لم أكن أتخيل أنى سأواجه موقف مثل الذى مررت به اليوم, ما صبّرنى أن الله ألهمنى أن استحضر النية قبل أن أقوم بهذا العمل, وأول نية تذكرتها هى "براً بأمى وأبى", ولكنّى لا أخفى عليك مدى صعوبة ذلك الأمر علىّ, فأنا بطبيعتى أكره هذه الأجواء, ولا أحب سماع تلك الأغانى, ولكنى الان أكتشفت بالتجربة أن حضور "فرح فى الشارع" من النوع الخفيف (Dj فقط ورقص خفيف خفيف) من بدايته حتى النهاية أسوأ مما توقعت.
تعلم أنه دائما ما أشعر بالضيق عند حضورى تلك المناسبات بهذه الكيفية, حاولت صنع ابتسامة على شفتى, ولكنى أعتقد أن من رآها أكتشف زيفها من الوهلة الأولى, كنت بحاجة اليك فى هذا الوقت, فلم يعد هناك من يفهمنى فى هذا البيت سواك, ولدى ما لا أستطيع أن أبوح به لأحد غيرك, فمتى تعود يا أبى !!
تعلم أنه دائما ما أشعر بالضيق عند حضورى تلك المناسبات بهذه الكيفية, حاولت صنع ابتسامة على شفتى, ولكنى أعتقد أن من رآها أكتشف زيفها من الوهلة الأولى, كنت بحاجة اليك فى هذا الوقت, فلم يعد هناك من يفهمنى فى هذا البيت سواك, ولدى ما لا أستطيع أن أبوح به لأحد غيرك, فمتى تعود يا أبى !!
31 التعليقات:
ان شاء الله يرجع بالسلامة
و ربنا يطمنكم عليه
جزاكم الله خيرا,
بس ايه ده ازاى شفت الموضوع من قبل ما ألحق أنشره.
فلتكن فخورا بأباك شاكرا الرزّاق الذي رزقك أبا يفهمك و يعلمك الصواب.
ليس كل منا يستطيع أن يري أبيه كل فترة , ليس كل منا عنده أبا يتخذه قدوة في حياته.
فهو راضي بقضاء الرحمن الذي هو أعطف من الأم علي ابنه, عطوف علي أبيك, يبتلي الصامد المصر علي طاعته, يبتلي عباده كما ابتلي الأنبياء و الرسل, أنه يحبهم و يريد أن يطهرهم, و يغرس في قلوبهم الرضاو يقوي إيمانهم ليدخلوا الجنة سالمين مسرورين,
كن قويا, أعلم أن هذا شئ صعب جدا أنني مررت بنفس التجربة و تكاد تكون أصعب, ولا أجد حلا سوي الصبر و الرضا.
ما رأيك بزيارة دار أيتام و بعدها سجدة شكر, شكر الرحمن لأنه أعطي لك أبا مثل أباك
سيجلب لك إن شاء الله الرضا :)
انا مش فاهم حاجه الحمد لله
إسلام يوسف
يااااه انا لما قرأت الكلام ده بكيت لان بابا وحشنى جدا هو برضه فى غربة هو اللى بيفهمنى برضه و مهتم بكل حاجة متعلقة بيه و بيشجعنى انى اعمل الصح و لما مثلا اقول انا عاوزة اتقدم فى لبسى البيت كله بيبقى ضدى ماعدا بابا بيشجعنى جدا ربنا يخليك ليا يا بابا
انا اتحطاط فى موقف مشابه و برده عملته عشان برا بيهم
rabena ye5leholk ya basha we ye5leeke leh we yerg3holk bel salama isA we yesbrk 3ala bo3doh el mo29t da we akeed enta kaman wa7shoh 2wee we nefdoh ye2olk 3ala 7agat we ye7keelk zay ma enta bezbt nefsk fe keda we isA te7ko le ba3d 2oryeb 2weeeeeeeeeeeeeeeeeeeeeeeee :D:D:D:D
ربنا يرجعهولك بالسلامة يا خوليو ويطمنك عليه باذن الله وشد حيلك كده يا خوليو امال فين الرجالة يا باشا
حلو اوي الموضوع ده ,, حسيته اوي
ربنايرجعهولك بالسلامة ان شاءالله .. :)
اللهم بارك لنا فى أبائنا و أمهاتنا و ارزفنا برهما فى حياتهما و بعد مماتهما و اختم لنا جميعا بخير ... اللهم أمين
عمك
يعني ايه انتو بتعملو حاجة انتوا عارفين انها غلط بنية بر الوالدين!!!
@ غير معرف :
لما تقول انته مين أبقى أرد عليك.
في حاجة مش واضحة في القصة يعني انت روحت الفرح برا بابيك بعدين بتقول لو كنت موجود يا ابي مكنتش هتخليني اعمل كده
نسيت دول!!!!!!!!!!
اه ده متعرفش انا مين؟انا غير معرفP:
اه معلش مكنتش واخد بالى :D:D.
بس على فكرة انا مقلتش لو انته موجود مكنتش هتخلينى أعمل كده.
@ غير معرف :
كنت عايز أتأكد انك مش حد بيرخم :D:D.
دلوقتى انته قلت: "يعني ايه انتو بتعملو حاجة انتوا عارفين انها غلط بنية بر الوالدين!!!"
الموضوع ده كان مسببلى أزمة ومشكلة وسألت كتير, دلوقتى هل حضورى الأفراح اللى مش بتكون اسلامية ينفع ولا لأ, وكان معظمهم بيقولوا أن أنا لازم أحضر وأشارك الناس أفراحهم, وفى نفس الوقت أبين أعتراضى على الشكل ده من الأفراح.
فأنا قسمت العائلة قسمين, قسم هحضر أفراحهم, وقسم مش هتفرق كتير لو محضرتش أفراحهم.
والأفراح اللى كنت بحضرها, كنت بسلم على العريس وأمشى علطول, ممكن أروح أقعد فى المسجد لحد أما الفرح يخلص, وكان من ضمن مظاهر أعتراضى على شكل الفرح انى مكنتش بتصور خالص فى الأفراح دى, الأفراح التانية كنت بتحجج ومش بحضر.
الفرح اللى كتبت عنه التدوينة دى, كان فرح لازم أحضره, ومكانش فى مفر من كده, ومكانش هينفع فيه أى حجج, وبينت أعتراضى على شكل الفرح وقلت رأييى ولكن, مش بإيدى غير أن أنا أحضر, وكمان فى حالة الفرح ده ينفع أخد نية بر أبى وأمى, لأن انا لو مكنتش حضرت كانت هتحصل مشاكل كتير, وكان ناس كتير هيضاقوا والدى ووالدتى بكلامهم عن عدم حضورى.
وبالتالى, الغلط كان فى شكل الفرح مش فى حضورى الفرح.
اما بقى بالنسبة ل: "في حاجة مش واضحة في القصة يعني انت روحت الفرح برا بابيك بعدين بتقول لو كنت موجود يا ابي مكنتش هتخليني اعمل كده"
هو أنا مقلتش نصا اللى حضرتك بتقوله ده ومكنتش أقصده, انما قلت فيما معناه, أن انا كنت مضايق, ومحدش كان هيقدّر ضيقى غير أبى, فى ناس تانين كانوا عارفين أن انا مضايق وعارفين السبب ولكن مش مقدريين.
كده الدنيا وضحت يا "غير معرف".
@ غير معرف :
علامات التعجب اتشالت ؟؟
كلها ماعدا وحدة!
ايه الواحدة دى ؟؟
مش عارف مش مقتنع. علي العموم اختلاف في الرأي لا يفسد للود قضية
@ غير معرف :
ممكن تكون مش مقتنع لأنك متحطتش فى الموقف اللى انا اتحطيت فيه, بس تخيل أن مثلا أخوك أو اختك عاملين فرحهم فرح عادى وفيه أغانى, هتحضر ولا مش هتحضر ؟
أنا بقى الموقف اللى كنت فيه أكتر من كده, ومش هقدر أوضح أكتر.
أيوة انته مين بقى ؟ ولا برده مش عايز تقول ؟
@غير معرف:
ينفع أفهم أصدك, يعني هل تقصد أننا المفروض مانرحش خالص و لا نحضر الأفراح دايما كلها من أولها لآخرها ولا نروح نسلم بس؟
العلامة اتشالت.انا اسف
أسف ليه يا عم :D:D.
طيب حاول تفهم بقى اللى ردت قبليك (Sarah Monem) كان قصدك ايه من الأول.
بوصو كان ليا قريب متدين اوى ما شاء الله و عائلته كويسة بس بيعملو حفلات و اعياد ميلاد فكان مبيحضرش ليهم حاجة و النتيجة بتحصل زعل جامد جدا جدا جدا
و مامته كانت مضيقة و بتشتكى منه لينا و قالت دانا سألت شيخ و قال عادى يحضر و يسلم و يمشى لما يبقى فى حاجات مش حلوة
و فى ليا قريب تانى متدين برده يروح يسلم على الناس كلها و مثلن يتمشى حبة بره كده يعنى
بحس ان التانى ازكى من الاولانى جدا لانه بيضرب عصفورين بحجر
كلام سليم 100 %
بس أوقات الناس بتعتبر الواحد اللي سلم و أعد شوية صغيرين و مشي أكنه مارحش و بيبقي الزعل هو هو و لا ينقص منها شيئا :D
ممممممممممممم بوصى هو فى حاجة ما كده كده اصلن ولا حد بياخد باله متحسسيش الناس ان انتى معترضة لانهم حيضايقو من كده خليهم يفهموها لوحدهم يعنى مثلا ما فى ناس كتير مش متدينة بتططلع تتمشى بره و تسيب الفرح هل فى حد بيعاتبهم لا
حاجة تضحك بجد!!!!!!!!
@ غير معرف التاني(الاخير):
أول مرة أحس بميزة أن يكون الواحد قرايبه مسافرين, ولا أفراح ولا حفلات :D
@ غير معرف الأخير (مع انى مبقتش أعرف أفرق بينهم) :
هو ايه اللى يضحك ؟؟
وفيها ايه لما نفهمهم أن احنا معترضين ؟؟
الناس دلوقتى بتعمل أفراح عادية لأنهم اتعودوا عليها, يعنى على سبيل المثال, هتلاقى فى الأفراح العادية فى أغانى (معفنة) جدا شغالة, وتلاقى كل الناس اللى بيسمعوها مخنوقين منها, ولكن مضطريين يسمعوها لأنهم اتعودوا الأفراح تكون كده.
يمكن لما نبدى مظهر اعتراض على الفرح (بصورة متجرحش حد) الناس تفتكر أن فى طريقة تانية أحلى ممكن يعملوا بيها الفرح, وكمان بتفرق مين صاحب الفرق ودرجة القرابة أو الصلة.
على الأقل لما يبقى واحد معترض بيبقوا متربصين له (أما نشوف بقى فرحك هيكون عامل ازاى), وان شاء الله لما يجوا فرحى يتبسطوا ويقلدونى بقى :D.
فعلا معاك حق يا خوليو الي حد ما لو كانوا اقاربنا اوي يبقي هنحضر ولو وقت قليل علشان ميزعلوش وانا جربت مش احضر بس في ناس قالولي لازم تشاركي الناس افراحهم زي ما بتشاركيهم الاحزان بس انا مش مقتنعه بالافراح اللي بيبقي فيها اغاني مالها الافراح الدينيه
السلام عليكم!أرجوا أن يغيروا من هذهالتاريخ خطأ واحد ألا وهو أن رؤساء الشيشان,ليس منهم قاديروف لا نحتسبه من رؤسائنا ولا نقول ذلك أبد ولا نرضي لذلك,أنه استعمله الروس عندنا و زعمو أنه رئيس,ولكن الصحيح الذين اشتشهدوا من الرئساء عندنا هم (جوهر دوداييف)، ثم(بيندرباييف)،ثم (مسخادوف),ثم(عبدالحليم),و رئيس الحلي دكو أماروف.هذا هو الصحيح,أرجوا من الأخوة ان يصححو أو أن يبلغو لمن يصحح,لأنه التاريخ و لازم أن يكون صحيحا,و أنا أعلم جيدا أنه لا يصل اليكم من الأخبار من عندنا الصحيح الا قليل...الشيشاني...
إرسال تعليق