ملحوظة: أنا كتبت الموضوع ده قبل ما أدخل الجيش, وأنا حاليا مفصول عن العالم ومعرفش ايه اللى بيحصل برة, ومش عارف هبقى عايش ولا ميّت وانتوا بتقروا الكلام ده, بس أنا عايز أشارك معاكم ومفيش قدامى وسيلة تانية للمشاركة غير أنى كتبت الموضوع ده وأطلب منكم وأشجعكم كلكم على المشاركة فى الجمعة دى.
مش هقدر أنزل معاكم بكرة لأنى فى كلية الظباط الاحتياط فى فايد, لكن محدش يقعد فى بيته بكرة, انزل ومترجعش إلا والمطلب متنفذ, حتى لو هتبات فى التحرير شهر, مقدامناش غير أننا ننزل ونعمل اللى علينا. انزل واوعى تمشى, واوعى الميدان يبان فيه أن المطلب ده مطلب فئة معينة أو تيار واحد. علشان ننجح لازم نرجع لروح التحرير أيام الاعتصام.
لو العسكر خدوا السطلة والله ولادنا ما هيسامحونا, بدل ما نقولهم احنا عملنا ثورة وحررنا بلدنا من 60 سنة حكم عسكر حكم فاسد مستبد ظالم, هيقولولنا حرام عليكم جددتوا حكم العسكر. يمكن يكون فعلا فى نية المجلس العسكرى أنه يسلم السلطة, لكن الكرسى حلو, وهما قاعدين ومفيش حاجة تلزمهم يمشوا, وفى نفس الوقت فى منافقين كتير وبطانة سوء كتير عمالة تطبلهم.
وبرضة وثيقة السلمى البتنجان دى, أعتقد بعد الوثيقة دى اللى شاكك بقى متأكد ان فى أمر بيحاولوا يدبروه. العسكر مش الهة, المجلس العسكرى مش اله, المجلس العسكرى مش من حقه أنه ينفرد بميزانية الجيش لأنه دايما بيقول أن الجيش ملك للشعب, واحنا الشعب. المجلس العسكرى مش من حقه أنه يحط الدستور لأن الدستور بيحكم الشعب وحق الشعب أنه يختار دستوره, المجلس العسكرى محدش طلب منه أنه يبقى حامى الدستور, دوره يحمى التراب والسماء والبحر, أما سياسة الدولة فدى بتحدد حسب ما الشعب يختار, ودستور الدولة حسب ما الناس بتتوافق.
لما مبارك تنحى المجلس العسكرى قال هيقعد 6 شهور بس فى السلطة, واحنا بنقول يسلموا السلطة فى أبريل 2012, يعنى هيكون عدى سنة وشهرين, يعنى أكتر من المتوقع والمطلوب فمحدش يقول نصبر عليهم, لأن أصلا احنا دلوقتى صابرين بما فيه الكفاية.
ولما عملنا استفتاء, كنّا بنستفتى على طريقة انتخاب رئيس للجمهورية وقعدنا نتخانق على جنسية مراته, فمش من حق المجلس العسكرى فى أى حال من الأحوال أنه يقول انه هيفضل فى السلطة لحد ما الدستور يتم الموافقة عليه ويحط لنفسه صلاحيات فى موضوع الدستور ده, وبعد كده يشرف على انتخاب رئيس بعد اكتر من سنة ونص. شكرا يا قادة الجيش, شكرا يا مجلس عسكرى, احنا هنختار رئيس يخلى باله من البلد والدستور والكلام ده, وانتم ارجعوا ركزوا فى وظيفتكم الأساسية وادارة المؤسسة العسكرية. الشعب مش محتاج أوصياء, حتى لو الشعب اختار احمد شفيق يبقى رئيس جمهورية فهو حرّ ويتحمل نتيجة اختياراته. مش محتاجين وصاية. دى اخر فرصة قدامنا, لازم المطلب يتحقق (وهو مطلب عادل وصحيح ومش مطلب فئة واحدة) أن الانتخابات الرئاسية تكون فى أبريل 2012 وبعدها الجيش يرجع ثكناته.
وفى نفس الوقت شاركوا فى الانتخابات وأعملوا أقصى جهدكم, أوعوا الفلول يرجعوا تانى, اى حد يجيى معدا الفلول, عارف أن المعارك كتيرة اليومين دول, بس انته مش لازم تنام فى بيتك, محدش ينام فى بيته, اتعب شوية دلوقتى علشان نستريح والبلد والأمة العربية والاسلامية كلها تستريح بعد كده.
اعمل اللى عليك, وجدد نيتك, وقرب من ربنا أوى وأدعى انه يعدى الايام دى على خير والناس دى تسلم السلطة, انزل حتى لو ساعتين كل يوم, واثبت على هدفك هتلاقى ناس كتير بتحبطك أوعى يجيلك احباط وخلى ربنا قدام عينك.
متنساش تنشر فى كل مكان علشان تهدونى ثواب المشاركة معاكم. ابعتوا المقال ده لرصد ولكلنا خالد سعيد وكل مكان.
لسان حالى دلوقتى بيقول, يا ريتنى كنت معاهم :(.
مش هقدر أنزل معاكم بكرة لأنى فى كلية الظباط الاحتياط فى فايد, لكن محدش يقعد فى بيته بكرة, انزل ومترجعش إلا والمطلب متنفذ, حتى لو هتبات فى التحرير شهر, مقدامناش غير أننا ننزل ونعمل اللى علينا. انزل واوعى تمشى, واوعى الميدان يبان فيه أن المطلب ده مطلب فئة معينة أو تيار واحد. علشان ننجح لازم نرجع لروح التحرير أيام الاعتصام.
لو العسكر خدوا السطلة والله ولادنا ما هيسامحونا, بدل ما نقولهم احنا عملنا ثورة وحررنا بلدنا من 60 سنة حكم عسكر حكم فاسد مستبد ظالم, هيقولولنا حرام عليكم جددتوا حكم العسكر. يمكن يكون فعلا فى نية المجلس العسكرى أنه يسلم السلطة, لكن الكرسى حلو, وهما قاعدين ومفيش حاجة تلزمهم يمشوا, وفى نفس الوقت فى منافقين كتير وبطانة سوء كتير عمالة تطبلهم.
وبرضة وثيقة السلمى البتنجان دى, أعتقد بعد الوثيقة دى اللى شاكك بقى متأكد ان فى أمر بيحاولوا يدبروه. العسكر مش الهة, المجلس العسكرى مش اله, المجلس العسكرى مش من حقه أنه ينفرد بميزانية الجيش لأنه دايما بيقول أن الجيش ملك للشعب, واحنا الشعب. المجلس العسكرى مش من حقه أنه يحط الدستور لأن الدستور بيحكم الشعب وحق الشعب أنه يختار دستوره, المجلس العسكرى محدش طلب منه أنه يبقى حامى الدستور, دوره يحمى التراب والسماء والبحر, أما سياسة الدولة فدى بتحدد حسب ما الشعب يختار, ودستور الدولة حسب ما الناس بتتوافق.
لما مبارك تنحى المجلس العسكرى قال هيقعد 6 شهور بس فى السلطة, واحنا بنقول يسلموا السلطة فى أبريل 2012, يعنى هيكون عدى سنة وشهرين, يعنى أكتر من المتوقع والمطلوب فمحدش يقول نصبر عليهم, لأن أصلا احنا دلوقتى صابرين بما فيه الكفاية.
ولما عملنا استفتاء, كنّا بنستفتى على طريقة انتخاب رئيس للجمهورية وقعدنا نتخانق على جنسية مراته, فمش من حق المجلس العسكرى فى أى حال من الأحوال أنه يقول انه هيفضل فى السلطة لحد ما الدستور يتم الموافقة عليه ويحط لنفسه صلاحيات فى موضوع الدستور ده, وبعد كده يشرف على انتخاب رئيس بعد اكتر من سنة ونص. شكرا يا قادة الجيش, شكرا يا مجلس عسكرى, احنا هنختار رئيس يخلى باله من البلد والدستور والكلام ده, وانتم ارجعوا ركزوا فى وظيفتكم الأساسية وادارة المؤسسة العسكرية. الشعب مش محتاج أوصياء, حتى لو الشعب اختار احمد شفيق يبقى رئيس جمهورية فهو حرّ ويتحمل نتيجة اختياراته. مش محتاجين وصاية. دى اخر فرصة قدامنا, لازم المطلب يتحقق (وهو مطلب عادل وصحيح ومش مطلب فئة واحدة) أن الانتخابات الرئاسية تكون فى أبريل 2012 وبعدها الجيش يرجع ثكناته.
وفى نفس الوقت شاركوا فى الانتخابات وأعملوا أقصى جهدكم, أوعوا الفلول يرجعوا تانى, اى حد يجيى معدا الفلول, عارف أن المعارك كتيرة اليومين دول, بس انته مش لازم تنام فى بيتك, محدش ينام فى بيته, اتعب شوية دلوقتى علشان نستريح والبلد والأمة العربية والاسلامية كلها تستريح بعد كده.
اعمل اللى عليك, وجدد نيتك, وقرب من ربنا أوى وأدعى انه يعدى الايام دى على خير والناس دى تسلم السلطة, انزل حتى لو ساعتين كل يوم, واثبت على هدفك هتلاقى ناس كتير بتحبطك أوعى يجيلك احباط وخلى ربنا قدام عينك.
متنساش تنشر فى كل مكان علشان تهدونى ثواب المشاركة معاكم. ابعتوا المقال ده لرصد ولكلنا خالد سعيد وكل مكان.
لسان حالى دلوقتى بيقول, يا ريتنى كنت معاهم :(.
