللى فيكم داخل الجيش يعتبر دى بروفة صغيرة من اللى هيحصل فيك فى الجيش, وأول كلمة هتكرهها فى التربية العسكرية هى "هما أسبوعين, خلى ال 12 يوم بتوعك يعدوا على خير" ... ربنا معاكم, هحاول أنزل مرة الساعة 8 ولا حاجة علشان اجى اضحك عليكم وانتم فى الطابور :P:P.

مهمة صعبة

بدأنا فى مراجعة انفسنا, وكان هناك من هو خارج القائمة يدعمنا ويدعم هدفنا (عدم وصول الاتحاد القديم أو من يدعمه) وكان من هؤلاء "كريم الجبالى" و "اسلام يوسف" وبصراحة هم من أكثر من ساندونى وساعدونى فى هذا الوقت, وهم من اقترح علىّ فكرة التحالفات مع المستقلين, وبذلوا جهدا كبيرا فى اقناع معظمهم فى التحالف معنا من أجل الوصول لنفس الهدف, تواصيت أنا وزملائى فى القائمة بالدعاء والاجتهاد فى يوم الاعادة حتى يفوز مرشحنا "احمد يسرى" بالمقعد وكان دورى انا قيادة التحالفات, وكانت "مهمة صعبة".

انسحبوا

أعلنت اللجنة المنظمة للانتخابات فتح باب الترشيح, وكان فى الاعلان ان عدد طلبة الاتحاد هو 14 طالب, أى طالبين لكل لجنة من اللجان السبع, فبدأت بتجميع زملائى وقمنا   بعمل قائمة انتخابية تضم 14 مرشحا من جميع الفرق للمنافسة على جميع مقاعد الاتحاد, واجتمعنا وحددنا أسم القائمة وكان “صوتنا” وبدأنا فى عمل دعاية للقائمة ونشر برامجنا الانتخابية لمنافسة أعضاء الاتحاد القديم ومن يساندهم, وفى هذه المرحلة كان لصديقى "يحيى إحسان" دور كبير للغاية فى تجميع الطلبة للمشاركة فى الانتخابات, وللدعاية للقائمة.

بداية البداية

التجربة تستحق الكتابة وتعلمت منها الكثير, ولم أكن اعلم أن العمل السياسى (حتى وان كان طلابيا) بهذه الصعوبة. 

التجربة بدأت منذ 3 سنوات, ففى عام 2009 عندما كنت فى الفرقة الثانية رشحت نفسى فى انتخابات اتحاد الطلبة بعد أن اجتهدت كثيرا فى معرفة الموعد المحدد لتقديم الأوراق, وكان مثل موعد الحرب لا يتم اعلانه الا لمن رضى الأمن عنهم أو من عرفه بالصدفة مثلى. 

تقدمت بأوراقى وكان عدد المتقدمين 16 طالب تم قبول 14 طالب وشطب طالبين, احدهم شطب لأن عميد الكلية كان لا يحبه وأنا شطبت من قبل الأمن لأنه كان يشك أننى أنتمى لجماعة الاخوان المسلمين. 

لم اعلن ترشحى لزملائى ولم اعلن شطبى ولم أحتج, وكنت اعلم من البداية أن هذا سيحدث, بل أن هدفى كان اختبار هل يشك الأمن (ممثلا فى قائد الحرس) فى انتمائى فعلا ام انه لا يدرى عنه شئيا, وهنا أحب أن أشير أنى أكن كل الاحترام والتقدير لشخص الاستاذ  محمد هشام قائد الحرس, ولكنى لأ أحب دوره كممثل لوزارة الداخلية فى الكلية يقوم بجمع المعلومات عن الطلبة, ومن باب الامانة فهو لم يكن يتعامل معى كما يتعامل باقى قادة الحرس فى باقى الكليات, كان فقط يرسل من يراقبنى ويصورنى أثناء المسيرات فى الجامعة أو ينقل له تحركاتى فى الكلية هذا بالاضافة إلى شطبى من قائمة المرشحين فى اتحاد الطلبة, اما غير ذلك من تحويل لتحقيق أو فصل تعسفى أو حرمان من امتحانات او اعتداء لفظى أو بدنى فلم يحدث أطلاقا منه معى (أو مع غيرى حسب علمى) وهذا من أسباب احترامى لشخصه, وعدم احترامى لوظيفته ودوره فى الكلية.

مظاهرة أمام الجامعة قبل الثورة تنديدا بالتجاوزات الأمنية فى الجامعات

اتحاد الحرية

كانت تجربة فريدة من نوعها, مليئة بالاحداث والافكار, بداية من الانتخابات وما بها من مفاجئات وصولا إلى العمل داخل الاتحاد وما به من صعوبات وتحديات.

سأكتب تجربتى الشخصية بما تتضمنه من أسباب الترشح و "قائمة صوتنا", وكيف جرت الانتخابات, والاخطاء التى وقعنا بها, والتحالفات كيف تمت ادارتها ومن ساعدنا فى انجازها, هدفى من تدوين هذه التجربة هو نقل الخبرة التى اكتسبتها لمن أراد أن يكتسبها.

السلسلة مكونة من 4 حلقات, سأنشر بمعدل حلقة كل يومين, وغدا الحلقة الأولى .. انتظرونا ;).


الحلقات:
الحلقة الأولـى: بداية البداية.
الحلقة الثانيــة: انسحبوا.
الحلقة الثالثــة: مهمة صعبة.
الحلقة الرابعة: البداية الحقيقة.

العلم و نهضة مصر 1

كتب عبدالرحمن زكريا:

لا تقوم الأمم إلا بالعلم و الدول الرائدة عالميا هي الأكثر علما. يا شباب كلنا يُريد لمصر رفعة عالمية و هذه الرفعة دائما و أبدا ستكون ملاصقة بقوّة علمنا و مصر لن تنهض فقط بنظافة و تجميل الشوارع. فالنظافة شيء مهم جدا و مع عامل النظافة هناك عوامل أخرى. فالدولة القوية مكتفية بذاتها بشبابها و بعلمائها؛ إن مصر الآن تُعد من دول العالم الثالث بينما ماليزيا تعتبر من الدول "المحتمل أن تكون قادة" بينما الصين و أمريكا يحتلون "الدول القيادية".


هل ترضى أن تكون براءات الإختراع في أمريكا "أربعون ألفا في السنة" و مصر "خمسة و سبعون في السنة" فقط؟

‫نعم لـ"نعم" و لا لـ"لا"

قررت أنى سأقوم بالتصويت فى الاستفتاء على التعديلات الدستورية القادمة بـ"نعم" (إن شاء الله), وإسمحوا لى أى أخرج عن الحياد فى طرح هذا الموضوع وأقوم بعرض والدعوة لوجهة نظرى على مدونتى الشخصية.

أنا أرى أن التصويت بـ"نعم" هو لمصحلة البلد وأؤكد أنى سأنحاز إلى الصندوق ورأى الأغلبية, وسأعمل بعد الاستفتاء على نتيجته, بمعنى أنه اذا كانت النتيجة "لا" فإنى سأعمل وكأن "لا" كانت رأييى من البداية, وأرجو من الجميع فعل ذلك, وأود أن أشير أن لدّى يقين بالله عز وجل أن نتيجة الاستفتاء ستكون الخير لمصر (سواء كانت نعم أو لا) طالما أن كل منا يدلى بصوته وهو ينوى ويريد مصلحة مصر.


لن أكتب هذه المرة شيئا جديدا, ولكنى سأشير إلى بعض اللقاءات المصورة والفيديوهات والمقالات التى بنيت عليها وتتبنى وجهة نظرى, وسأذكر بعض الموافقين على التعديلات الدستورية.

مصر ب.ث.

هنيئاً لنا الحرية, هنيئاً عودة مصر إلينا بعد أعوام كثيرة من الظلم والفساد والقهر والاستبداد, ولا يخفى على أحد منا حال مصر ق.ث. (قبل الثورة).

لا يهمنى الان الحديث عن مصر أثناء الثورة, وعن الاحداث التى عايشتها والبطولات التى رأيتها مع الأبطال فى ميدان التحرير, فكلنا عايش الحدث وتفاعل معه سواء بالمشاركة المادية البدنية أو الوجدانية (لظروف خارج الارادة) أو حتى بالمتابعة السلبية (من خلف الشاشات مع الوقوف ضد الثورة). فالثورات هناك من يصنعها, وهناك من يشارك بها, وهناك من يصفق لها عندما تنجح, فإن كنت من المصفقين فلا تحزن .. الاصلاح ما زال مستمراً.

ما يهمنا الان جميعا هو مصر ب.ث. لأنها الآن تحررت وأصبحت لنا وطن, يعيش فينا ونعيش فيه ويحتاج منّا كلّ جهد من أجل نهضته ورقيه, فقد ظلت بلدنا فى مكانها لاعوام كثيرة بسبب فساد النظام وسلبيتنا والان جاء الوقت لكى نـ"حركها" ... يا اخوانى استعدوا فقد حان وقت النهضة.

حركها ... لوجو معبر

الحمدلله بعد عامين من انطلاق حملة حركها تم عمل Logo للحملة. جزى الله كريم محمد خيرا على ال Logo الرائع.

وتم انشاء صفحة http://www.facebook.com/Harakha للحملة على ال Facebook لمزيد من التفاعل والتواصل والأفكار باذن الله.


حركها ... أفعال بتحرك البلد للأمام.

هانت

انا الآن مع المرابطين في ميدان التحرير.

معنوياتنا مرتفعة جدا.

إدعمونا بالدعاء و بحضوركم إن استطعتم.