دبـــــلة الــخـطـــوبـة

بعد انتهائى من كتابة إلـى أبــى 3, ذهبت للجلوس مع والدى قليلا, وكانت تلك اخر فرصة للحديث معه قبل سفره.

- أنا عايزك تخطب يا خالد.
- ياااااااااه بجد ؟؟
- اه طبعا بجد.
- يا بابا, بقى حضرتك جاى تقول دلوقتى, وخلاص حضرتك مسافر بكرة الصبح !؟
- عادى مش مشكلة, فى الاجازة الجاية.
- لما حضرتك تيجى بالسلامة, ربنا يسهل ان شاء الله.

منذ سنة أو أكثر, وأنا أبحث فى هذا الموضوع, وأقوم بتجميع مصادر, وخبرات "من سبقونا", ولدىَّ قناعة أن من أحد أكبر أسباب فساد مجتمعنا هو ما يترتب على صعوبة الزواج.

[حــــرَّكــهـا] محـل الـشـــنـط

كتبت س:

كنا في Club Aldo (محل أحذية و شنط) فكانوا في المحل حاطين صورة كبيرة أوي معلقين عليها كام حذاء كدة, بس الصورة فعلا بشعة جدا, عيب أوي يحطوا حاجة زي كدة, و كمان حاطين منها كذا واحدة.


كلنا شوفناها و خرجنا وماحدش فينا اتكلّم -تقريبا من الصدمة- فوقفنا شوية برة المحل قاعدين بنرغي في أي حاجة و فجأة واحدة فينا جابت سيرة الصورة دي.

واحــــدة بــتــحــبـك أوى

بكلم زيكاس على ال mail, وبخلص شوية حاجات على الكمبيوتر, أخواتى قاعدين فى نفس القودة, كل واحد مشغول بحاجة, وماما كانت بتعمل حاجة فى البلكونة وبتتكلم مع اخواتى.

بس يا ماو, هو ده الموضوع.

طيب بالله عليك يا زيكاس أدعيلى.

قشطة يا جامد.

الموبايل قعد يتهز جنبى, اكيد ده SMS, انا مبحبش الموبايل يعمل صوت لما تجيلى رسالة, يمكن واحدة تبعتلى رسالة ولا حاجة على رأى بابا (أكيد مش للدرجة دى :D).

ده أكيد زميلى اللى بيبعتلى كل أسبوع رسالة فيها حديث شريف, والله جزاه الله خيرا, فتحت الرسالة ويا ريتنى ما فتحتها.

مـــقــدســاتــنـا .. ومـــاذا بـــعــد ؟

22 فبراير 2010 :: "نتنياهو" يعلن ضم الحرم الإبراهيمي ومسجد بلال بن رباح لقائمة المواقع التراثية اليهودية.

5 مـارس 2010  :: الاحتلال يقتحم ساحات المسجد الأقصى ويصيب عشرات المصلين عقب صلاة الجمعة.

الشيخ رائد صلاح يؤكد أن مؤسسات يهودية صهيونية حددت السادس عشر من مارس الجاري (16 مارس 2010) موعدًا لإطلاق عمليات بناء الهيكل الثالث.

الحرم الابراهيمى

الحرم الابراهيمى (من الداخل)

منّا من قرأ هذه الأخبار, وانتابه الحزن والألم, ومنّا "وللأسف الشديد" من لا يدرى عن هذه الأحداث شيئاً, منّا من قرأ تلك الاخبار, وأهتم بها, ومنّا من علم بها ولم يُعرها أى اهتمام (يا عم مش فارقة, ما همّا بيدخلوا المسجد كل يوم, وبيقتلوا المسلمين كل يوم).

ولكن انتبه, سيأتى يوم  وانت واقف بين يديه عز وجل وحدك, وسيسألك تبارك وتعالى ماذا فعلت لنصرة مقدسات المسلمين ؟؟

إلـى أبــى 3

أكتب إليك هذه الرسالة, ولا يبعد بينى وبنيك سوى عدة امتار, من الصعب علىّ ان أتخيل أنّ غدا سأُقبّلُ يدك قبل ذهابى الى الكلية صباحا, ولن يتسنى لى أن أقبّلها بعد عودتى.


أعلم انك تتحمل مشاق السفر والغربة من أجلنا, وأعرف انك تتمنى أن ترى فينا ما يرفع رأسك ويسعد قلبك ويشرح صدرك, وأعدك انى سأقوم بما فى وسعى لأحقق لك ما تتمنى (كل واحد يبنى مستقبله), ولكن لا تنسانى من دعائك.


لا يسعنى الا أن أدعوا وأقول, اللهم أرحم غربتنا.

[حــــرَّكــهـا] أجــــرة اســكـنـدريـة

كتب عبدالمنعم دياب "Diab":


بما إنى اسكندرانى, واتكتب عليا انى أدرس فى القاهرة فلازم أشوف ويل السفر والتعب فى كل مرة اسافر فيها وانا راجع للبيت.


وفى مرة من هذة المرات الكريمة, كان يوم خميس وللاسف الشديد مكنتش عامل حسابى انى اركب قطار (انى احجز فيه), فقلت :"خلاص , هاركب ميكروباص زى مابتقولوا (مشروع زى ما احنا بنقول ).


الفكرة ان الميكروباصات بالضرب و احنا كنا فى عز الحر و كانت الساعة 5, المهم انا مركبتش الا الساعة 8 تقربيا كدة (بعد المغرب).

[حــــرَّكــهـا] كـــيـرى بــــونــــد

كتب ميمو:

بمناسبة الاجازه السعيده ، احب اهنيكم و اقدملكم قصه قصيره
وعلى فكره القصه مقتبسه من قصه حقيقه .
بطلنا هو كريم مرزوق حسنين ابو العافيه - شهرته كيرى - طالب فى كلية الحاسبات و المعلومات عين شمس، بيحب وطنه و بيدافع عنه بكل اللى يقدر عليه.
مش كدا و بس دا كمان بيحب الكليه و بيحب زمايله و نفسه الكليه تبقى احسن و تتقدم اكتر و اكتر.

قصتنا بتبدأ من قبل الامتحانات بيومين، بيدخل كريم على CISCLUB و بيلاحظ ان فى شوية شباب بادئين حملة ضد الغش.

" و بعدين يا كريم .. لحد امتى هتفضل كدا " بيكلم نفسه

كريم كان بيغشش اصحابه فى امتحانات كتير .. و اهو كله خير برضو و مساعدة الناس واجب يتشال على الراس من فوق.
لكن المرادى فى شئ عجيب .. كريم قرر انه نفسه يشارك فى الحمله دى .. نفسه يبطل غش .. نفسه يحس انه عمل حاجه صح فى حياته.