كتب ميمو :
سمعنا كتير ان الطالب اهم حاجه فى الكليه دى ... و ان الكليه بتراعى شئون الطالب أول حاجه .. و عامله جزء خاص اسمه رعاية الشباب .
شوت سريع - ندخل فى الموضوع - الدنيا حر .. الناس بتمتحن اللجنه كلها ساكته .. الوقت مش هيكفى ...
بعد 10 دقايق ...
اليوم التالى .. امتحان تانى - نفس اللجنه - ونفس المراقبة لكن بنت ثانية
كل واحد يقول ازاى ممكن يحــــرَّكــهـا فى موقف زى ده ؟؟؟
مهم علشان تحــــرَّكــهـا انك يبقى ليك رأى ... والأهم انك تعرف تعبر عنه
سمعنا كتير ان الطالب اهم حاجه فى الكليه دى ... و ان الكليه بتراعى شئون الطالب أول حاجه .. و عامله جزء خاص اسمه رعاية الشباب .
شوت سريع - ندخل فى الموضوع - الدنيا حر .. الناس بتمتحن اللجنه كلها ساكته .. الوقت مش هيكفى ...
هى : لو سمحتى .. ممكن ورقه زياده ؟ .. اصلى بخلص السؤال دا و بعد كدا مش هيكفى .
المراقبه : حاضر ، خلصى انتى بس اللى معاكى دى .
بعد 10 دقايق ...
هى : لو سمحتى .. انا خلصت فين الورقه ؟بعد 10 دقايق ..
المراقبه : خلصتى يعنى ؟ .. ورينى الورقه كدا .. اه فعلا خلصتى .. طيب استنى ، يا احمد .. يا احمد .. عاوزين ورقه هنا .. اه ورقة اجابه .
هى : كل دا الورقه بتيجى ؟10 دقايق كمان عدوا .. ( فاضل 20 دقيقه على الامتحان )
هى : منا قولت لحضرتك عاوزه ورقه من قبل مخلص ..اخيرا .. بعد 5 دقايق كمان ...
المراقبه : محنا بعتنا نجيب اهو .. نعمل ايه تانى .
الدكتور : مين عاوز ورقه ؟الدكتور مشى .
هى : انا يا دكتور ..
الدكتور : أتأكدتى ان الورقه مليانه ؟
المراقبه : ايوه يا دكتور ..
الدكتور : ورينى كدا ..
هى : اهى يا دكتور .. والله مليانه ..
الدكتور : طيب امسكى اهى الورقه .
المراقبه : فاضل 10 دقايق يا جماعه .اللجنه خلصت .. ،
هى : طيب اتفضلى حضرتك الورقه اهى ، مرسى جدا .. مش عاوزاها .
المراقبه : ليه يا بنتى .. محنا جبناها اهى ، يلا كملى مفيش وقت .
هى : ولله ؟ لا بجد كتر خيرك ، شكرا مش عاوزاها .
اليوم التالى .. امتحان تانى - نفس اللجنه - ونفس المراقبة لكن بنت ثانية
هى : لو سمحتى ممكن ورقه ؟الدكتور مشى .
المراقبه : ورينى الورقه كدا ؟
هى : اهى ..
المراقبه : لا فى صحفه اهى فاضيه .. كملى فيها
هى : بس السؤال دا عاوز 8 صفح ..
المراقبه : طيب اكتبيه هنا .. و لما تخلصى ابقى اطلبى ورقه .
هى : طيب ممكن بس معلش حضرتك تجيبيلى ورقه ؟
المراقبه : طيب انا هنده الدكتور ... يا دكتور .. عاوزين ورقه هنا ،
الدكتور : ايه تانى ؟ زى المره اللى فاتت ؟ ما قولنا مفيش ورق غير لما تخلصوا كل الصفح .. ورينى كدا
هى : يا دكتور السؤال دا هيأخد اكتر من صفحه .
الدكتور : ايه دا .. فى صفحه اهى .. حضرتك بتهزرى - للمراقبه - مش شايفه ان فى ورقه فاضيه اهى ؟ .. دا سوء تنظيم منها .. تتحمله هيا ، انما انتى دلوقتى كنتى هتضيعى ورقه اجابه على الفاضى .
المراقبه : عاجبك كدا ؟الغرض من الموضوع :
هى : يعنى مفروض اكمل السؤال نصه هنا و نصه فى الورقه الجديده ؟ ..
كل واحد يقول ازاى ممكن يحــــرَّكــهـا فى موقف زى ده ؟؟؟
مهم علشان تحــــرَّكــهـا انك يبقى ليك رأى ... والأهم انك تعرف تعبر عنه
48 التعليقات:
يلا اتكلموا علشان نحركها
فعلا اسم هتكلم جامد .... كان قرار حكيم انى مغيرهوش ... شكرا لكل اللى ادانى رأيه فى موضوع اسم المدونة
في موقف ذي ده مش هحرك حاجة .. مفيش وقت أبص جنبي حتي( شوية وشوش بتضحك )
الدكتور كان بيخش كل شوية يعقد يزعق للناس اللي بتطلب ورق زيادة .. بيقول محدش هياخد ورق غير لما يخلص الورق كله.. يبدو إن ورقة الإجابه بتكلفهم أوي .. هو ده التعليم المجاني اللي بيقولوا علييه ؟؟
لأ يا فلبينو ... أنا مش قصدى تعمل ايه فى اللجنة ... لأن فعلا فعلا مفيش وقت.
انما ممكن تعمل بعد الامتحان ... يعنى مثلا فين دور الرجالة بتوع اتحاد الطلبة ... مش المفروض ان دى وظيفة الاتحاد ... انه يمثل الطلبة قدام ادارة الكلية؟؟ ولا وظيفته انه يروح يحجز معامل وخلاص ؟؟
ومن حق اتحاد الطلبة انه يتكلم فى الموضوع ده ويشرح وجهة نظر الطلبة ومشكلتهم دى للادارة علشان يزودوا ورق الاجابة
مممم في اقتراح
بما أننا في مكان ديموقراطي و عندنا وحدة جودة ممكن نروح نقولهم زودو الورق شوية D:
على فكرة بيسمعو الكلام بجد .. احنا الترم الي فات مكنش عاجبنا جدول العملي عشان كان مليان وكدة .. رحنا قلنالهم لقيناه اتغير على طول D:
أجيبلهم رزمة ورق وأنا جاى الأمتحان طالماً الورق بيفرق معاهم اوى كده !!!!
بس على ما أعتقد مش مشكلة ورق قد ما هيه مشكلة ان الدكتور مش عاوز يصحح أكتر من ورقة الأجابه اللى جايه مع الأمتحان علشان الورقه الزياده بتجننهم اوى !!!! ما تطيرش هنا ولا هنا ويقعد يدور (مع إنها بتبقى جوه ورقة الإجابه الأساسيه ) !!!!!
الموقف ده حصل معايا مره قبل كده , بس اللى لاحظته أن الدكتور مكنش عاوز ورق إجابه كتير لكل واحد .
هو انا سنه اولى و معنديش فكره احركها ازاى
بس لما زميلتى طلبت ورقه زياده
الدكتور رفض و لما وريتله الورقه قالها اتصرفى بس بنظام
و بالفعل مكانش فى انظم من ورقتها حاجه فظيعه بجد
لا حول و لا قوه الا بالله
ana 7asl elmawkf m3aia martan w mara dr 7assan 2aly nafs elkalam w kont siaba a saf7a fe elnos 3ashan a7l elso2al fe elakher bs 2aly mafesh war2a ella lma tkhlsy kol haga ana fakrt eny haktb elso2al bkhat keber aw aktb bsor3a egabt so2al tany(kont 7alah eeeeeeeeeee) mara tania bkhat keber
w 3amlt keda fe elfile kan na2s nos saf7a w ana lsa 7abtdy fe so2al geded fro7t katba ra2s elso2al bkhat keber eldr b2a mskny enty khatk keber awy ya3ny lw konty saghrty khatk shwia konty hatsthlky nos elwara2 kol dah wana fe elmt7an w ana mmmmm mmmmmm
:D :D :D
طول وأنا بمتحن بقول يارب ماحتجش ورقة تانية
مش عايزة أتحط في الموقف دة, عشان هتدايق أوي.
أحنا ممكن نروح للدكاترة و نقولهم أحنا بنعد نزنّق و الورق مش متنظّم خالص, سؤال الأول وراه السؤال الخامس
و نقولهم دة عشان العملية الإقتصادية الورقية
و أما يتورّطوا في التصحيح هيحسّوا هما كمان بالمشكلة
و طبعا صوتهم أعلي من صوتنا بكتير.
" فين دور الرجالة بتوع اتحاد الطلبة ... مش المفروض ان دى وظيفة الاتحاد"
لو عملوا كدة هيدّونا فرصة كبيرة نغيّر فكرنا عنهم
@ غير معرف :
للأسف الشديد .... السنة اللى فاتت دى كان كل دور الناس بتوع الاتحاد انهم يحجزوا معامل فاضية أو على الأقل دى الحاجة المفيدة الوحيدة اللى قدموها بعض الناس اللى كانوا فى الاتحاد ... أنا مش بقلل من العمل ده ربنا يجازيهم خير اللى عملوا كده ... ولكن لو هو ده كان دور اتحاد الطلبة يبقى كده اتحاد الطلبة ملهوش لازمة فى الحياة.
دة أنا متغاظة منهم
مش كلهم طبعا
من الناس اللي مش عارفة إيه كدة اللي عارفين نفسهم:D
بالنسبة لموضوع ورق الاجابة ده ... أنا الحمدلله طول عمرى مطلبتش ورقة زيادة ... لما بحس ان الورقة قربت تخلص ومش هتكفى بقوم بقسم بعض الصفحات نصين بالطول ... وكده بقى كأنى عندى صفحتين . وبعيش بقى جوه الورقة
وبالنسبة لرعاية الشباب :
انا هحكى موقف حصل معايا مع رعاية الشباب دول ودى أول مرة أحكيه .
السنة اللى فاتت قدمت فى انتخابات اتحاد الطلبة
وبعد اما النتيجة طلعت عرفت ان انا وواحد تانى اتشطبنا من الاتحاد.
الواحد التانى ده كان العميد بيكره جدااااا .
رحت سألت فى اتحاد الطلبة بتاع الجامعة قالولى منعرفش
ورحت سألت فى رعاية الشباب وحصل الموقف المستفز الاتى :
قابلت واحدة هناك كده بتلبس نظارة ... الست دى كل اما تشوفنى تقولى احنا هنعمل رحلة مش هتطلع الرحلة.
رحت بقولها : حضرتك انا ليه اتشطبت لما رحت اتحاد الجامعة قالولى ممكن يكون عليا عقوبات هو انا عليا حاجة
قالتلى : لأ ... مش هتطلع الرحلة بتاعة راس سدر (مش فاكر المكان)؟؟
استفزتنى جدا بصراحة ...
قلتلها : هى الرحلة دى فيها بنات ؟؟
قالتلى :اه فيها بنات انته طلعت شقى ..
قلتلها :لأ انا بسأل علشان لو فيها بنات مطلعش.
قالتلى :ليه ؟؟
قلتلها :يعنى بحر وبنات ... مش هينفع خالص ... انا مرضاش اختى تطلع رحلة كده.
قالتلى :لاااااااااا انته فاهم غلط ... دول محجبات وبينزلوا البحر بالحجاب .
هى أصلا مكانتش مسلمة والكلمة دى استفزتنى جدااااااااا
قالتها :هو كل واحدة لابسة طرحة وفاكرة نفسها محجبة بقت محجبة.
قالتلى كلمة استفزتنى جدااااااا للمرة الثالثة
"لا بقى ليهم حق يشطبوك"
لما خرجت حصلتنى موظفة وموظف تانين من رعاية الشباب ولما بعدنا عن الست التانية دى
قالولى :عرفت بقى انته ليه اتشطبت
خلاصة الموضوع ... رعاية الشباب موظفين ... بيقولولهم فى رحلة يقوموا يعملوا رحلة ... يقولوهم فى مسابقة الطالب المثالى ... ينزلوا يدوروا على الطلبة اللى ينفعوا يخشوا المسابقة ... يقولولهم فى ماتش ... يلموا شوية شباب يروحوا يشجعوا وكل واحد ياخد 5 جنيه ... ومش فارقة معاهم لا رعاية ولا شباب
واتحاد الطلبة ... عايزين واحد يقول حاضر وطيب ونعم ... ويكون بيطلع رحلات فيها بنات وبحر علشان يعجبهم
السلام عليكم
هوا في الحاجات إللي زي ديه بيكون فيه علاق بيني و بين المراقب فلما بطلب حاجه بيساعدني فيها. يعني في أول يوم بنزل إمتحان بتعرف على المراقبين إللي عليا (ده لو مش عارفهم) و بتكلم معاه في: مشروع تخرجه-بيحب مجال إيه-أشد مشاريع عملها. فبيكون متفاهم معايا. و كمان بسئله إني بحتاج ورق كتير في الإمتحان عنده حل لكده؟ فبيقولي كام ورقة ياعني؟ فبقوله واحدة زيادة بس.. فبيقول يا سيدي عادي إبقى إطلبها و أجبهالك على طول
و الله الموفق و هوا إللي بيفتح علينا و بيعينا دايما :)
و عليكم السلام
حصل نفس الموقف معايا وكان لاول مره اصلا احتاج ورقه زياده في امتحان الـfile كان فاضل ورقه عندي كده في النص وانا هحل السؤال الاخير وهياخد اكتر من 5 او 6 صفحات جه دكتور حسن بيقول عندكو مادة تنظيم ملفات ومش عارفين تنظمو ورقة الاجابه ومرضيش يدوني ورقه الا لما اخلص الصفحه دي فعلا كتبت فيها اجابه سؤال كنت حالو قبل كده بخط كبير برضه !!!
خوليو ..
انت كائن هجين بين الضفدع والتنين :P
انت كان نفسك تمثلنا في الاتحاد ياض انت :D:D
حقا أضحكتني وأبهجتني وجعلتني أنفهش ..
بص يا خوليو إنت رشح نفسك تاني السنة الجاية .. بس إبقي روح رشح وإنت مسقط البنطلون و ضارب جل و سلسة فضة عليها I Love You
@yasser
تخيل كده خوليو في إتحاد الطلبة فعلن :D:D:D .. ساعتها هيتكبر علينا بقي :D:D
أولا اهنيك على المدونة و سلسلة حركها
هو صراحة لما كنت طالب عمري ما فهمت الدكاترة بس كان عندي أمل افهمهم. و لما اتخرجت و بقيت من الستاف, فقدت الأمل ده تماما :D
اعتقد الحل فعلا زي ما تسنيم ما قالت يبقى من خلال الجودة. أو د. محمد رشدي -وكيل الكلية - و هو شخصية محترمة جدا و ليه كلمة على رؤساء اللجان.
لو عايزين تحرّكوها بجد غيّروا الوضع دة
@فليبينو :
مش شرط تبقى مسقط البنطلون او ضارب سلسله فضه:] علشان تدخل اتحاد طلابه ... اساسا اساسا انا بيتهيألى ان مش من المفروض انى احكم على الى قدامى من مظهروا ..ياعنى لو خولبو بيسقط بنطلون المفروض نظرتك ليه مش تتغير .. لان ببساطه ديه حريه شخصيه .. لان ببساطه باردوا الواحد الى مسقط بنطلونوا ده هوا شايف انوا كده عادى ...
ردك هوا الى لفت انتباهى وخلانى ارد :] :] ..
وكمان عاوز اقول حاجه تعليقا على حته ان خوليو او غيروا يقدم اتحاد طلابه ..بيتهيألى ياخوليو ان منصب زى ده عباره عن لقب .. خلينا واقعيين ياعنى ..وانك انت او غيرك عمرك ماهتقدم حاجه جديده اكتر من الى بيتقدم ..ده لو فيه حاجه بتتقدم للطلبه ياعنى .. وان انت ممكن تساعد طلابه ..وتقدم خدمات ليهم وانت حر وبارده اتحاد الطلابه .. اكتر كمان ماتكون جواه ... واعتقد ده الى انت الا حد ما بتعملوا فعلا..
@خوليو : ليك افكار بتعجبنى .. بس نفسى اشفها بتطبق على ارض الواقع .. لان اعتقد لو جيت تطبق بتوجهك صعوبات اكتر من االى ممكن توجهك وانت بتطرح فكرتك كاكلام.. واعتقد باردوا ان حركها ممكن تكون بدايه .. بس بدون فاعليه الى منتظرنها ..علشان نحس بالفرق ..
بس استمر ... وربنا ان شاء الله هيعينك على فعل الخير
عارف ان ميمو هوا الى كاتب البتاعه ديه.. مقاله مثلا :] بس انا مليش تعليق على موضوع الحلقه ....
ManS
@ دكتور حجاج :
شكرا يا دكتور على الزيارة الجميلة دى ... المدونة نورت :D
المشكلة مش فى اننا بس نفهم الدكاترة ... احنا عندنا مشكلة فعلا أننا مش بنسمع بعض .. الدكاترة (مش كلهم) ... محدش بيسمعلنا وبيعتبرونا ان احنا مش فاهمين حاجة ... واحنا بنحط من الأول تصور ان الناس دى استحالة تسمعنا واننا استحالة نقدر نغير الوضع ... وغير كده مفيش كلمة بتلمنا ... يعنى اللى بيتكلموا قليلين .. اذا اعتبرنا ان فى حد بيتكلم أصلا .. انما لو اتجمعنا هنبقى كتير وهيبقى صوتنا أعلى ... على الأقل هيحسوا ان ده رأى عام مش مجرد رأى شخصى .
علشان كده انا بتكلم على اتحاد الطلبة ... لما الطلبة يختاروا الناس اللى بيمثلوهم والطلبة دول يورحوا يتكلموا مع اى حد مسؤول باعتبارهم ممثلين لطلبة الكلية ساعتها هتفرق كتير .
@ سارة :
تقصدى وضع ايه ؟؟؟
الوضع بتاع الردين ال 15 و ال 16
@ منص :
انته بتقول ان انا أو غيرى منقدرش نغير لو دخلنا اتحاد الطلبة .
عايز بقى أوضحلك حاجة ... المشكلة ان احنا مش عارفين قيمة اتحاد الطلبة ده ... ومش عارفين ان ده سلطة قوية ... اتحادات الطلبة فى العالم كانوا بيضغطوا على الحكومات بتاعتهم لتغير بعض القرارت ... كانت لما مظاهرة لاتحاد الطلبة تطلع الدنيا تتقلب .
اتحاد الطلبة دى حاجة قوية جدا ... بس بيبقى قوى لما بيبقى بارادة الطلبة ... يعنى لما الطلبة هما اللى يختاروا اللى يمثلهم ... مش لما الكلية تعين اللى هى عايزاه... ويبقى اللى فى الاتحاد (مش كلهم برضه) بيعملوا بس اللى بيملوه عليهم وبس.
وكمان يا عم الحج ... انته لما بتيجى تدفع المصاريف بتدفع 10 جنيه رسوم اتحاد ... ده غير الدعم اللى بيطلع من الجامعة ووزارة الشباب كل الفلوس دى بتروح فين ان شاء الله ؟؟؟
لما واحد فاهم والناس هى اللى اختارته يمسك المكان ده هيعرف يعمل بيها حاجة للطلبة ... ولو معملش الطلبة هيقدروا يحاسبوه علشان هما اللى اختاروه مش الكلية اللى اختارته .
فى معسكر اسمه معسكر اعداد قادة ... المعسكر ده بيطلعوه للشباب اللى فى اتحاد الطلبة واللى عايزينهم يدخلوا اتحاد الطلبة ... هما بيطلعوهم المعسكر ده ببلاش لحوالى 100 ولد وبنت ... عايز أقولك ان تكلفته فوق النص مليون جنيه .. يعنى المفروض ناس متدربة انها تخدم الطلبة
وكمان يا استاذ احنا مجربناش علشان نقول هنعرف نغير ولا مش هنعرف نغير ... ملقيناش كده اعلان متعلق باب الترشيح اتفتح اللى عايز يرشح نفسه ... ومشفناش الناس بتروح تشرح نفسها ... ومشفناش الناس بتعمل انتخابات فى الصناديق الشفافة وبعدين النتيجة بتطلع من غير ما تتزور.
وأنا مش بقولك ان انا الشخص المناسب فى المكان المناسب ... لكن كليتنا فيها ناس كتير أوى تنفع فى المكان ده المفروض اللى شايف نفسه يقدر ... يروح يرشح نفسه ويعرف حقوقه وواجباته.
وكمان انته بتقول ان فى ناس بيعملوا حاجات وهما بره الاتحاد .. وده فعلا كلام سليم ... مش اتحاد الطلبة هو اللى بيشغل الناس انما الناس اللى بتمسكه هى اللى بتفعل دوره ... ولكن اللى بره الاتحاد فى حاجات كتير مبيقدرش يعملها
اللى بره الاتحاد على سبيل المثال ميقدرش يطلع رحلة للبنات بس ... احنا عندنا بنات كتير نفسهم يطلعوا رحلات لكن مينفعش يطلعوا رحلة مع شباب .
وشكرا للتعليق اللى انته قلته عليا جزاك الله خيرا ... انته بتقول ان تطبيق الافكار اللى انا بفكر فيها هيواجه صعوبات ... لكن اللى عايز يمشى على الطريق الصح لازم يبقى متأكد ان الطريق ده كله شوك
@ سارة :
الله يسامحك خليتينى أعد الردود كلها علشان أعرف تقصدى انهى رد :D:D
هو الصراحة الحركات ده تخنق بس عل عموم خلينا اجابيين
بما ان بتوع الجودة زي ما تسنيم قالت متفاهمين
يبقوا نعمل شكوي بتاعت 50 100 واحد ماضي عليها ابل امتحان نص السنة و اخر السنة و نقدمها ليهم
ساعتها يحسوا ان في مشكلة و يحاولوا يحلوها
و انا بقول ابل الامتحانات ليه عشان اول ميحصل حاجة نروحلهم برابطة المعلم :D و نقولهم انتوا فين يا بتوع الجودة لسه بعتلكم شكوى و انتوا معملتوش حاجة مش انتوا برده من مهامكم راحة الطلبة برده
فين بقة الكلام ده
ده اللي جه في دماغي دلوقتي :D
@ Yasser
و انت يا ياد يا ياسر سيب الواد في حاله بمدونته الحلوة ده :D ملكش دعوة بيه ده تبعي :D:D:D:D:D:D:D
" يعنى لما الطلبة هما اللى يختاروا اللى يمثلهم ... مش لما الكلية تعين اللى هى عايزاه... ويبقى اللى فى الاتحاد (مش كلهم برضه) بيعملوا بس اللى بيملوه عليهم وبس.
وكمان يا عم الحج ... انته لما بتيجى تدفع المصاريف بتدفع 10 جنيه رسوم اتحاد ... ده غير الدعم اللى بيطلع من الجامعة ووزارة الشباب كل الفلوس دى بتروح فين ان شاء الله ؟؟؟
لما واحد فاهم والناس هى اللى اختارته يمسك المكان ده هيعرف يعمل بيها حاجة للطلبة ... ولو معملش الطلبة هيقدروا يحاسبوه علشان هما اللى اختاروه مش الكلية اللى اختارته ."
كلام مظبوط جداً، كدة أول خطوة المفروض تكون المطالبة بوجود "انتخابات إتحاد الطلبة" زي أي كلية في مصر وبرة مصر.
:]:]
طب مبدأين ياعنى انا عارف انك ديما مش بتحب حد يعارضك :]بس عادى
وكمان عاوز اقلك ان مش بحب حتته انك تقلى ياستاذ وياعم الحج وكده بحس فيه بنبرت استهزاء :] بس باردوا عادى :] انا متعود منك على كده ..عمرك ماتقبلت رأى بيعرضك ..مع انى مش عارضك اساس..مش مهم ذايه ياعنى :]:]
وعلى فكره ده الى بيخلينى مردش كتير فى المدونه هنا ..علشان بيبقى ليا راى غيرك ..وطبعا عارف انك مش بتحب كده .. واساسا الى خلانى ارد هوا الكلام بتاع فليببنو.. :]
المهم بقى ..
هلقلك تانى علشان نغير من واقعنا لزم نعيشوا .. ومش نتواهم حاجات عمرها ماهتحصل بالسهوله ديه .. متقوليش بقى اتحاد الطلابه حاجه جامده و مش عارف ايه (حاليا) .. ولو افترضنى ان الاتحاد ده جه بأراده الطلابه او لأ فهوا فى النهايه باردوا محطوط تحت قيود وحدود معينه بيتحرك من خلالها .. وانت عارف كده كويس ..يس مش راضى تصدق كده :] .. مقلتش ان ده كده صح .. لكن ده الوضع الحالى ..يبقى لما نيجى نشوف حل لمشكله معينه لزم نحط الوضع ده فى الاعتبار ... مش نفترض احنا حاجه مش موجوده اساسا ونبنى عليها حل للمشكله ديه .. ولما الحل ده مش يتتحقق يجلنا احبط ..علشان اساسا احنامن الاول غلظ.. هوا ده الى انا عاوز اوصلهولك .. ياعنى مثلا انا شيفك now بتقول رحلات بنات بس وبتاع .. انت عارف ومتأكد ان حاجه زى كده صعب انها تتحقق .. لان ببساطه هيقللك ان اتحاد الطلابه كده بقى اتحاد بيتبنى مبادىء مش بتتماشى مع كل الطلابه .. ياعنى بالعربى فيه ناس معك فى الكليه الموضوع بالنسبلها عادى حتته الرحلات المخطلته ديه .. عندهم مبادىء غيرنا ..طبعا انت فهمنى ...فامش ينفع انت كاتحاد تيجى تشتغل لفئه على حساب فئه تانيه .. وكمان مش ينفع تقلى انا هعمل حساب الفئتين ... لان انت كده فرقت مابين الطلابه .. وهوا اسموا اتحاد الطلابه ... عرفت ليه انت ممكن متكنش تصلح لأتحاد الطلابه .. علشان حاجه زى كده...
اوعى تفتكر كلامى ده انى انا مؤيد او حتى معارض .. بس انا بعرضلك الموضوع من وجهة نظر تانيه .. لان بجد لو فضلنا كلنا نفكر بس احنا بنفكر ازى .. وعايزين ايه .. ومش نفكر فى الاتجاه الاخر بيفكر ازى وعاوز ايه ...مش هنوصل لحاجه
وعاوز اقللك ان ياما ناس قدرت تغير فعلا وهملت نهضه كمان ..وعمر ماكان حد يتوقع انهم يعملوا كده .. قصدى ياخوليو انك كنت ممكن تبقى فى اتحاد الطلابه ده بس افكارك الى بتنشرها علنا وبتبقى كتير افكار جريئه ..كتير الافكار ديه بتضر اكتر ما بتنفع .. خصوصا على الcis club واعتقد انت حسيت بكده .. اننما انت لو احتفظط بأفكارك ديه الى ممكن تبقى صح وممكن لا باردوا ... وقدرت انك توصل لاتحاد الطلابه ده .. ممكن بهدؤء انك تنفذ جزء من الافكار ديه .. وهكذا .. قصدى ان احيانا الصمت مطلوب .. وبيكون مفيد اكتر 100 مره من ان انا اتكلم والكلام يأخذ عليا ..ويأدى لنتايج سلبيه بعد كده تحطك فى موضع مرقبه .. او انك تستبعد من اتحاد الطلابه كده ...
ايه الرغى ده كلوا .. ربنا يوفق ياعم.. بس تانى مره لازم تزود جرعه الاحترام شويه للى بترد عليه :]:] سلام ياض :L:L:L
بجد يكفينى فخر ان أول موضوع يتضيفه ليا خالد يلاقى كل الردود الجميله دى .. خصوصا رد دكتور احمد حجاج ..
فى الأول .. ترددت انى انزله .. بس اتأكد دلوقتى انى لازم انزله و لازم نقف واقفه صح .. كل الكلام دا جميل و اتحاد الطلبه برضو كويس .. لكن انا غرضى الاساسى من عرض الموضوع دا .. ان محدش يسكت عن حقه تانى .. البنتين دول معايا فى اللجنه و انا ادايقتلهم جدا .. بس للأسف اكيد هما مدايقين اكتر منى ... و اكيد معرفوش يعمله حاجه .
@ منص :
"يا عم الحج واستاذى الفاضل ويا برنس" والكلمات دى كلها مش قصدى أهين بيها حد والله ... لكن انا بستخدمها كتير وهحاول أبطلها ان شاء الله لو كانت بتضايق فعلا.
ثانى حاجة انا يمكن "ثورجى" شوية ... والفكرة مش انى مبتقبلش رأى بيعارضنى ... وانما بحاول أدافع عن رأييى لأخر نفس ... المشكلة ان محدش بيكمل معايا للاخر ... كله بيسيبنى فى النص ويقولك ده مش بيتقبل الرأى وفى اللى مش بيحب انه يتكلم معايا أصلا على اعتبار انى مش هتقبل رأيه... منكرش ان فى الأول كان فيا الحتة دى وكان فى عيوب تانية ... لكن ناس زيك كده نصحونى واجتهدت وحاولت أقلل من الموضوع ده مش عارف بقى الناس بتلاحظ ولا لأ.
ويا ريت اللى شايف فيا حاجة غلط ميسيبنيش فى الغلط اللى انا فيه ... يقولى عليه ممكن أنا فعلا غلط وأصلاح الغلط ده .. أو اكون انا صح وفى سوء تفاهم أو حد أساء الظن بيا ... وممكن أبقى غلط ومصر على غلطى ... وساعتها بقى يدعيلى ان ربنا يهدينى .
بالنسبة بقى لبقية كلامك عن ان السكوت احيانا بيبقى أهم من الكلام ... أبويا دايما كان يقولى الكلام ده ... لكن أنا معرفتش أستفيد من نصايحه ليا ... مش مشكلة الحمدلله اللى حصل حصل.
وبالنسبة لكلامك عن اننا نحط الوضع الحالى فى الاعتبار ... كلامى ده من تجربة مش خيال ... هنا فى مصر فى اتحادات فعلا قدروا يعملوا اللى انا بقولك عليه.
هو فعلا كلامك صح الموضوع مش سهل ... لكن على الأقل يستحق المحاولة وخلينا نجرب ونتعلم ونعمل اللى علينا علشان يوم القيامة نقول يا رب احنا حاولنا وعملنا اللى علينا ... والضغوط لازم هتبقى موجودة وهيبقى دور الاتحاد انه يواجهها ... ويعمل اللى يقدر عليه.... انما مش هنفضل طول عمرنا نقعد ننتقد اتحاد الطلبة واللى فيه واحنا قاعدين مكاننا.
وبالنسبة لما بتقول ان فى ناس بيبقى بالنسبة ليها الرحلات المختلطة عادى ... بص ده كان مجرد مثال انما فى حاجات تانية كتير ممكن الاتحاد يعملها ... واحنا مينفعش نناقشه دلوقتى لأن مفيش حد فينا فى الاتحاد دلوقتى ... لو بقى حد فينا فى الاتحاد نبقى ساعتها نتكلم فى الموضوع ده وناخد وجهات النظر ونشوف ايه الأصلح ... وايه اللى ممكن يكون أفضل ... وانا شايف ان الاتحاد اللى يسمك يعمل الأنسب للطلبة اللى اختاروه مش يعمل اللى هو شايفه صح علشان هو شايفه صح.
وبعدين فى حاجة كمان ... ازاى احنا اللى هنبقى المسؤولين عن البلد لما نكبر ... واحنا مش متعودين واحنا صغيرين اننا نعرف نختار اللى يمثلنا واللى يوصل صوتنا ... ازاى هتختار نائب مجلس شعب أو رئيس حى أو حتى ئيس جمهورية وانته مش حاسس بأهمية صوتك ؟؟
حتى لو احنا شايفين ان الوضع اللى احنا فيه مش هيغير حاجة لكن على الأقل نعمل اللى علينا
ولا انته رأيك ايه ؟؟؟
قول رأيك بقى حتى لو بيخالفنى وارد جدا يكون رأييى غلط .. وأنا احب اتعلم منك ومن أمثالك :P:D:D:D .
هو وضع 15 و 16 معوجين لا مؤاخذة ؟؟
يبدوا ان هناك من يسعى لخلق المشاكل :L
يسعي لخلق مشاكل؟!
أما يكونوا مش بيقبلو حد غير بالصفات دي يبقي كدة وضع تمام؟!
وجهات نظر
:D:D
مش قصدي.. ان ده صح أبدا..
بس هما الاتحاد في الحقيقة مش كدة..
هما مش بيقبلوا الناس اللي بتفكر بطريقة صح بشكل أو بآخر.. أم ملتزم أيضا بشكل من الأشكال
هم يريدون أشخاص لن توظف ما بيدها إلا في الرحلات .. وأهلا بيكي في مصر
لن ابه بهذا الكلام الذي لا يجدي على أي حال
من يريد التغير فليبدأ بنفسه .. لو داخل الاتحاد لم أكن لأستطيع تغيير شئ .. لا يوجد سلطة كما تعتقدون للسيطرة
من يريد المساعدة سيساعد .. على مستواه الشخي أو الجماعي
نحن من نضع الأعذار لأنفسنا ..تبا لنا .. شكرا لكم
@ ياسر :
تبا لك يا برنس :D:D
@yasser :انت برنس على فكره ...
@5olio : تبا لك معلش بقى :P:P:P
السلام عليكم
اولاً : ما شاء الله الموضوع ده في مناقشات لحاجات كتير حلوة اوي وفي اختلاف اراء و ده برضه مطلوب ساعات فالحمدلله موضوع متكامل ... يا رب يفيد
ثانياً بقى : أنا بس عايزة اعرف ، هو مش الماسكين اتحاد الطلبة دلوقتي (طلاب ) معانا!! .. يعني انتوا بتقولوا لو حد فينا بقى في اتحاد الطلاب نبقى نشوف ..
طيب و الاصلاً في اتحاد الطلاب دلوقتي ؟ ليه منقولهمش و ليه ميشوفوش بجد الناس عايزه ايه و يعملوه .. ماهو لازم يكون في تخاطب يعني ، هل لو حد راح و اتناقش معاهم هيرفضوا ؟
أنا مش عارفة مين اللي ماسكين اتحاد الطلاب بس مدام هما طلبة ميفرقوش عننا في حاجة يبقى منتناقش معاهم ليه بقى
@ Anollipian:
أعضاء الاتحاد طلاب معانا ... وفيهم ناس معروف انهم فى الاتحاد ودول قليلين أوى ... وفى ناس يبيقى صحابهم الانتيم فى الاتحاد وهما مش عارفين.
والاتحاد فيه ناس بتشغل ... ولكن شغل عادى ... يعنى حجز معامل المساعدة فى لم فلوس الرحلة وعمل دعاية ليها .. تنظيم بطولة كرة القدم.
لكن فى وجهة نظرى ان مش ده بس اللى الاتحاد يقدر يقوم بيه ومش ده بس اللى يقدروا يقدموه.
انا اتناقشت مع بعض الشباب اللى فى الاتحاد كلا على حده ...وبظروفها يعنى لما بنتقابل والكلام يجيب بعضه ... فى ناس بتبقى متحمسه انها تشتغل ولكن لوحدهم ومش فى ايدهم حاجة يعملوها ... وفى ناس مش عارفة دورها أصلا ومعملوش أى حاجة خالص كطلاب اتحاد.
وفى واحد بدون ما أذكر اسمه .. بقوله طيب ما السنة الجاية مثلا ابقى قبل يوم التقديم للاتحاد ابقى أعمل اعلان على السايت علشان الناس تعرف وتروح تشارك ... قالى ده مش دورى .. قلتله امال دور مين ان شاء الله ... قالى مهو انا من مصلحتى ان محدش يعرف علشان أمسك انا :S:S.
والكلام ده فى ناس محترمة كتير شاهدين عليه
السلام عليكم و رحمه الله و بركاته
أولا : جزاكم الله كل خير
ثانيا: بالنسبه لورقه الأمتحان لازم فعلا الناس تتكلم مع رئيس اللجنه و تتفق معاه علي كل حاجه لو عمل زي ما أتفقوا يبقي الحمد لله لو نقض عهده :) فدي مشكلته
بالنسبه لنقطه أتحاد الطلبه: الناس علشان تتغير لازم أحنا نتغير لو حد مسك السلطه بتاعت أتحاد الطلبه مثلا
ولو لغيت رحله فيها أختلاط حتلاقي الناس أصلا في أختلاط و هما في الجامعه :) أنت كل ألي تقدر تعمله أنط تنصح الناس و تتناقش معاهم و تعمل زي البلوج الجميله دي
كده أقدر أقولك أنك بتعمل حاجه كويسه جدا أنما تخيل كده أنك بقيت في أتحاد الطلبه ولغيت رحله فيها أختلاط
جرب كده و ألغي الأختلاط ألي في الجامعه؟مش انت بقيت في أتحاد الطلبه يبقي لازم تعرف تعمل كده :) انا قصدي
انك متقدرش تهدي الناس للصح غصب عنهم الناس عارفه الصح من الغلط و بتختار أنها تعمل الغلط
بالنسبه لأنك ممكن مثلا تمسك أتحاد الطلبه و تعمل نشاطات كويسه في الكليه طيب مانت ممكن تشترك مع أي حد من الاسر و تعملوا نشاطات ولو عزت أي حاجه تروح لوكيل الكليه و العميد علي طول وسيبك من حوار أتحاد الطلبه لو بقي أنت رحت للناس المسئوله عن الكليه و قفلوا الباب في وشك أو قالولك مش فاضيين
والناس دي كلها حتقف قدام ربنا و ربنا حيحاسبهم
وعلي فكره أنت مش حتقدر تغير الناس بس تقدر تنصحهم
وتنبهم وأنا شايف انه البلوج دي أحلي من رئاسه أتحاد الطلبه :) أو مركز في أتحاد الطلبه
الأنسان ميقدرش يمشي الكون علي مزاجه بس يقدر ينصح الناس كلها
أتمني مشاركتي ميكنش فيها زعل لحد :)
والله الموفق و المستعان
والسلام عليكم و رحمه الله و بركاته
السلام عليكم
اولا جزاك الله خير يا خالد على المدونه بتعتك ما شاء الله ديما لما اقرها استفيد كتير كفايه ان مجرد نقاشك لفكره بيدى امل ف تحققها
ثانيا لو كل انسان عنده فكره خلها بينه وبين نفسه عشان عواقب الى ممكن تحصل هتفضل طول عمرها فكره عشان كده مش تندم على افكار جريئه ولا تفكر تخبى افكارك لانك بتفيد كتير على انه يفكر
والسلام عليكم
السلام عليكم
لو عايزين تغيروا من نظام اتحاد الطلبه اللى ماشى بمبدئ الكوسه هى الحل..يكون افضل بكثير تغير نظام الحكم فى بلدنا الحبيبه مصر اللى ماشى بنفس المبدئ برضه...هيكون اه الفائده لو عالجنا ظفر مكسور فى صباع مقطوع؟!!..الافضل لى ان اعالج هذا الصباع المقطوع لكى يكون هنال فائده من علاج ذالك الظفر المكسور(والحدق يفهم) وجزاكم الله جمييعا خيرا بأذن الله
@ غير معرف :
مش علينا ان احنا نغير حاجة مش بايدينا دلوقتي
واحنا مش هنغير حال اتحاد طلبة .. ولا في يوم هقدم عشان ابقى واحد منهم .. لان ببساطة اانت بتعمل حاجة يكون ليها نتايج .. واللي عايز يساعد الطلبة مش محتاج يبقى في الاتحاد
انت عايز تغير نظام الحكم .. انا بقول برضه مش هيفيد.. لان مش ده اللي هيغير حال مصر -ولا تناقشني في هذه النقطة، دي مش مدونة سياسية-
بس اعمل اللي عليك في المكان اللي انت فيه .. ساعتها الحال هيتغير
@ غير معرف اللى بيقول نغير نظام الحكم :
كلامك انا فهمته كالاتى
لو عايز تبنى قوضة صغيرة, لازم تبنى برج كبير الأول.
وأعتقد ان ده مش تمام
وانا من رأييى أن التغيير مش عليك
كل اللى عليك انك تعمل كل اللى تقدر عليه علشان لما ربنا يسألك يوم القيامة تقوله يا رب أنا عملت.
لو احنا دلوقتى بنقول ان اتحاد الطلبة مهم, هل معنى كلامنا اننا مش هنعمل أنشطة مفيدة للطلبة الا لما يكون فى اتحاد طلبة. لو احنا عملنا كده يبقى احنا أكيد غلط.
وبرضه اتحاد الطلبة ده وسيلة وليست غاية, الغاية هى انك تعمل حاجة ترضى بيها ربنا واللى عايز يرضى ربنا مش بيستنى اتحاد طلبة ولا غيره, وكمان اتحاد الطلبة وسيلة زى أى وسيلة زى ما ليها مميزات ليها برضه عيوب, ووارد جدا يكون رأييى عن قوة الاتحاد غلط.
ويمكن لو حد الناس اختاروه وصل للاتحاد يبقى حال النشاط اسوأ مما هو عليه الان لو لقدر الله حصل تضيقات أمنية (بلاش كلام فى السياسة :D ).
اولا قبل ما ارد احب اعرف نفسى انا اللى كان خوليو اتكلم معاه عشان كان عايز يعمل اعلان على السايت عن انتخابات الاتحاد
ارد بقه...
اولا يا خالد انا وانا بتكلم معاك فى الحوار ده ولا كنت اعرف ان انت كنت عايز تخش الانتخابات قبل كده وحد شطبك غير دلوقتى من ردودك يعنى انا كنت بتكلم معاك عادى خالص
مكنتش عارف حاجه زى كده ولو كنت عارف ان انت هتقول فى البلوج بتاعك ان انا رديت عليك وقولتلك لا انا مش هعمل اعلان عشان اخش انا مكنتش هتكلم معاك لان انت استغليت كلامك عايا بطريقه غلط وابقى هاتلى الناس اللى انت بتقول عليهم شاهده ديه فى الكليه ونبقى نشوف انا كنت بتكلم ازاى...
لان انا كنت بتكلم ساعتها بنوع من الهزار معاك عادى لكن انت شكلك مينفعش الواحد يهزر معاك ف حاجه ابدا وانا بعد كده هاخد حذرى معاك ف كل كلمه انا بقولها
واخر حاجه لو انت عايز تقول انا مين انا مفيش مشكله بالنسبالى خالص ....
باين من كلامك ان انته واحد تانى غير اللى انا أقصده
قول انته مين علشان لو طلعت فعلا اللى انا أقصده هجيب فعلا الناس اللى شاهده وهما اللى يحكموا.
ولو انته فعلا اللى انا اتكلمت معاه, هفكرك اذا كنت عارف ان انا قدمت واتشطبت ولا لأ
أو بص بلاش تقول انته مين لو انته مش عايز
قول على الأقل الكلام ده حصل أمتى ؟؟؟ هو كان يوم مميز أوى فى الكلية
انا اهو يا خوليو :]
طبعا احنا اتكلمنا خلاص على الميل ووضحت العمليه ف انا هلخص اللى حصل
اولا طلع خالد مش يقصدنى انا مع ان كان فيه حصل حوار مشابه بيننا فى الموضوع ده بس الفرق انانا كنت بهزر والموقف مع الشخص الاخر كان مش بهزار
ف انا بعتذر لو كان اسلوبى حاد فى الكلام بس حطو نفسكو مكانى :]
ثانيا انا بعد مش اكتشفت ان مش انا اللى يقصدنى ما زلت بعاتب عليه ان هو مش قال اسم الشخص ده على الاقل عشان يكفل حق الرد ليه
ف رايى الشخصى مدام قررنا ان احنا ننقل كلام حصل ما بين ناس لازم نقول مين هم عشان لو فيه سوء فهم او كده الشخص ده يقدر يرد مهما ان كان بقه الكلام كان عباره عن ايه ..
بس كده
السلام عليكم ورحمه الله وبركاته
اتمنى ان انت بنفسك تقول بقه مين الشخص ده :D
الواد اللي بيرغي فوق .. باحساسي كدة يبقى روك :p
وخوليو بيهري في الجوافة .. يا ابني رد على قد الكلام :D
لسنة اللي فاتت في امتحان ال electro حصلي موقف لطيف ضريف من دا
كان في نص ورقة فاضية في ورقتي لا تسع لاي شئ اقل من النص كمان
فطلبت من المراقبة ورقة مرضتيش عشان النص ورقة دي
انا كدا هابقى باهدر المال العام مثلا مش عارفة :X:X:
المهم لما جه دكتور حمد قولتو انا عايزة ورقة زيادة ومش راضيين يدووني
راح قالي مليش دعوة
اطلبي من رئيس لجنتك
الدكتور مشي من هنا ورئيس لجنتي الخدوم المحترم جه قالي هاتي الكارنيه
يعين فاضل نص ساعة و امتحان غبي وصعب مووت (بالنسبالي)
وفاضلي فيه كتير جدا
ومش معايا ورقة اكتب فيها
ودا جاي يزعقلي و يسحب كارنيهي
عشان اتجرت وطالبت بحقي
هاقول ايه بس الحمد لله
والله انا لو مكنتش عديت في المادة دي كنت هافضل ادعي عليهم طول عمري
المهم ان حتي الاصرار في طلب الحق بيواجه بباطل اكبر من الباطل الاول
انا مااعتقدش ان في حاجة في الكلية دي ممكن تتغير
ولكني اتمنى من كل قلبي :D:D:D:D
BOSBOS :D:D
@ "انا مااعتقدش ان في حاجة في الكلية دي ممكن تتغير ":
ان شاء الله هتتغير وبكرة نشوف, أهم حاجة كل واحد يعمل اللى عليه
إرسال تعليق