كنت ماشى مع "فلبينو" ورايحين مشوار ... واحنا فى الطريقة حصل موقف كده ... أول مرة أتعرضله وهو أول مرة يشوفه ... لكن كانت تجربة مفيدة جدا ... انا وهو اتعلمنا منه .
بعد المشوار بيومين كنت رايح نفس المشوار مع "ياسين" ... فقلت ل"فلبينو" انا رايح المشوار اللى رحته معاك أول امبارح ... ففكرنى بالموقف اللى حصلنا وضحكنا.
الموقف مكانش هزار ولا ضحك ... الموقف كان تجربه لتغير الوضع اللى حوالينا ... شفنا مشكلة من المشاكل اللى بنقابلها فى بلدنا ... واحنا حاولنا نحلها.
فكرت كده وقلت لو الواحد قابل مثلا موقفين من دول فى الشهر ودونهم ... وجه بعد سنة هيكون جمع تقريبا مثلا 24 موقف ... يعنى كتبت 24 تدوينة ... والناس عرفوا 24 تجربة وموقف للتغير والاصلاح ... وتكون المدونة اتشهرت بقى :D
يعنى هتكون على هيئة سلسة ... لو حصلى او حصل لحد أعرفه موقف من النوع ده ان شاء الله هدونه.
انا اختارت اسم "حــــرَّكــهـا" ... لأن عجبنى أوى اعلان بتاع جرنان "اليوم السابع" كان شعاره "كلام بيحرك البلد لقدام" ... احنا بقى ان شاء الله هنعمل "أفعال بتحركنا لقدام" ... وهدفنا ان لما الناس تشوف التجارب دى تحاول تستفيد منها وتعمل أحسن منها ... ونبقى كلنا بنحركها
بعد المشوار بيومين كنت رايح نفس المشوار مع "ياسين" ... فقلت ل"فلبينو" انا رايح المشوار اللى رحته معاك أول امبارح ... ففكرنى بالموقف اللى حصلنا وضحكنا.
الموقف مكانش هزار ولا ضحك ... الموقف كان تجربه لتغير الوضع اللى حوالينا ... شفنا مشكلة من المشاكل اللى بنقابلها فى بلدنا ... واحنا حاولنا نحلها.
فكرت كده وقلت لو الواحد قابل مثلا موقفين من دول فى الشهر ودونهم ... وجه بعد سنة هيكون جمع تقريبا مثلا 24 موقف ... يعنى كتبت 24 تدوينة ... والناس عرفوا 24 تجربة وموقف للتغير والاصلاح ... وتكون المدونة اتشهرت بقى :D
يعنى هتكون على هيئة سلسة ... لو حصلى او حصل لحد أعرفه موقف من النوع ده ان شاء الله هدونه.
انا اختارت اسم "حــــرَّكــهـا" ... لأن عجبنى أوى اعلان بتاع جرنان "اليوم السابع" كان شعاره "كلام بيحرك البلد لقدام" ... احنا بقى ان شاء الله هنعمل "أفعال بتحركنا لقدام" ... وهدفنا ان لما الناس تشوف التجارب دى تحاول تستفيد منها وتعمل أحسن منها ... ونبقى كلنا بنحركها
10 التعليقات:
بس في الأخر انت برده ماقلتش الموقف اللي حصل يا خالد :)
انت كاتبها عشان تفقع علينا يعني ولا ايه :D:D
لا يا جدعان الموقف هنا اهو
http://5olio-speak.blogspot.com/2009/03/blog-post_06.html
كلام جميل بس برده مقولتش اللي حصل معاك :P
كلمة"حركها" بتفكرني بخزنة الكلية
أما قولتوا في الأجازة عايزين ننقلها وناس كتيرة قالت مش هيحصل داحنا في مصر وكلام كدة...
وأما روحنا الكلية لاقينا شئون الطلبة اتنقلت :D
المهم بقو الاتنين جنب بعض زي ما طلبتوا
فإن شاء الله باقي الحاجات تتحرك كدة زي ما الشئون اتحركت
واللي مش عاجبه نعمله زي ما كان نفسي أعمل ساعتها
:P :P :P
@ سارة :
ده يخلينا نتسائل عن الحاجة اللى انتى كنتى عايزة تعمليها ساعتها
الحاجة مذكورة في اخر سطر(3 وشوش مطلعة 3 ألسنة)
فكره حلوه ....بس الاحلى انك تلتزم بيها وتواظب عليها علشان تطلع حاجه حلوه فى الاخر تفيدك وتفيدنا كلنا
وعلى فكره
اعتقد الاعلان بتاع كلام بيحرك البلد قدام
ده كان اعلان جرنان البديل
وهوه فعلا شعار جامد اوى
بالتوفيق
في واحد جارنا كبير في السن ساكن في الشقة اللي فوقينا, و كان كل ما يشوفني يبتسم و يقول صباح الخير أو مساء النور, بس عمري ما كلمته غير بس برّد عليه.
وأنا خارجة النهاردة من البيت لاقيته من بعيد و شايل حاجات و ماشي علي عكاز, فقلت أحركها و أعرض عليه المساعدة بالمرة أستغل الفرصة عشان ياخده فكرة حلوة عن المسلمين.
و يارتني ما فكرت في الفكرة دي...
إيه اللي حصل
أول حاجة سلم عليّ باليد و أنا متعودة أما راجل يسلّم عليّ أقوم مسلمة كدة في الهوا, بس هو أعد مدّ إيده كتير فمش عارفة إيه اللي خلاني أسلم عليه.
تاني حاجة أعد يسألني أنت في كلية إيه و يقولي جادعة يا حببتي و مش عارفة إيه.
المهم في الاخر مشيت و مارداش اني أساعده
بس مشيت مش طايقة نفسي و قولت إيه اللي خلاني أعرض عليه المساعدة ما كنت أعمل نفسي مش شايفاه زي كل مرة :D
فمهم أوي أما يكون فيه موقف نفكر هنحركها إزاي و كدة,
بس مش كل مرة بكون انا الشخص المناسب اني احركها في الموقف دة, يعني موقف زي دة لو كنت عايزة أحركها كنت المفروض أعمل نفسي مش شايفاه إنما لو كانت مراته مثلا كنت أعمل معاها اللي عايزاه.
دي وجه نظري في المواقف اللي زي دي.
كنت مرة بدى شوية شباب محاضرة عن حركها وقلتلهم
لما الواحد يقابله مشكلة أو موقف وعايز يحركها لازم يعمل 3 حاجات
1- النية.
2- البحث عن حل للمشكلة, أو فكرة.
3- الصبر.
وقلتلهم فى دايما لما نيجى ندور على حلّ أو فكرة نكون متأكدين أن الحل ده أو الفكرة دى مش هتسبب أضرار, يعنى مينفعش أطفى الحريق اللى سببه زيت بالمياه, مع ان المياه بتطفى النار, لكن فى حالة الزيت مش هتعمل حاجة.
فى حالتك دى, انتى كان عندك نية كويسة, وفى الموقف اضطريتى انك تصبرى على أذى الراجل ليكى (الله أعلم أذاه كان مقصود ولا لأ), لكن مخدتيش بالك أنك لازم تلاقى فكرة كويسة ومتسببش أضرار.
كويس أنها جت على قد كده, الواحد مش بيتعلم ببلاش
, ووجهة نظرك صحيحة أتفق معاكى فيها.
بس حاجة تنرفز, الراجل رخم عليكى وفى الاخر مخلاكيش تساعديه:S:S:S:.
إرسال تعليق