الأربعاء، 20 مايو 2009

[حــــرَّكــهـا] مـقـــــشّـة

. الأربعاء، 20 مايو 2009
15 التعليقات


كتبت س :
ماما: أخيرا الراجل خلّص.
أنـــا: طب كويس يا ماما أنه عمل بإتقان, كان ممكن يخلّص بسرعة و يعمله أي كلام.
ماما: طيب, أدخلى هاتى الفلوس عشان نحاسبه.

وأنا داخلة سمعت كلمة رنّت في وداني.
العامل: عايز مقشّة
أنا طبعا : عايز مقشة يعمل بيها إيه !

[حــــرَّكــهـا] سوّاق الميكروباص


كتبت س :



فى أحد الليالي و أنا واقفة مستنية ميكروباص عشان أرجع البيت حصلت حاجة غريبة أوي...


كل ما ميكروباص يجي, كالعادة ألاقيه في ثانية أتملى ... و طبعا كالعادة بردو أن رجالة بس هي اللي بتركب.


"ياااه بقى هي دي رجالة أخر الزمن" بقول في نفسي...

و كنت بشاور عقلي... هل في أمل إني أروّح ولا أركب تاكسي و خلاص.


إذ فجأةً لقيت ميكروباص وقف ...





الأربعاء، 13 مايو 2009

[حــــرَّكــهـا] بـونبــونايـة

. الأربعاء، 13 مايو 2009
15 التعليقات

كتب أبوبكر طه :



كنت مروح انا و عمرو صقر من الكلية بعد تسليم مشروع ال Database Engineو رايحين على بيته عشان نعمل باقي مشروع ال System analysis and design و ناوين نطبق (نسهر طول الليل لحد الصبح).

و احنا راكبين الميكروباص عمالين نتكلم و صوتنا متوسط و لا هو عالى و لا واطي.
المهم و انا في الميكروباص حسيت بتعب و كنت حاسس اني في بداية (لا مواخذة) عملية ترجيع فى الميكروباص و انا بتكلم مع عمرو قولته :

أبوبكر : انا تعبان
عمرو : حاسس انك هترجع ؟
أبوبكر : اه مع ان الموضوع ده بحسه لما اكون في اتوبيس مكيف مش ميكروباص :D

الخميس، 7 مايو 2009

[حــــرَّكــهـا] امتحان عملى الفيزياء

. الخميس، 7 مايو 2009
37 التعليقات



عندنا فى الكلية الامتحانات العملى وبالذات فى أول سنتين بيبقوا حاجة مهمة أوى ... لأن بيبقى عليهم جزء كبير من درجات المادة.

والخطورة فى الموضوع ... انك علشان تضمن تجيب درجة كويسة فى الامتحان العملى لازم تذاكر كل التجارب كويس أوى.

علشان لو فى تجربة واحدة بس انت مش مذاكرها وجتلك يبقى قول على درجة العملى يا رحمن يا رحيم ... مش زى الامتحان النظرى لو مش مذاكر جزئية معينة ممكن تعوض فى بقية الامتحان
زى ما حصل معايا فى امتحان عملى ال Logic الترم اللى فات ...زميلى "عيد" ليلة الامتحان قالى التجربة دى مش بتجيى وذاكرت كله معدا التجربة دى ودخلت لقيتها :D:D (ربنا يسامحك يا عيد :D) وطبعا ده كان سبب تقديرى الزبالة فى المادة دى ... لكن الحمدلله على كل شئ.