عندنا فى الكلية الامتحانات العملى وبالذات فى أول سنتين بيبقوا حاجة مهمة أوى ... لأن بيبقى عليهم جزء كبير من درجات المادة.
والخطورة فى الموضوع ... انك علشان تضمن تجيب درجة كويسة فى الامتحان العملى لازم تذاكر كل التجارب كويس أوى.
علشان لو فى تجربة واحدة بس انت مش مذاكرها وجتلك يبقى قول على درجة العملى يا رحمن يا رحيم ... مش زى الامتحان النظرى لو مش مذاكر جزئية معينة ممكن تعوض فى بقية الامتحان
زى ما حصل معايا فى امتحان عملى ال Logic الترم اللى فات ...زميلى "عيد" ليلة الامتحان قالى التجربة دى مش بتجيى وذاكرت كله معدا التجربة دى ودخلت لقيتها :D:D (ربنا يسامحك يا عيد :D) وطبعا ده كان سبب تقديرى الزبالة فى المادة دى ... لكن الحمدلله على كل شئ.
الموقف اللى حصل معايا كان السنة اللى فاتت 2008 ... أول يوم لأمتحانات عملى الفيزياء فى الترم الثانى ... قدام المعمل كان فى حوالى 50 طالب ماسكين ورق وعمالين يراجعوا وجوه المعمل كان دكتور/حسن رمضان ومعاه 3 من المعيدين بيجهزوا ورق الاجابات وارقام التجارب علشان نبدأ طقوس الامتحان.
والخطورة فى الموضوع ... انك علشان تضمن تجيب درجة كويسة فى الامتحان العملى لازم تذاكر كل التجارب كويس أوى.
علشان لو فى تجربة واحدة بس انت مش مذاكرها وجتلك يبقى قول على درجة العملى يا رحمن يا رحيم ... مش زى الامتحان النظرى لو مش مذاكر جزئية معينة ممكن تعوض فى بقية الامتحان
زى ما حصل معايا فى امتحان عملى ال Logic الترم اللى فات ...زميلى "عيد" ليلة الامتحان قالى التجربة دى مش بتجيى وذاكرت كله معدا التجربة دى ودخلت لقيتها :D:D (ربنا يسامحك يا عيد :D) وطبعا ده كان سبب تقديرى الزبالة فى المادة دى ... لكن الحمدلله على كل شئ.
الموقف اللى حصل معايا كان السنة اللى فاتت 2008 ... أول يوم لأمتحانات عملى الفيزياء فى الترم الثانى ... قدام المعمل كان فى حوالى 50 طالب ماسكين ورق وعمالين يراجعوا وجوه المعمل كان دكتور/حسن رمضان ومعاه 3 من المعيدين بيجهزوا ورق الاجابات وارقام التجارب علشان نبدأ طقوس الامتحان.
بعد حوالى ربع ساعة من دخول دكتور حسن والمعيدين المعمل ... خرج مناديا ينادى بأن عايزين أول 10 يدخلوا يمتحنوا ...ودايما فى أول دفعة من أى امتحان عملى تلاقى الناس أكنهم مش سامعين وكأن الكلام مش ليهم .... انا كنت قدام باب المعمل ومكانش فيه مفر من دخول الامتحان.
وانا فاكر انى كنت أول واحد دخل اللجنة وأول واحد اختار سؤال .
الدكتور حاطط قدامى 10 كراسات اجابة مقلوبين وعلى كل كراسة مكتوب رقم التجربة اللى المفروض همتحنها ... وقالى اختار ... اختارت أول ورقة وكانت أول تجربة فى الكتاب... اكتشفت فى الاخر ان الدكتور كان حاطط الورق بالترتيب.
التجربة بتاعتى كانت Determine the coefficient viscosity of Liquid .... وهى باختصار بتحدد معامل لزوجة سائل ... وفى التجربة دى السائل كان زيت ... ومعامل اللزوجة بيتحدد عن طريق رمى كور من حديد فى اسطوانة طويلة مليانة زيت وأحسب سرعة الكور فى الزيت ... وكل مرة أجرب كورة بنصف قطر مختلف وأعمل شوية حسابات وأعوض فى شوية قوانين.
الفكرة كلها ان التجربة كان فيها زيت ... طبعا انا علشان امسك كورة واحطها فى الانبوبة ايدى بتتبهدل من الزيت وورق الاجابة كمان وخصوصا انى بضطراحسب السرعة فى كل مرة و ادون النتائج .
ناديت على دكتور حسن
ناديت على دكتور حسن
(بكل هدوء وبابتسامة خفيفة) أيوة يا ابنى.لو سمحت يا دكتور عايز مناديل .
ليه يا ابنى ؟؟
أصل يا دكتور التجربة بتاعتى كلها زيت وايدى اتزيتت وبتضايقنى وانا بمسك القلم وانا بكتب وكمان ورقة الاجابة هتتوسخ
.
قام دكتور حسن نادى على المسؤول عن المعمل وطلب منه انه يجيبلى كيس مناديل ... ودكتور حسن قالى هيجيبولك دلوقتى.
وبعد مرور حوالى ربع ساعة من المعاناة وايدى كلها بقت زيت والقلم وكراسة الاجابة كانوا متبهدلين جدا ... جالى الدكتور وسألنى
وبعد مرور حوالى ربع ساعة من المعاناة وايدى كلها بقت زيت والقلم وكراسة الاجابة كانوا متبهدلين جدا ... جالى الدكتور وسألنى
جابولك مناديل يا ابنى ؟؟
لأ يا دكتور محدش جاب حاجة .
محدش هيعبرك يا ابنى.
ليه كده يا دكتور !!
هى بلدك كده يا ابنى ... كمل امتحانك.
قد ايه الكلمة دى ضايقتنى ... قد ايه كنت عايز أقوله "يا دكتور هى كده علشان احنا كده ...وعمرها ما هتبقى مش كده الا لما احنا نستاهل انها تبقى مش كده ... التغير مش هيجيى غير لما يكون فى حد يستاهل التغير ده ... انما لو فضلنا زى ما احنا فعلا عمرنا ما هنتغير"
مكانش فيه فرصه أقوله الكلام ده ومكنتش لسه خلصت الامتحان ... وبعدين انا لو كنت قلتله الكلمتين دول ايه اللى هيفرق ... عادى ... انا مش أول واحد يقول الكلمتين دول ... وكمان مش هينفع الكلام مع دكتور بسن وخبرة دكتور حسن رمضان ... لازم اوصله كلامى ده بس بطريقة تانية .
ربنا ألهمنى بفكرة ... بعد اما سلمت الورقة وخرجت بره اللجنة ... زمايلى اللى بره بيسألو هاه عملت ايه ؟؟؟ ... مردتش على حد ونزلت جرى على الكافتيريا اللى تحت واشتريت كيس مناديل وطلعت تانى خبطت على الباب فتحلى واحد من المعيدين قلتله حضرتك ده كيس مناديل للتجربة الأولى علشان فيها زيت ... تقريبا المعيد مفهمش قصدى والدكتور خد باله.
مكانش فيه فرصه أقوله الكلام ده ومكنتش لسه خلصت الامتحان ... وبعدين انا لو كنت قلتله الكلمتين دول ايه اللى هيفرق ... عادى ... انا مش أول واحد يقول الكلمتين دول ... وكمان مش هينفع الكلام مع دكتور بسن وخبرة دكتور حسن رمضان ... لازم اوصله كلامى ده بس بطريقة تانية .
ربنا ألهمنى بفكرة ... بعد اما سلمت الورقة وخرجت بره اللجنة ... زمايلى اللى بره بيسألو هاه عملت ايه ؟؟؟ ... مردتش على حد ونزلت جرى على الكافتيريا اللى تحت واشتريت كيس مناديل وطلعت تانى خبطت على الباب فتحلى واحد من المعيدين قلتله حضرتك ده كيس مناديل للتجربة الأولى علشان فيها زيت ... تقريبا المعيد مفهمش قصدى والدكتور خد باله.
تعالى عايز ايه ؟؟
انا بس جايب كيس مناديل علشان تجربة الزيت.
(بزعيق شديد وبعصبية) وانته مالك انته ؟؟
(وأنا ببلع ريقى) يا دكتور انا عملت كده علشان اللى هيمتحن من بعدى ميحصلش معاه اللى حصل معايا.
(بإبتسامة جميلة) طب واللى يجيب ... يجيب كيس صغير ولا علبة كبيرة.
انا طبعا ضحكت وضحك المعيدين اللى قاعدين والدكتور سألنى على اسمى وشكرنى وخرجت وانا مبسوط بفضل ربنا.
من ساعتها والدكتور فاكرنى و بيحترم جدا الحماس اللى انا فيه ودايما بيشجعنى ويقولى "يا ابنى انته طالب جامعى ... ليك حقوق وعليك واجبات ... وصوتك ليه تأثير ... ومحدش يقدر يمنعك".
كفاية كلام ...علشان نحركها محتاجين أفعال ... وأحب أفكركم بالأية اللى بتقول
"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"
من ساعتها والدكتور فاكرنى و بيحترم جدا الحماس اللى انا فيه ودايما بيشجعنى ويقولى "يا ابنى انته طالب جامعى ... ليك حقوق وعليك واجبات ... وصوتك ليه تأثير ... ومحدش يقدر يمنعك".
كفاية كلام ...علشان نحركها محتاجين أفعال ... وأحب أفكركم بالأية اللى بتقول
"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"
37 التعليقات:
الصراحة موضوع حلو و جزاك الله خيرا و ان شاء الله لو بقيت في اولى هاعمل زيك :D:D:D:D
هى بلدك كدا لو انتا عاوزها كدا .. جميل جدا يا خالد استمر .. فى انتظار القادم من سلسلة حركها .
أنا بفكر أغير أسم المدونة وأخليه حركها ... ايه رأيكم ؟؟؟
ايوه هو ده المطلوب .. لازم كل واحد يبدأ بنفسه .. لو كل واحد إستني الناس تتغير يبقي محدش هيتغير .. النهضة قربت برغم كل الظروف اللي حولينا .. وإن شاء الله نكون من الناس اللي هتقوم بالهضة دي.
كلما سمعنا كلام المحبطين علينا أن نتذكر أن .. النور يأتي بعد قمة الظلام في الفجر .. و النور لا يملأ السماء وهلة واحده و لكن يأتي الشروق ثم الضحي .. حتي تتوسط الشس عنان السماء ظهرا.
إن الضحي لقريب ..
بسم الله الرحمن الرحيم
السلام عليكم و رحمة الله و بركاته
ده سلوك شخص مسلم :) السلوك ده إنتج الآتي:
- غير فكر الدكتور نفسه. ممكن الدكتور بعد كده يبقى يعمل سلوك زي ده
- الشباب إللي دخلوا بعديك لما يعرفوا إن طالب زيهم هوا إللي جاب المناديل حيحبوا يعملوا كده
- إللي قرا الموضوع ده أعتقد إنه مش حينساه :) و يعلمنا دايمنا منقولش "هيا كده هيا واقفه.." لأ يعلمنا نقول "هيا واقفة... و فيها إيه نحركها D:"
جزاك الله خيرا يا 5olio إبقى خلي المدونة إسمها حرّكها D: أعتقد أحسن من حتكلم حتى إشعار آخر D:
و السلام عليكم
حركها يا خالد .. لإن لو استنيناها تتحرك لوحدها مش هتقوم أصلا لإن كيانها هو إحنا ..
ربنا يبارك فيك يا خوليو و الله
كنت متحمس زيك كدة زمان بس للاسف خلاص معدتش تفرق
هتقولي ياس وحركات :]
هقولك دة مش ياس دة توفير لمجهود ممكن يروح لمكان افضل
الي بيميزك شخصيتك مش بلدك
وحركها اسم جااامد جدا وعجبني :]
حلو يا خوليو الموقف ده :)
بس برضه انا مع كلام الولد OXzi اوفر طاقتى لمكان افضل, منه افيد و استفيد .
@ أوكزيمو
لو هتعيش علشان تبقى شخصية مميزة وبس يبقى فى حاجة غلط أكيد
لأن ربنا لما خلقنا مخلقناش علشان كل واحد فينا يبقى أحسن واحد فى الأرض ... انما خلقنا علشان نعمر الأرض ونصلحها
قال تعالى "إِنَّا عَرَضْنَا ٱلأَمَانَةَ عَلَى ٱلسَّمَـٰوٰتِ وَٱلأرْضِ وَٱلْجِبَالِ فَأبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا ٱلإِنْسَـٰنُ إِنَّهُ كَانَ ظَلُوماً جَهُولاً"
وبالنسبة لبمبو :
انته بتقول توفر طاقتك لمكان ممكن تفيد وتستفيد فيه ...وافرض ان ربنا مقدرلكش انك تروح المكان ده .. هتفضل طول عمرك كده موفر طاقتك ؟؟؟ طب ولو فرضنا جدلا ان فى مكان معين انته متوقع انك ممكن تفيد وتستفيد منه ايه اللى يضمنك انك لما تعمل فى المكان ده تفيد وتستفيد ؟؟؟
يا بمبو ربنا خلقنا وأمرنا اننا نعمل ... وهيحاسبنا يوم القيامة على عملنا مش على نتيجة عملنا ... وأعرف ان ربنا مش هيحطك فى مكان انته متقدرش تفيد وتستفيد منه لأن ربنا بيقول
"لَا يُكَلِّفُ اللَّهُ نَفْسًا إِلَّا وُسْعَهَا"
وافتكر قصة أصحاب الكهف .. ربنا أماتهم ثم أحياهم علشان يوريهم نتيجة الخطوة اللى هما خدوها ... وعلشان احنا نتعلم اننا نشتغل مش علشان نشوف نتيجة وانما علشان ربنا هيحاسبنا يوم القيامة على عملنا ... والنتيجة فى الأخر بتاعة ربنا
وافتكر قوله تعالى : " إِنَّا لَا نُضِيعُ أَجْرَ مَنْ أَحْسَنَ عَمَلًا "
allah to7fa bgd msa
rabna ykrmk ya rab
و الله يا خالد انت فعلا بيعجبنى بسلوكك ..بارك الله فيك .. فى الوقت الى احنا فية دة كل واحد بيقول يلا نفسى .. و بدام كلوا بيعمل كده .. معملش انا كمان لية كدة؟؟!!! .. ودى طبعا سلبية .. كل واحد لو عمل حاجة اجابيه تجاة الاخرين .. الحياه هتبقى افضل .. حركها
.. حركها
حاجه كويس اننا نفكر فى تغير البلد للاحسن ونوصل بيها لبر الامان
بالنسبة لهذه الجملة: "دة توفير لمجهود ممكن يروح لمكان افضل"
لو تقصد مكان آخر أفضل يعني بلد تانية في المستقبل:
فأحنا مانضمنش نعيش لبوكرة
و أنا شايفة أن بلدي أحق بي من أي بلد تانية
و أحنا هنتسائل و نتحاسب علي بلدنا أحنا
فحتي لو ناويين نعمل حاجة فيما بعد... لأ ماتخافوش طاقتنا مش هتخلص, إن شاء الله هتكفّي للإتنين :D
أما لو كنت تقصد مكان آخر غير الكلية:
فدي كليتنا اللي بنعد فيها تقريبا نص النهار
دي بقت زي بتنا... هي أه بنعد فيها أربع سنين بس
بس مش معقولة نعد فيها أربع سنين و نسبها زي ما دخلناها, دة إذا كان لو دخلنا مكان بس كدة دقائق أو ساعات بيقوللنا" المسلم إذا حلّ مكان تركه أفضل مما كان"
ما بالكوا بقي بأربع سنين
ففي حاجات مش بتاخد مننا مجهود أو وقت, بس بتفرق كتير
و كمان فيه ميزة في الكلية أن في دقايق -و دقايق كتيرة أوقات- بين محاضرتين أو سكشين, ممكن نستغلهم في حاجة
و باردو نفس الكلام... المجهود إن شاء الله هيكفّي للمكانين.
و في الحالتين... كل ما المجهود يتضاعف, الحسنات بتتضاعف :)
كان نفسي أعلق علي باقي الكلام... بس كدة هطوّل أوي :D
----------------
معلومة إضافية :D
مش هتلاقوا مكان أحلي من مصر, صدقوني
ولا دولة غربيه و لا عربية حتي
@ سارة :
مش مشكلة علقى براحتك :D
ده حتى المدونة لحد دلوقتى اسمها هتكلم ... كل واحد يقول اللى هو عايزه
مفيش غير زيكاس بس اللى قال رأيه فى تغير أسم المدونة ... ايه رأيكم يا جدعان ؟؟؟
@خوليو
اديك قولتها بلسانك اهه ربنا خلقنا عشان نعمر "الارض" مش بلدك بس والرسول (صلي الله عليه وسلم)افضل الخلق لما لقي بلده مفيش منها فايدة مشي وسابها بمرارة اه بس دي سنة الحياة المفروض تروح للمكان اللي ممكن تدي فيه اكتر
واكيد كل انسان بيعيش عشان يتميز عن الناس في العمل وكله بيتسابق عشان يرضي ربه
@ أكزيمو :
أول حاجة بس انى أحبك فى الله يا اكزيمو :D
تعالى هنا بقى ... بلدك دى مش جزء من الأرض
وبعدين متقوليش الرسول صلى الله عليه وسلم ساب بلده علشان مفيش فايدة منها .
لما الرسول صلى الله عليه وسلم خرج كان خرج لأن أهل بلده أجمعوا انهم يقتلوه ... هل أنته أهل بلدك أجمعوا على أنهم يقتولك ؟؟؟
وكمان متنساش ان الرسول صلى الله عليه وسلم لما خرج منها كان بيقول "والله إنك لأحب بلاد الله إلى الله وأحب بلاد الله إلي ، ولولا أن أهلك أخرجوني ما خرجت"
الرسول مخرجش منها علشان زهق منها وملقاش فيها فايدة ... والدليل انه فضل يدعوهم اكتر من 13 سنة ومزهقش يعنى فضل معاهم أكتر من نصف سنوات دعوته معاهم ... ومجاش فى يوم وقال البلد دى مفيهاش فايدة.
ومتنساش ان الرسول صلى الله عليه وسلم لما خرج ... خرج ورجع تانى علشان يكمل اللى بدأه فيها
بص عيش وتميز واعمل على انك تبقى مميز ... لكن متعيشش لنفسك ... لأن انته خليفة ربنا فى أرضه
هذه الأحداث في سنة 1999 (على ما أظن): كان د. رشدي عامر يشعر بالإحباط من اضطراره لشرح و كتابة البرامج على السبورة. و كلما يطلب وجود جهاز كمبيوتر في المدرّج يردّ الموظفون بأنه لا يمكن، بأي حال من الأحوال، ترك كمبيوتر في مدرج. لا ينفع! سيكون عرضة للسرقة! إنّه عهدة!
ماذا فعل د.رشدي؟ حسب ما سمعت، فإنه ذهب إلى مكتب عميد الكلية وقتها و تشاجر معه، و أمسك بيده يريد أن يخرجه من مكتبه و هو يقول ما معناه "تعال احضر بنفسك لترى المحاضرة التي اعطيها مضطرّا بلا كمبيوتر، هل ستعجبك أم لا!".
و مرت الوقت و تم تركيب باب حديد للمدرج و وُضع كمبيوتر هناك ليشرح به الأساتذة، بالرغم من ان المدرج وقتها لم يكن حتى في مبنى الكلية الأساسي بل كان مستعاراً من كلّية أخرى!
ثم بنينا مدرّجين جديدين و كلما بُني مدرّج كان شيئا عاديّا جداً أن يكون به أجهزة كمبيوتر و Datashow و لا يوجد مَن يتخيل انه هناك مشكلة في هذا، بل يعتبره الجميع من ألف باء تجهيز كلّيتنا. لم يتخيل أحد أنه منذ عشر سنوات احتاج الأمر إلى مشاجرة في مكتب العميد.
نلحق نتكلّم قيل ما اسم المدونة تتغّر :D
عشان الناس تعرف أن بلدنا دي جميلة و فيها فايدة
- علي عكس ما نص شعبها معتقد- هحكي موقف سريعا:
كان في محل نضارات و معلّق من برّة المحل صورة مش ظريفة
فالبنات قالوايعني كل ما الواحد يعدّي من هنا هياخد ذنوب( عشان في منكر و ماتحركتش + غض البصر + ...)
طبعا الواحد في الموقف دة كان هيقول داحنا في مصر و الكلام مش هيجيب فايدة
لكن لأ...
اللي حصل أنهم أتفقوا أن كل ما واحدة تعدّي جنب المحل دة تدخل و تقول" أنا كنت ناوية أشتري نضارة من هنا, لكن أما شوفت الصورة غيرت رأيي"
دة لو كانت فعلا عايزة تشتري عشان ما تتحسبش كذبة
و لو ماكنتش عايزة تقول كلام مشابه
فبعد فترة البنات زعله...
ليه بئة...
عشان الراجل شال الصورة...
و بدل ما كل ما يعدّوا من هنا ياخده حسنات الأمر بالمعروف و النهي عن المنكر مابقاش فيه صورة ياخده عليها حسنات
يا سلام لو كل الناس تفكّركدة, ماكناش هنلاقي الحاجات الفظيعة اللي بنشوفها دلوقتي.
أحب أذكر نفسي و إياكم:
من رأي منكرا فليغيره بيده فإن لم يستطع فبلسانه و إن لم يستطع فبقلبه.
بالنسبة لاسم المدونة:
هتكلم دي عجباني أوي و عامة للمواضيع كلها
و معبرة لوصف المدونة"هتكلم لاخر حرف على لسانى ومحدش هيمنعنى انى اتكلم واللى عايز يكتمنى ..يقتلنى"
و حركها جميلة باردو بس ممكن ماتعبرش عن كل المواضيع
@ سارة :
جدعان أوى البنات دول ما شاء الله :D:D:D
دايما أستاذ عمرو خالد كان بيقول ان البنات دول جدعان أوى ... وخصوصا بقى لما يحطوا حاجة فى دماغهم بيبقوا هينفذوها يعنى هينفذوها.
أنا بقول علشان كده الازواج بيشتكوا :D:D:D:D
الفكرة ان مدونتى مسمهاش هتكلم
هتكلم دى بتاعة حد تانى وده لينكها
http://htkalem.blogspot.com/
وانا مينفعش أستخدم اسم هتكلم لأن فى حد قبلى استخدمه والا هبقى حرامى :D
علشان كده انا اسم مدونتى "هتكلم حتى اشعار أخر" ... وانا كنت قلت فى أول موضوع كتبته ... حتى اشعار اخر يعنى لحد اما الاقى اسم تانى
ومش معنى انى ممكن اغير اسم المدونة أنى هبطل اتكلم لاخر حرف على لسانى ... الموضوع ليه جوانب كتير علشان كده انا طلبت ارائكم... انا فعلا متحار
مقلب اسم المدونة من مدونة مشبوهة :D
احنا الاتنين في كلبش واحد يا خوليو :P
وفى مدونة كمان اسمها هتكلم غير الأولانية
http://hatklm.blogspot.com/
الظاهر ان الناس كلها بتتكلم :D
أزال المؤلف هذا التعليق.
بجد موضوع جميل جزاك الله كل خير
ما شاء الله عليك يا خوليو
بجد برافو عليك و على التصرف بتاعك..بس انا عندى تعليق صغير...مش المفروض ان كل الناس تكون اصلا شايلة معاها مناديل؟؟يعنى مينفعش ان حد يمشى فى الشارع من غير ما يبقى معاه مناديل!...بالنسبة لاسم البلوج الجديد فهو جامد يا خوليو :]
@ غير معرف
أنا مش من الناس اللى بتشيل مناديل معاها :D:D
انا حتى لو الدنيا حر أوى ومحتاج بقى مناديل وكده بجيب كيس مناديل واخد منديل واحد وادى الكيس لأى حد أو لما أروح أسيبه فى البيت
أصل الواحد جيبه بيبقى فيه حاجات كتير ... موبايل ومحفظة ومصحف ... مش معقول بقى أحط كمان كيس مناديل
@5olio
ههههههههه...ماهو اصلو يا خوليو فى اوروبا والدول المتقدمة الناس بتشيل ماعاها مناديل..و احنا بقى مش اقل منهم :]
nice topic ya 5olio bas 2na m3 Oxzimo we Bombo we hafdal 3alatool m3ahom :P badam baladak mafeesh menha faida fanta matsahemsh fe mosa3detha :P laken bardo matbwazhash we tool manta sotak mesh masmoo3 mafeesh faida mahma 3amalt hanefdal benerga3 lewara le7ad masotna yeteseme3 bas 2na mesh mosta3ed 2adya3 takty we 7ayaty fe makan mesh haytghayar !!!
@ بيبسى أقرى ردى على بمبو و أكزيمو
لو مقتنعتش يبقى ربنا يسامحك :D
ههههههههههه
ياربي نفس اللي حصلي
التجربة الوحيدة اللي محضرتهاش هيا التجربة الوحيدة اللي ملحقتش اذاكرها هيا هيا الوحيدة اللي كانت فاضله هيا هيا اللي انتا امتنحنت فيها
لوووول بجد والحمد لله شلت المادة
بس بجد حلوة اوي اوي الفكرة وانك قدرت تعملها اصلا ربنا يوفقك
مش مهم اللي حواليك مالهم المهم انتا ليك دعوة بنفسك وباعمالك وبنيتك
@pepsiman
enta lama bt3ml haga bt3mlha llah ya3ny zay masln lw enta btdy sadka hal enta mastny haga mn eldonia ???? wala 3awz rabena ykaf2k
nafs elkalm enta llama tkon egaby hata lw mot2kd en egabitk de msh hat3ml haga e3ml es3y w rabena hisa3dk bs w bgd elostaz Amr khaled daymn bikol khalek egaby matbossh w matfakrsh hal hatngh wala la2 e3ml elly 3alak
begd 7aga 7elwa menk yawad enek 3amlt keda bas kont 2ole we ana kaman kont gebt kees manadeel m3ak 2w kona gebna wa7ed kebeer zay ma el doctor 3ayez:D:D
D:
ونا جاتلي الـ motion sensor و الجهاز بتاعها كان بماوس بتمشي بطريقة برايل .. يعني نحسس عليها من تحت عشان تتحرك في الجهاز .. سكشنّا كان في اخر يوم للعملي فمعملناش حاجة طبعا :D
بس حذرت عيال السنادي و قلتلهم يبقو يجيبو معاهم ماوسات ..
كان خطر في بال حد في سنة اولى يتبرع بماوس للجهاز الغلبان ده بس اكتشف انه الجهاز الي جنبه عايز كيبورد و الي جنبه عايز هارد و الي جنبه عاوز كمبيوتر اصلا .. D:
ممكن نبقى نفتتح صندوق دعم معامل الكلية و نسأل أهل الخير و العطاء يتكرمو بكرمهم عشان الكلية مش كريمة خالص :D
هههههههه شوفت كثير من المتاعب يدكتور
إرسال تعليق