لو العروسة هتنجد يبقى لازم يجيبوا DJ والمنجد ينجد فى الشارع وساعتها الدوشة بتبتدى من الساعة 10 الصبح بالكتير أوى.
لو النهاردة الحنّة يبقى لازم يجيبوا DJ سواء عند العروسة أو العريس والدوشة بتبدى من بعد المغرب لحد الساعة 1 أو 2 بالليل.
اما بقى لو ليلة الدخلة, يبقى حاجة من الاتنين
يا اما يجيبوا DJ والدوشة تبتدى من المغرب لحد 1 أو 2.
أو يجيبوا فرقة شعبية وما أدراك ما الفرقة الشعبية, وساعتها الدوشة مش بتخلص الا مع شروق الشمس فى الغالب, العريس والعروسة بيروحوا بيتهم على 12 أو 1 بالليل والناس بتكمل الفرح بقى يا أما يتفرجوا على الرقّاصة لو فى رقّاصة أو يكملوا شرب حشيش وبانجو والذى منه.
انا مش هتكلم على الرقّاصة, ولا الحشيش والبانجو والخمرة, ولا أن احيانا الناس بتنسى نفسها والبنات بيرقصوا قدام الشباب فى الشارع, ولا حتى عن الشباب اللى وسطهم سايب وبيرقصوا أجدع من البنات وكفاية عليهم كلمة قالهالى "سكار" فى يوم من الايام "شايف الشباب دول, هبقى أوريهلمك واحنا على أعتاب القدس".
أنا هتكلم عن حاجة واحدة بس الا وهى الأغانى الشعبى.
مش هتكلم كتير ومش هحكى كتير أنا هعمل مسابقة
دلوقتى هسمعكم أغنيتين شعبيبتى من اللى بسمعهم فى الأفراح, هنشوف كل واحد هيقدر يستحمل يسمع كام دقيقة من الأغنية بدون ما يفقد أعصابه ويكسر الكمبيوتر ويضرب أخواته ويولع فى الشقة باللى فيها.
لو النهاردة الحنّة يبقى لازم يجيبوا DJ سواء عند العروسة أو العريس والدوشة بتبدى من بعد المغرب لحد الساعة 1 أو 2 بالليل.
اما بقى لو ليلة الدخلة, يبقى حاجة من الاتنين
يا اما يجيبوا DJ والدوشة تبتدى من المغرب لحد 1 أو 2.
أو يجيبوا فرقة شعبية وما أدراك ما الفرقة الشعبية, وساعتها الدوشة مش بتخلص الا مع شروق الشمس فى الغالب, العريس والعروسة بيروحوا بيتهم على 12 أو 1 بالليل والناس بتكمل الفرح بقى يا أما يتفرجوا على الرقّاصة لو فى رقّاصة أو يكملوا شرب حشيش وبانجو والذى منه.
انا مش هتكلم على الرقّاصة, ولا الحشيش والبانجو والخمرة, ولا أن احيانا الناس بتنسى نفسها والبنات بيرقصوا قدام الشباب فى الشارع, ولا حتى عن الشباب اللى وسطهم سايب وبيرقصوا أجدع من البنات وكفاية عليهم كلمة قالهالى "سكار" فى يوم من الايام "شايف الشباب دول, هبقى أوريهلمك واحنا على أعتاب القدس".
أنا هتكلم عن حاجة واحدة بس الا وهى الأغانى الشعبى.
مش هتكلم كتير ومش هحكى كتير أنا هعمل مسابقة
دلوقتى هسمعكم أغنيتين شعبيبتى من اللى بسمعهم فى الأفراح, هنشوف كل واحد هيقدر يستحمل يسمع كام دقيقة من الأغنية بدون ما يفقد أعصابه ويكسر الكمبيوتر ويضرب أخواته ويولع فى الشقة باللى فيها.
- حكاية انحرافى
- سيجارة بنى
يلا هنشوف مين بقى اللى هيقدر يستحمل اللى انا بستحمله غصب عنى, كل واحد يقول قدر يسمع كام دقيقة من كل أغنية.
ملحوظة :
ملحوظة :
- لا ننصح بهذه الأغانى لمرضى القلب والسكر والضغط والحوامل.
- تحفظ هذه الاغانى بعيدا عن متناول الأطفال, مش ناقصة فساد هىّ.
44 التعليقات:
اشطه .. و لسا ياما هيكون .. كويس ان مفيش رقاصه :)
الاغانى دى اصلا الشوارع مليانه بيها اذا طانت افراح او حتى اعياد ميلاد والله :P
وحتى فى العربيات بقت حاجه زى الفل يعنى
يا حبيبى انته وهو اسمعوا الاغنبيتين وشوفوا هتستحملوا منهم قد ايه
لا شكرا, كفاية اسمهم
لا أكاد أصدق!
بانجو و حشيش و خمرة كمان! هو أحنا فين؟ في ألمانيا ولا حاجة D:
دة حتي في ألمانيا مش بيعملوا كدة, فيه أماكن مخصصة للحاجات دي مش في الشارع كدة.
و حضراتكم سايبنهم لحد دلوقتي إزاي؟
@ سارة :
لأ بجد حاولى اسمعى اللى تقدرى عليه أكيد هتغيرى رأيك.
يا جدعان لازم تحسوا بيا, على الأقل انتوا هتسمعوا على الكمبيوتر وتقدروا توقفوا فى أى وقت انما أنا مبقدرش أوقف الصوت, انا لو قاعد فى أبعد مكان فى الشقة عن الشارع ببقى سامع الصوت بكل نقاء ووضوح.
اما بالنسبة لسؤال سارة عن سكوتنا عن الموضوع ده, الفكرة ان الموضوع ده بيتعمل من زمااااااان أوى وخلاص بقت عادة عند الناس. ومش واحد بس اللى بيعمل كده, لأ ده كل يوم تلاقى واحد شكل, يعنى لو واحد نصب الفرح وشغل ال DJ واحنا اتخانقنا معاهم وعملنالهم محضر ازعاج, أول حاجة هنخسرهم لأنهم جيراننا, وبكده هنخسر كل الجيران اللى حوالينا بلا استثناء.
ثانى حاجة بالنسبة للخمرة والحشيش والبانجو والَمزة والذى منه, عايزك أقولك ان كل فرح بيبقى فيه الحاجات دى لازم تلاقى عربية بوليس راكنة على أول الشارع واللى فيها قاعدين مع صاحب الفرح بيشربوا :S.
طب ثانية واحدة هو مش فى شرطة عشان الازعاج
يعنى ليه متكلموش ال بوليس و ازاى الناس عرفة ان فى حشيش فى الشارع و ساكتة ده ممكن اى حد من اللى بيشربو يأذى حد ماشى فى الشارع بجد بجد حركها و اطلب النجدة و بلغ البوليس و خليهم يعملو غرامة كبيرة للى حيعمل فرح فى الشارع تخيل كمان لو حد فى ثانوية عامة !!!!!!!!!
انا متنرفزة جداااااااااااااااااا ازاى بجد مبلغتوش
لو انت مش هتتكلم غير عن الاغاني،
فهي جامدة أوي :]:]
وبستهدف جزء كبير من الشعب .. وليها معنى هادف
انا شارب سجارة بني .. كو كو كو كو :]
لا حول و لا قوة الا بالله
معلش يا حاج خوليو انا عارف المنطقة الجميلة اللي انت ساكن فيها
انا بيحصل عندي نفس الكلام لاني في شبرا معاك بس منطقتي الحمد لله اخف شوية
بس كل فكرة بجد من كتر سماع الاغاني ده الواحد اتعود و ساعات بيلاقي نفسه بيغنيها :D:D:D:D:D
@ رحاب :
ما انا قلت البوليس بيحشش معاهم
قوليلنا بقى سمعتى قد ايه من الاغنيتين ؟؟ يمكن تكسبى معانا :D:D
عمّى فى سنة ثالثة فى كلية العلوم وامبارح كانت ليلة امتحانه اللى متأجل علشان خاطر عمو أوباما, يعنى تخيلى واحد كان المفروض يخلص من 13 يوم وفضل مستنى ده كله وفى الاخر ليلة الامتحان يكون فى فرح فى الشارع يخلص الساعة 1 بالليل.
لو حد عنده فكرة غير فكرة البوليس يقولنا, لأن احنا لو بلغنا البوليس يبقى كأننا بنقولهم تعالوا اتفضلوا معانا عندنا النهاردة حشيش وبانجو فى الشارع
@ غير معرف :
يا ريت تقولنا مين حضرتك :D:D
ياعم انا سمعتهم ابل كدة ومن كتر مابيشتغلو مابقاش عندى مناعه ليهم :P:P:P
ما تسألش عني كتير .. واسمع بقى الاغاني كويس :]
أنا غير معرف اللي فوق يا خوليو :P:P
لأ انا مسمعتش اصلن مش قدره من اساميهم
طب عندى فكرة مجنونة نطلع اللى بيحصل فى الشارع فى 90 دقيقة :D:D
بجد البلد دى مش بتتحرك الا لما يتفضحو فى التليفزيون
فاكرين الحملة اللى جابوها فى التليفزيون عن النظافة و كده و جابو بعض المناطق و كانت مزبلة و بعد معرضت على 90دقيقة ما شاء القطنة مبتكدبش
بس ازاى انت متمسك بالجيران اللى بيحششو و بيسمحو ان الكلام ده يحصل؟؟؟؟؟؟؟؟
لو المسئول عن الدائرة بتاعتكم حد محترم, ممكن تكلّموه
و لو مش, يبقي شدّوا حيلكوا في الإنتخابات الجاية :D
@ رحاب :
نيجى للنقطة بقى بتاعة التمسك بالجيران, أولا مش الجيران هما اللى بيحششوا, انما المعازيم اللى الجيران بيجيبوهم هما اللى بيحششوا, بس ده ميمنعش أن الجيران هما اللى بيجيبوا الحشيش والمخدرات, ومش كل الجيران بيعملوا كده علشان منبقاش ظالمين وانما بيعمل كده المعلمين واللى شغالين فى السوق, والناس اللى دماغها تعبانة, وممكن يكون مثلا الابن دماغه تعبانه وأمه وأبوه واخواته ناس طيبين.
ثانيا: لو الواحد ليه جار مؤذى وقليل الأدب ومش بيتقى ربنا يبقى مش من الصحيح ان انته تتعرضله, بالذات علشان اخواتك البنات, أنا عايز طريقة نحل بيها المشكلة دى بس بدون استخدام المواجهة المباشرة لأنها مش دايما بتبقى صح ومش هتحل المشكلة بل بالعكس هتزودها أكتر.
وفكرة 90 دقيقة كويسة جدا, عايزين أفكار تانية وبعدين نحدد ايه الأفضل
@ سارة :
بالنسبة للدائرة عندنا هو الأول كان عندنا راجل كده بقاله فى الدائرة يجيى 20 سنة ولا حاجة هو تبع الحزب الوطنى اه بس كان طيب كده وعلى نياته, بس توفى من 3 سنين ومسك بداله نائب قمة فى قلة الأدب والسفالة ولسانة زفر على الأخر وبيلبس ذهب, ومش بعيد يكون بيحب الأفراح دى.
شوفوا حل تانى
انت فهمتنى غلط انا مش اصدى نتعرضله انا اصدى القانون يمشى على الكل مش عشان ده جارى معملش محضر مهو لو كان بيحترمنى مكنتش حعمل و بعدان اكيد فى ناس كويسة و ناس حتقف معاك و اعملو حملة زى حملة لا للتخين و جيبو logo يعبر كويس و بعدان اكيد فى ناس كتير مضايقة من الموضوع ده فكلكم مع بعض حتعرفو تعملو حاجة ان شاء الله
((عن عائشة . أن قريشاً أهمّهم المرأة المخزومية التي
سرقت ، فقالوا : من يكلم فيها رسول الله ، ومن يجترىء
عليه إلا اسامة ، فكلمه أسامة ، فقال الرسول : أتشفع
في حد من حدود الله ، ثم خطب فقال : إنما أهلك من كان
قبلكم إذا سرق فيهم الشريف تركوه وإذا سرق الضعيف
أقاموا عليه الحد ، وايم الله ! لو أن فاطمة بنت محمد
سرقت لقطعت يدها ، فأمر النبي بقطع يدها .
رواه البخاري ومسلم))
@ رحاب :
ماشى كلام جميل القانون يمشى على الكّل, يمشى على اللى بيعمل فرح وعلى الظابط اللى بيحضر الفرح وانا بتفق معاكى.
ولكن احنا مش عايزين الناس تبطل حاجة مقتنعة بيها وبتحبها علشان القانون وبس.
احنا عايزين نقنع الناس ونحسسهم ان دى حاجة تضايق وتخنق وتنرفز, ويبقى حاسيين انهم غلطانين وان كده عيب وميصحش, لأن من كتر ما الناس متعودين يمكن يكونوا نسيوا ان ده أصلا غلط.
وبعد كده بقى اللى يخالف يبقى هو اللى جنى على نفسه.
المطلوب دلوقتى طريقة ظريفة لاقناع الناس أو على الأقل لتعريفهم ان ده غلط فما العمل ؟
وكمان حطّى فى بالك نقطة مهمة لو احنا هنكلم الناس ونقولهم متعملوش كده علشان ده ازعاج, يبقى كمان هنقولهم متعملوش عزاء فى الشارع علشان ده برضه ازعاج, عايزين فكرة بحيث اننا منسخرش من أفراح أو احزان الناس
هههههههههههههههههه
الحمد لله الذي عفانا
ابقوا أما تعملوا حفلة أنتم روحوا للجيران و استأذنوهم أنكم هتزعجوهم في الوقت دة و اتاسفوا و انبّوا ضميركم و قولوا بس مش هنعلي الصوت قوي عشان باردو ماتدايقوش يمكن يحسوا شوية
طب بجد متعملو حملة لا ........ حطو اسم بئة
و صورة و اشترك مع ناس كتير و كمان اكتبو و اشرحو هو لاه ازعاج بس بطريقة تشد القارئ
مثلا مثلا:
"لو ابنك فى ثانوية عامة........ لو مامتك تعبانة ..... لسة حتعمل الفرح فى الشارع!!!!!!!"
انا مش بعرف اكتب بس مثلا حد بيعرف يكتب يكتب حاجة تشد الناس و تتعلق بجانب الlogos
و علقوها فى الشارع و علقو كتيييييييييييير حتولد ثقافة جديدة عندهم و اتكلم مع الشيخ اللى بيخطب فى خطبة الجمعة يكلم على الموضوع ده
طب لو العزاء ازعاج طب مبرضه ميعملوه فى حتة تانية دار مناسبات و بتبئة بنفس التكلفة
:S
طيب مادامت الشرطة كدة .. شوفو مين فوق الشرطة وقولوله ..الحي .. المحافظة .. اعتقد فيه ناس كويسة مش هترضى تسكت عن الجهل ده
جهل والله .. ربنا يشفي!
انا مسمعتش اول واحدة دي قبل كدة لكن التانية اوك
ركز فالكلام كدة هتلاقي ان الاغنية بتقلل من قيمة السيجارة البني مش بتزودها
بس حكاية الفرح فالشارع دي مرفوضة تماما والشرطة مش هتعملك حاجة للاسف
كلنا اسره مع بعضينا .
:]:]
بوص باردوا انا مش عجبنى التصنيف بتاع الاغانى الى بتشتغل فى الافراح:] ..مفيش حاجه اسمها اغانى شعبى و اغانى high class لا :] كلها فة الاخر اغانى و الى بيفرق من اغنيه للتانيه هوا كلامات او موسيقه او صوت المغنى :]... لان انا شايف الموضوع بيناقش الازعاج الى بيحصل فى الشارع بسبب الافراح :] .. مش بيناقش نوعيه الاغانى .. قصدى ان لو ال DJ مشغلك اغانى هداءه او مشغلك عمرو دياب بدل محمود الحسينى ... still باردوا فيه دوشه و ازعاج..وباردوا فى النهايه الحكايه ازواق ياعنى متحكمش على واحد بيسمع محمود الحسينى انو زوقوا بلادى والا الى بيسمع تامر مثلا انو شب فافى:]:] وانا الحمد لله تقريبا مش بسمع الاغانى لحد يفتكرنى بدافع :]
عاوز تعرف راى طبعا فى حل المشكله ديه .... حل باقى المشاكل وانت تلقى ديه اتحلت لوحده! :] ياعنى قصدى روح حل مشكله الانحطاط الاخلاقى الى باقينا فيه مش هتلقى عيال بتشرب مخدرات ..ولا هتلقى ناس مشغللك سيجاره بنى و انت اعد فى موصلات او حتى فى الشارع..وهتلقى الناس تحس ببعض..وهيقدروا ان فيه جيرانا لازم نراعيهم .. وروح حل مشكله الضابط الى لمل بتبلغ عن فرح بيجى الضابط يجرى و انت تبقى معتقد انو طوق النجاه ..اتريه جاى ياخود الى فيه الناصيب و يمشى :] .. وحل مشكله النائب الى انتوا منتخبينوا ده وبيلبس دهب :]:] لول ..انا مش عاوز اخرج من الموضوع لكن المشكله ديه متفرع منها حاجات كتير :] ياعنى مش عاوز اقللك ان النائب ده ميقدرش يزعل الناس الحلوه بتوع الفرح لان هما الى مسيطرين على الحى بمعرفهو الكتير زى مابتشوف كده الفرح بيبقى مليان.. فامش بعيد تلاقى النائب اعد فى الفرح بيلف معاهم:]:] علشان عاوز يكتسب شعبيه فا بيلتحم بالجماهير :] بس الى انا مقتنع بيه ان احيانا النقاش و الحملات و الكلام مع نوعيه معينه من الناس مش بيجيب نتيحه... بالعكس دانتا ممكن يجيلك شعور ان مفيش حل من كتر المحاولات الفاشله الى ممكن تحولها مع النوعيه ديه من الناس ..واعتقد ان الناس ديه منهم :] ...فئه او مجموعه من الناس مش كتير لو اتنفوا برا البلد ديه مش هتلقى فيها لا ظلم ولا جهل ولا ولا ولا.... بس حلنى بقى :] .....
@ أحمد :
أنا فعلا بناقش الدوشة اللى بتحصل من الأغانى
واختارت الأغانى "الشعبى" لأن 90% من أغانى الفرح بتبقى كده, وكمان المسمى ده مش من عندى, هما اللى بيسمعوا الاغانى دى بيقولوا عليها كده :D:D
بس انته فى اقتراحك لحلّ المشكلة, أفهم من كلامك ان انا مش هقدر أعمل أى حاجة تجاه المشكلة دى تحديدا دلوقتى ؟؟؟
tab fe 7al enta momken tero7 ll nas de tebarklohom we to3od kaman me3hom shwaia we tedwr 3ala el 3ares 2o masaln babh 2o 2olo ( 3ala fekra msa rabina yebarkloloh be2zen ellah ( 2olha we enta edet7ak) bas fe 3eb wa7d bas..... en el sot bas ya3ny 3alii awii howa bas momken nwaty el sot shaia so5ira we 2lf 2lf mabrook we tesbhom we temshy )
kaman shwaia 2b3at masaln
7ad men 2arbaik ye3mel nafs el 7araka we kaan shaia masaln wasy el bwab maslan ye3mel naf el 7aka , hatla2y el sot lwa7do 2al isa
=====
fe fekra taina
momken te2ol ll ragel howa el ragel elly be5any dah beza32 awii low wateet el sot shwaia el han2dr nefham el mo5any dah 3ez ye2ol eh :D:D: we el sot htla2ih wety lw7do
==========
ana fakra mokf 7asal me3ana fe modo3 el ez3ag dah
fe bank fat7 2odam el 3omara bet3tna bas dahr el bank howa elly fe wish 3l 3omara we bank kbeer we mo7tarm we le esmo el mafrod , el mohem el bank dah kan lesa mesh 3aml 3adad ll kahraba we kan gaiben mold ll karhraba we el bet3 dah soto bas3 we kam re7to la totak we tab3an mesh hienfa3 ye7oto fe wesh e bank ye3melo eh 7ato fe dahro ya3ny 2odam el 3omara bet3tna mesh esta7mena soto wala re7to 3amlana maglish ll 3omara we 2l sho22 we el mohem etaf2o ye3mello elly ba2ol 3alaeh bema3na en kol wa7ed yero7 ll bank we yekalm el nas feh we weslt eno da5alo ll moder we mesh et5an2o la2 ra7o yehazaro ma3 el modiir we dah elly 7asl
2lo ll modir ya3ny mesh 3eb tekon bank bet3amel bel dolar we bank mashhor we lasa sha5alen bel gaz fe el kahraba , we begad e7na el 3arabia de begad basi3a mesh 3arfin netnafes menha we kaman sotha we 7didi mohla 3 days el 3arabia tetshal 2w yen2lo el 3arabia di we ye7otoha fe wish el bank
ba3d shwaia gbna el police we el police fe3lan kan hi3mel ma7dr we delwa2ty howa shaloo el 3arbaia we kaman rasafo el rasiif we t2reban el bank shaklo men dahro 27san men wesho :D:D we esta2zenona eno yeshsa5alo el molad dah lama el nor y2ta3 3alashn lazzem yekon fe kahraba we tab3an e7na wafe2na
el mola5as :D
nafs el kalam yeolo akter men sha5s hi2ady lenatega isa
"و لكن أحنا مش عايزين الناس تبطل حاجة مقتنعة بيها و بتحبها علشان القانون و بس"
لا أوافق هذا الرأي
لو بتتكلم عن حاجة بسيطة يبقي ماشي تمام نقنعهم و بالسياسة لكن دول بيشربوا مخدرات و خمرة و أظن مش هينفع معاهم غير القانون و لو اتقبض عليهم مرة في فرح الفرح اللي بعديه مش هتلاقي حاجة زي كدة و إلا تبلّغ علي الناس تاني
و سيبك من العساكر اللي بنحضر الفرح, روح لحد كبير في القسم و لازم تبلغ عنهم, أظن هتتحايب لو سايب الناس كدة, لازم تبلّغ عنهم و زي ما تسنيم قالت تبلّغ حد فوق الشرطة
ماتتهاونش في موضوع خطير زي دة
و ابقي اقنع الناس اللس بتسمع الاغاني و معلية ال DJ و اتعامل معاهم بلطف و كل حاجة
الموضوع حساس و مايستحملش نعد ساكتين و كل ما تتأخر أكتر الناس دي هتكتر
@ داليا:
بالنسبة لموضوع الف مبروك بس وطوا الصوت شوية, مفيش صوت بيتوطى, فى حاجة اسمها يا عم ده يوم وده فرح وسيب الناس تفرح, وكل واحد فى الشارع ليه يوم :S:S:S, وخصوصا لو كانت العروسة من الشارع, لأن العروسة يبيقى عندها التنجيد وطبعا لازم يكون عندها حنّة ولو الفرح متعملش فى قاعة يبقى لازم عندها فى الشارع, يا رب كلهم يتجوزوا بسرعة ونخلص بقى, انا حتّى أفراح العائلة الكريمة مش بحضرها, بروح اسلم على قرايبى فى 5 دقايق واروح أقعد فى المسجد على ما يخلصوا.
اللى أقصده انه لو الفرح اتعمل يبقى مينفعش بكلمتين ولا حتى بخناقة انى أوقفه, لازم حلّ يخلى الناس من الأول متعملش فرح فى الشارع.
@ غير معرف الأخير مش الأولانى :
انا لما قلت مش عايزين الناس تبطل حاجة هى مقتنعة بيها وبتحبها أنا كنت أقصد الأغانى والدوشة مقصدش المخدارت طبعا.
وبالنسبة للقسم أنا مرة رحت القسم أعمل محضر فى صاحب فرنةعيش علشان شتمنى وكان عايز يضربنى لما رحت أشتكيله ان العيش بيتسرب والناس واقفة فى الطابور ومحدش بيديهم حاجة, فى القسم بقى أول ما عرفوا انى عايز أعمل محضر فى "سعيد الفلاح", قال ايه لازم اجيب عنوان بيته بالكامل وقعدوا يعقدوا الدنيا, عملوا محضر اه بس محضر ملهوش لازمة وممكن يستخدموه ضدى كمان لانهم خلونى اكتب تعهد انى اجيبلهم عنوانه مع ان مفيش حد فى القسم كله ميعرفهوش.
لما روحت البيت مامة واحد صاحبى قالتلى كان المفروض اديهم 20 جنيه علشان يظبطوا المحضر كويس :S:S:S.
وعلى فكرة المخدرات والحاجات دى مش بتبقى موجودة غير فى الحالة الثالثة الا وهى الفرقة الشعبية ودى مش بتحصل كتير على الأقل فى شارعنا, انما بتحصل فى الشارع اللى ورانا كتير أوى :D:D:D, علشان الشارع اللى ورانا سوق وكله معلمين, والموضوع ده بيبقى مجاملات, يعنى المعلم الفلانى عمل فرح والناس جت نقطته, الناس اللى بتجيى تحضر الفرح وتنقط دى لازم تاخد الواجب يعنى, وكل واحد بقى لما ينقطله 50 معلم ولا حاجة فى 50 فرح يبقى لازم لما يجيى يعمل فرح يعمل فرح كبير على نفس المستوى علشان المعلمين يجوا ينقطوا ويردوا اللى هو كان دفعه قبل كده
خلينا نركز فى مشكلة الدوشة دلوقتى والمخدرات هندورلها على سكة ان شاء الله, بس هى مش بتحصل كتير يعنى, انما للاحتياط حد يقول مين فوق الشرطة علشان نبلغه, يعنى لو لقدر الله ماشى فى الشارع وشفت فرح فيه مخدرات اتصل بمين ؟؟؟
خسئت خسئت يا صاح :(
بتعمل مسابقه مين هياخد سيئات اكتر
ممكن تعمل مسابقة مين هيسمع الأغاني دي اقل واحد D:
@ غير معرف :
لو حضرتك يهمك انى أرد عليك يا ريت تعرف نفسك
siko :D
@ سيكو :
طالما انته سكار يبقى مش هرّد عليك :P, وأحب أعرفكم يا جماعه ده "سكار" اللى بيظهر اسمه فى تدوينات كتير.
لا يا صاح لست سكار
يا جدعان الاغاني دي هادفة جدا :D:D
وبتققل من قيمة السيجارة البني -ألا وهي الحشيش-
وفيها سجع وابداع موسيقي يفوق الوصف :D
واللي بيسمعها مش بياخد سيئات ولا حاجة
انا مش عارف الولاد دول عايزين ايه .. :P:P
مين اللي أرّ عليّ :D D: D:
امبارح الحنّة و النهاردة الفرح في الشقة اللي فوق اللي فوقينا و ما شاء الله السماعات في البلكونة
عرفت الشعور اللي بتقول عليه, بئالي يومين طهئانة
انا هقول انا مين قبل ما ارد انا احمد عبد الله :D
الصراحه نفسى الناس تبطل الحاجات ديه لان بتحصل فيها حاجات كتيره مش كويسه للاسف والاغانى اللى بنسمعها ديه غريبه والنبى حد يسمع البتاعه ديه ويقول استفاد ايه لحسن بطنى هتوجعنى lol ديه اهداء لحافظ برضو :D
http://dc124.4shared.com:8080/download/34985510/144bb814/__online.mp3?
@ أحمد عبدالله :
سألت واحد من الناس اللى بتاخد مخدرات (ربنا يعافيه) قالى ان الأغانى دى بتعمل دماغ عالية أوى وهما بيضربوا.
مع أن الاغانى كلماتها تعتبر ضد المخدرات لكنها بتساعد اللى بيشربوا مخدرات على عمل دماغ, أعتقد الفكرة كلها فى الدوشة والكلام اللى مش مفهوم.
شوفته القرار اللي نزل في السويس
منعوا الحفلات اللي في الشارع بسبب تعاطي المخدرات
في أمل أهو, أحنا نفرق عن السويس إيه
@ اللى بيقول على نفسه سيكو:
لما انته مش سكار وفعلا انته مش سكار, امال انته مين ؟؟
والله شكلك ياسر :D:D.
@ سارة :
ممكن تجيبى لينك للخبر ؟؟
طبعا احنا مصدقينك, وانما علشان الواحد يفرح كده ويطمن لما يشوف قرار زى ده.
تلاقيهم شافوا التدوينة دى واللى قبلها وشافوا الردود عليهم, علشان كده منعوا الحفلات :D::D:D
سمعته النهاردة في برنامج الحياة اليوم
ممكن تتفرجوا علي الاعادة(معرفش الساعة كام)
طيب بمناسبة بقى ان الموضوع اتفتح تانى
امبارح كنت قاعد مع عمامى وبابايا
وكان عندنا فرح فى الشارع, فيه
DJ
وحشيش وخمرة
والحمدلله مفيش رقاصة.
قلت لبابا هو احنا مينفعش نعمل حاجة ضد الناس دى مينفعش نشتكى مثلا ؟؟
عمى قالى لو اشتكيت, الظابط اللى انته هتشتكيله هيروح يقول لصحاب الفرح على اسمك وهيسيبهم يتصرفوا معاك, وطبعا دول كلهم صعايدة وبيفرقش معاهم أى حد, وكمان الحكومة فى جيبهم, يعنى من الأخر هتعادى الكل.
وبابايا قالى :
هى الحكومة عارفة وعايزة كده, اسكر وارقص زى ما انته عايز, لكن تتكلم فى السياسة وتمشى فى مظاهرات لأ, لأن صاحب الكيف ممكن تحطه فى جيبك بحتتة حشيش, انما صاحب الرأى عمرك ما تقدر تعمل معاه حاجة, لأن اللى فى دماغه فكره وبيعيش علشانها ممكن يموت فى سبيلها.
وعمى أضاف:
أن مرة جه فى القسم بتاعنا ظابط مش بيحب الأفراح دى, كان بينزل الفرح من دول يجيب عاليها واطيها ومحدش كان يقدر يفتح بقه معاه, ومقعدش أكتر من شهرين فى القسم وجابوا واحد تانى.
مش معنى كلامى أن مفيش أمل, أنما احنا نعمل اللى علينا, بدون ما نسبب ضرر لنفسنا, لأن ممكن نتصرف تصرفات ضررها يكون أكتر من نفعها, زى مثلا تبليغ البوليس.
وانما احنا نثبت على موقفنا ونحاول نكلم جيراننا اللى ينفع نتكلم معاه بالراحة وبالذوق, ولو عرفنا نوصل صوتنا لحد فوق الشرطة يبقى كويس.
على فكرة أنا شيلت لينكات الاغنيتين اللى موجودين فى الموضوع بتاع فرح فى الشارع 2, علشان مبقاش عامل host للأغانى دى عندى.
وتقريبا أنا عرفت مين الاستاذ "siko".
أنا مش قصدى عرفت مين هو المدعو "siko" لكن على الأقل عرفت هو يقصد ايه "siko".
انما هو حد جدع نفسى اعرفه :D:D.
إرسال تعليق