تعـــــرف ميــــن ده ؟؟!

نفس السؤال اللى سألته لحوالى 18 واحد على الميل

1 قال قسيس 5.55%
1 قال انه ميعرفهوش خالص ولا عمره سمع عنه 5.55%
2 قالوا بن لادن 11.11%
4 كانوا عارفين اسمه بس .. لكن مش فاكرينه 22.22%
10 كانو عارفين اسمه وغالبا عارفين مين ده 55.55%

المشكلة بقى فى الناس اللى عارفينه هل اللى يعرفوه يعرفوا عنه معلومات قد اللى يعرفوها عن عمرو دياب مثلا او كانوا بيهتموا باخباره زى اهتمامهم باخبار نانسى عجرم ... السؤال ده انا مسألتهوش لحد ولكن اتمنى ان كل واحد يسأله لنفسه بس الاول اسأل نفسك

عارف مين ده؟؟؟!

فــــرح فــى الشــــــارع

بيبقى يوم نكد وخنيق ومقرف وكله مشاكل لو عندك فرح فى الشارع .... ياااااااااااااااااه ... كمية من الكلاكيع بتبقى فى نفس الواحد مش بيبقى عارف يتخلص منها ازاى ... حاجة فوق الوصف ... طبعا احنا مش ضد ان الناس تفرح ولا حاجة لا سمح الله ... بس احنا نفسنا نفرحلهم ونفرح معاهم ...