فى بداية ال break بتاع السيشن
المعيد : ايه يا خوليو عملت ايه .
خوليو : خدوا اسمى غلط وجابوا نتيجة واحد تانى .... مفيش أمل يا دكتور تجيبهالى .
المعيد : المشكلة ان مفيش كنترول ومش هعرف للاسف .
وفى اثناء ال break وانا فى طريقى لعم فتحى ... لقيت المعيد بيرن عليا ... انا افتكرت انه هيقولى لم الشباب واطلعوا علشان نكمل السيشن.
المعيد : أيوة يا خالد ... انته اسمك خالد سيد ... مفيش ألف ولام صح.
خوليو : أه يا دكتور خالد أحمد سيد من غير ألف ولام .
المعيد : انته معاك نظم معلومات.
انا كنت ناوى أكتب فى حالتين .... الحالة الأولى انى اكون جايب امتياز ... وساعتها كنت هقول يا جماعة انا جبت تقدير انا مستحقوش ... والحالة التانية هى اللى انا فيها دلوقتى
انا اللى مزعلنى أوى ... انى فعلا اتعلمت من البيزنس السنة اللى فاتت ... وحضرت للدكتور السنة دى أغلب المحاضرات بتاعته .... وعملت المشروع ... وذاكرت قبل الميد ترم وقبل الفينال... وحفظت على قد ما أقدر ... لكن لما دخلت اللجنة نسيت كل حاجة .... كان ممكن أنجح بالغش .... اللى كان قاعد جنبى قالى استنى اديك الاجابات لكنى مرضيتش وسلمت ورقتى باللى مكتوب فيها ومشيت
انا نفذت الكلام اللى قاله بابا ... لكن منفذتش اللى بابا كان يقصده .... بابا قالى انا مش عايزك تبقى "واحد من الناس" ... أنا عايزك تبقى "واحد غير كل الناس " ..... انا فعلا دلوقتى "واحد غير كل الناس" .... كل الناس جايبة تقديرات محترمة أو بالكتير شايلة مادة ب 50 درجة .... وانا شايل مادة ب125 درجة
أسف جدا يا أبى
أسف جدا يا أمى
أسف جدا يا كل من من دعى لى .... وأحب اقولكم ... ابقوا اتوضوا وانتوا بتدعوا
وهقول تانى زى ما قلت لما شيلت مادة فى سنة أولى لنفس الدكتور .... دى مش نهاية العالم ولكن الحقيقة التى لا يمكن التغاضى عنها ولو حد سألنى هقوله ... أنا جبت ملحق
المعيد : ايه يا خوليو عملت ايه .
خوليو : خدوا اسمى غلط وجابوا نتيجة واحد تانى .... مفيش أمل يا دكتور تجيبهالى .
المعيد : المشكلة ان مفيش كنترول ومش هعرف للاسف .
وفى اثناء ال break وانا فى طريقى لعم فتحى ... لقيت المعيد بيرن عليا ... انا افتكرت انه هيقولى لم الشباب واطلعوا علشان نكمل السيشن.
المعيد : أيوة يا خالد ... انته اسمك خالد سيد ... مفيش ألف ولام صح.
خوليو : أه يا دكتور خالد أحمد سيد من غير ألف ولام .
المعيد : انته معاك نظم معلومات.
انا كنت ناوى أكتب فى حالتين .... الحالة الأولى انى اكون جايب امتياز ... وساعتها كنت هقول يا جماعة انا جبت تقدير انا مستحقوش ... والحالة التانية هى اللى انا فيها دلوقتى
انا اللى مزعلنى أوى ... انى فعلا اتعلمت من البيزنس السنة اللى فاتت ... وحضرت للدكتور السنة دى أغلب المحاضرات بتاعته .... وعملت المشروع ... وذاكرت قبل الميد ترم وقبل الفينال... وحفظت على قد ما أقدر ... لكن لما دخلت اللجنة نسيت كل حاجة .... كان ممكن أنجح بالغش .... اللى كان قاعد جنبى قالى استنى اديك الاجابات لكنى مرضيتش وسلمت ورقتى باللى مكتوب فيها ومشيت
انا نفذت الكلام اللى قاله بابا ... لكن منفذتش اللى بابا كان يقصده .... بابا قالى انا مش عايزك تبقى "واحد من الناس" ... أنا عايزك تبقى "واحد غير كل الناس " ..... انا فعلا دلوقتى "واحد غير كل الناس" .... كل الناس جايبة تقديرات محترمة أو بالكتير شايلة مادة ب 50 درجة .... وانا شايل مادة ب125 درجة
أسف جدا يا أبى
أسف جدا يا أمى
أسف جدا يا كل من من دعى لى .... وأحب اقولكم ... ابقوا اتوضوا وانتوا بتدعوا
وهقول تانى زى ما قلت لما شيلت مادة فى سنة أولى لنفس الدكتور .... دى مش نهاية العالم ولكن الحقيقة التى لا يمكن التغاضى عنها ولو حد سألنى هقوله ... أنا جبت ملحق
14 التعليقات:
الاول الحمد لله علي كل شئ ، و زي منتا بتقول دي مش نهايه وبعدين ماده بـ 125 زي ماده بـ 50 اهي ماده متشاله وخلاص وبعدين منا معاك اهو شايل report هنفضل نقول ونزعل علي اللي فات ، هو الحاجه الوحيده اللي بتضايق فعلا هو ان الاهل بيزعلو بس الحق يقال انا متعبتش خالص في الريبورت واكيد انت متبعتش في الـ IS عشان كده كانت دي النتيجه وان شاء الله تترفع لينا كلنا الترم التاني وبص لقدام بقي مش انا اللي هقولك يعني
الدنيا لا تستحق ذلك
فشل صغير .. قد يكون ليس له أي قيمة
نجدد الأمل .. مازال هناك الكثير للعالم كي نقدمه
لن تتوقف على مادة حفظ
لا يا خوليو حوار عاوز اعيط و هموت و بتاع ده منتهى الغلط . لان ده كان ممكن يحصل عادى يعنى , و زى ما قالك ياسر لن تتوقف الدنيا على مادة حفظ او لو لا قدر الله عدت السنة يعنى. و احب افكرك بناس عادت السنة( مش شالت IS ) فى كليتنا و دلوقتى ما شاء الله يعنى , بس انا مقدر شعورك لانى مريت بيه السنة اللى فاتت لما شيلت Business اول حاجة فكرت فيها اهلى مش انا , لما يبقى والدى بيحاول يسعدنى بكل الطرق و انا اقوله اتفضل يا بابا هديتك اهى شايل مادة بيبقى شعور صعب. معلش يا خوليو و بص لقدام مش لوراا و ربنا معاك و معانا .
ايه كل ده يا خالد
اللي حصل مايستحأش كل ده
اولا احمد الله ثانيا يابني مش قلتلك اصبر يمكن تترفع فيها
وبعدين ده مش فشل خالص
دي تجربة انت مانتجحتش فيها
وبعدين الانسان ميتعلم من اخطائه :شوف انت عملت ايه خطأ وغيره
وسألو صاحب شركة ناجح عن سر نجاحه
قال :اخطائي
سألو ازاي:
قال عشان عرفت استفيد منها
السلام عليكم ورحمة الله وبركاته
أنا نفسي أقولك حاجة يا خالد
وبجد ده شئ مأثر في نفسي جدا
أن على الرغم من أني عديت صافي والحمد لله إلا إن برده مش حسة إني عملت حاجة في الكلية دي لما يكون عندك شعور بالفشل إن ناس كثيرة من حوليك بتسعى وتجتهد وانته وقاف تتفرج بجد شعور مؤلم
أحب أقولك أنته ممكن تكون شلت مادة بس بص للي حققته السنة دي من نجاح في الACm وأتعلمت إيه الترم ده ونظمت وقتك كويس واستفدت منه كل واحد يعمل كده إنته لو ضيعت وقتك في شئ تافه تبقى تقدر تزعل تقدر تعاقب نفسك
بس لما تكون بتخلص في عملك كمبرمج وبتحرص على المعلومة وإنك تطور نفسك عمرك ما تحس إنك خسرت أو شلت مادة عمرالتقدير ما كان بيقدر قيمتك كمبرمج
يمكن إن المادة دي ال IS حفظ وأنامش مقتنعة بإننا لازم قبل الامتحان نقعد نحفظ في منهج طويل عريض ونخش اللي عنده ذاكرة عملاقة يفضي اللي عنده وينجح واللي عايز يفهم قبل ما يكتب يشيل
بجد اللي عملته إنك مغشتش ده بينك وبين ربنا شئ كبير جدا لأنك معودتش نفسك على الغش وده هتجني ثماره بإن ربنا هيبارك في مستقبلك وشغلك
وغير كده وكده بص لقدام السنة مخلصتش والإنسان لو مفقدش الأمل وإرادته هيقدر يعوض إن شاء الله
و كفاية إن ناس كثير جدا بتدعيلك أنته و غيرك بجد تستهلوا كل خير على مجهودتكم
وربنا يوفقك ويعينك وتقدر تعدل التقدير مش عشان إن التقدير يعني إنك متفوق لأا
علشان تثبت مبدأك اللي هو إن الإنسان ممكن يوصل فعلا بدون الغش وسرقت مجهود الغير
وشكرا جزيلا على هذا الموضوع لأنه في كثير قوي مروا بيه
وخلي ثقتك بربنا كبيرة إنه مش هيضيع مجهودك : )
بسم الله الرحمن الرحيم
السلام عليكم ورحمه الله وبركاته
انا هقول كلمتين ابرك من 100 زى ما بيقولوا
عسى ان تكرهوا شئ وهو خيرا لكم صدق الله العظيم
ان الله لا يضيع اجر من احسن عملا صدق الله العظيم
يـــا صـــاحب الهمِّ إنَّ الهم منفـرجٌ
أبشِر بخيرٍ فـــــــــإنَّ الفــــــــارج الله
اليــأس يقطع أحيــاناً بصــاحبــــه
لا تيـــأسنَّ فـــــــــــإنَّ الكـــــــافي الله
اللـه يُحدِث بعـد العســــر ميســـرة
لا تجـــزعــــــنَّ فــــــإن القاســــم الله
إذا بُـــليـت فثِقْ بالله وارضَ بـــــه
ربنا معاك ويصبرك يا خوليو و معلش قدر الله و ما شاء فعل و اكيد انت شلت الماده ديه لحمكه ميعرفهاش غير ربنا سبحانه و تعالي ومش معني كده انك فشلت او حاجه لان ديه ماده حفظ مش مقياس لاي حاجه و احنا كلنا عارفين كده و عازه افكرك بحاجه بس( إنَّ لله ما أخذ وله ما أعطى وكل شيء عنده بأجلٍ مسمى فلتصبر ولتحتسب )
و انت احسن من ناس كتير غيرك شيلين ماديتين و تلاته و اكتر كمان
و الحمد لله انها جات في شيل ماده متعرفش كان ممكن ايه اللي هيحصل لو مشلتش الماده ديه
و ان شاء الله تترفع و تطلع صافي بتقدير يارب
shohanda
bos ya 5aled
عسي ان تكرهوا شيئا و هو خير لكم
mesh te3raf rabena katblk el 5er fin
el 7amd llah 3al kol el yegebo rabena bgd rabena mesh bye3ml 7aga we7sha abdan
ymkn rabena haywf2k fy 7aga isa mesh kant fu balk badl el is
fa 5alas rakez fy mawad el term el taniiii w mesh tefker fi el is nw w rabena yekremak w yewaf2ak w tetrefe3lk isa
يا بليد
:P
خالد ..
الأول أنا عاوزه أقولك .. عسي أن تكرهوا شيئا و هو خير لكم و عسي أن تحبوا شيئا و هو شر لكم ..
أنا عن تجربة .. قد تراها أصعب من تجربتك .. بس أنا شايفاها عاديه جدا .. -و قد تعتقد أنها لا مبالاة مني- و لكن بالفعل .. إني أعيد سنه أولي تاني .. علي خمس مواد ف ترم واحد .. كفيل جدا إني أقول الكليه دي مش مجالي خصوصا اني أثبت وجودي بشكل مبهر ف مجالات تانيه ملهاش علاقه بالكليه .. بس خليني أقولك حاجه .. تجربة إنك تشيل ماده مهياش آخر العالم .. و النجاح الدراسي عمره ما كان مقياس للنجاح .. بالعكس إحنا سبب تأخرنا إننا شايفين إن النجاح هو النجاح الدراسي .. و أنا برضو شايفه ان الشخصيه الناجحه مبيسمحش لشيء ليس أساسيا في النجاح كالدراسه إنه يكون مصدر للإحساس بالفشل ..
بس برضو مش نهاية العالم .. و لو علي رفع إن شاء الله تترفع .. و ربنا يكرمنا كلنا
ياسمين مدكور
ممكن يكون تعليق متأخر بس بالنسبالى دا وقته ..
ان الاحساس لابد منه .. و لكن دائما التصرف بعده هو ما يحسب عليا !!!!!
"أعظم هدية تقدمها لنفسك أن تتعلم كيف تذاكر"
جملة عجبتني سمعتها امبارح علي لسان أحد الأشخاص اللي كانوا بيدونا كورسات عن المذاكرة, فقلت أكتبها فين...
@كل الناس اللى تعبت نفسها وردوا عليا :
جزاكم الله عنى خير الجزاء أنا فعلا الترم اللى فات ده كان عندى مشكلة تنظيم وقت ... ادعولى بقى ان ربنا يهدينى ويعينى على نفسى وأقدر أحقق حاجة لله (لأن حياتنا كلها لله) أفرح بيها والدى اللى قاعد فى الغربة ده واللى انا أكتر واحد زعلان على حزنه وزعله ... وأكتر واحد كلامه كان بيقطع فيا
@ سارة :
جميلة جدا الجملة دى واتحطت فى مكانها
وكمان جت فى الوقت المناسب ... لأنها لو كانت جت وقت ما كنت حاطط الموضوع يمكن مكنتش هحسها وأعمل بيها زى دلوقتى
شكرا جزيلا
إرسال تعليق