كتب : مصطفى عبدالله "darsh"
مـــروة الـشــربـيـنى
ده اسم شوفتوه فين قبل كده؟!
ما تتعبش نفسك دى اللى قُتلت فى ألمانيا من فترة قليلة.
انا مش هتكلم عن الموضوع ده على إنها شهيدة الحجاب ولا إن الحادثة حدثت فى وقت بعض "المشاهير" بيقولو فيه إن الحجاب حرية شخصية وإن المرأة المحجبة معوقة ومتخلفة.
انا هتكلم عن الموضوع فى 3 محاور:أولا :
ساعات كتيرواحد من الناس يعيش ويموت ومعملش حاجه لدينه, شدّنى جدا اللقب بتاعها لما ماتت, شوفتوا قالوا أيه عنها, "شهيدة الحجاب" تصور إنها يوم القيامة رايحه للنبى صلى الله عليه وسلم وبتجرى وبتقوله ياحبيبى يارسول الله شوفت أن عشت على الحجاب ومت علشانه كان فى بنات ونساء مش لابسين الحجاب بس أنا ومع إنى كنت فى بلاد غير المسلمين حافظت على حجابى عشان لما أجيلك تكون فرحان بيا.
خلص التصور وجينا للحقيقة.
ياترى أنا عملت ايه أروح بيه للرسول.
ياترى فى قبرى هيكون معايا ايه.
ياترى هكون سبب فى فرح النبى ولا أنا هخليه يبكى على ذنوبى وتقصيرى.
ياترى هيسقينى من حوضه ولا الملائكة هتمنعنى.
ياترى زى ما أنا حرمت من رؤيته فى الدنيا كمان فى الاخرة هأحرم من مرافقته بسب ذنوبى.
ده مشهد كل واحد فينا, هيقابله النهارده بكره مش عارف أمتى, بس ياترى الموت هيجيلى على عمل صالح أنا بعمله ولا معصية, خلى الكلمة دي فى ذهنك دائما وبلاش تنساها "فلان ابن فلان استعد للوقوف بين يدى الله", خلى بالك أستعد فى الدنيا لأن الاخرة أهول مما نظن.
ثانيا :
شوفتوا كام واحد صلى عليها, كام واحد دعا ليها, كام واحد لما ييجى اسمها يفتكر شهيدة الحجاب, الآعداد ديه كلها جت أزاى, ليه فى ساعات ناس يموتوا وولا واحد يدعى ليهم أو حتى يفتكروهم بالخير, ياترى مروة الشربينى عملت أية فى حياتها عشان ربنا يحسن خاتمها, ياترى أنا وأنتا لما نموت حد هيدعيلنا أو يصلى علينا, ولاحتى يفتكرنا بالخير, ولا هيفتكرنا ويقول ده كان وكان ويعد كام مره عصيت الله وكام مره معملتش أمر الله .
ثالثا :
أيه خلانى أكتب عنها وانا معرفهاش, وانت ليه قريت عنها, فكر كويس عشان ربنا بيحبنا جدا فبلاش نغضبه
يارب أرحمها وأسكنها فسيح جنتك وبارك فى أهلها وأبنها.
وتقبل منا أعمالنا وأرزقنا حسن الخاتمة.
2 التعليقات:
فعلا الواحد كل لما يقرأ حاجة زي كده مبيتعظش و بيفتكر انه عامل حاجات جامدة مع انه كل يوم بلا استثناء عمالي يعصي ربنا
يا ريت الواحد بتعظ و يفتكر هيقابل ربه ازاي و اولكم انا
أنا أول ما قريت الخبر, وقريت ردود أفعال الحكومة المصرية على المظاهرات اللى كانت قدام السفارة الألمانية فى مصر والسفارة المصرية فى ألمانيا, حسيت بالغربة.
ربنا يرحمك يا مروة ويسكنك فسيح جناته ويرزقكك جيرة النبى المصطفى فى الجنة ان شاء الله.
وربنا يحسن خاتمتنا ويرزقنا موتة واحنا متمسكين بديننا وأخلاقنا.
إرسال تعليق