ملحوظة: أنا كتبت المقال ده قبل ما أدخل كلية الظباط الاحتياط, أنا دلوقتى معزول عن العالم ومعرفش ايه اللى بيحصل برة, مش عارف الانتخابات هتتعمل فى ميعادها ولا اتأجلت, مش عارف العسكر هيسلم السلطة فى ابريل ولا هينقلبوا, لكن أنا بعمل اللى عليا, بعمل اللى أقدر اعمله. عايز أخد ثواب زيكم.
لو انته بتقرأ الكلام ده يبقى لو سمحت أنا عايز أقولك "مصر محتاجالك", وبقولك مصر محتاجالك زى ما قالها "محسن بيه" لـ "رأفت الهجان" فى مسلسل رأفت الهجان, مش زى ما قالوها "لكتكوت" فى فيلم كتكوت.
الفترة اللى فاتت عاملة زى يوم 25 يناير, الناس اللى نزلوا يعملوا دعاية انتخابية ويكلموا الناس عن الانتخابات ويشجعوهم يشاركوا واللى فضحوا الفلول واللى علموا فيديوهات توعية واللى شارك فى حملات توعية. دول جزاهم الله خيرا وكأنهم نزلوا يوم 25 يناير. بس لسه المهمة منتهتش.
نزولك يوم الانتخابات زى بالظبط نزولك يوم 28 يناير (وبالصدفة المرحلة الأولى يوم 28 نوفمبر), وأنا مش بطلب منك تنزل تقف فى الطابور وتدلى بصوتك وبس, أنا بطلب منك أنك تبقى عامل يوم الانتخابات زى "أم العروسة" البلد بلدك والانتخابات انتخاباتك وواجبك تحمى صوتك وصوت كل المصريين وتساعد أن المصريين يبقى ليهم اختيار حرّ لأول مرة تقريبا فى حياتهم وتاريخهم.
دى شوية اقتراحات وأفكار لبكرة (ولو عندك اقتراحات تانية اكتبها فى التعليقات):
كده انته حطيت صوتك, دورك لسه منتهاش, متروحش بيتك فى حاجات كتيرة أوى تقدر تعملها.
لما التصويت يخلص متروحش, راقب الصناديق, ورافقها لو هتتفرز فى مكان تانى, حافظ عليها لحد مالفرز يخلص ويعلنوا النتائج (ممكن تفضل قاعد لتانى يوم الصبح أو بعد كده), نام فى الشارع, بدّل مع زمايلك حد ينام شوية وحد يفضل صاحى شوية وخليكوا حذرين ممكن يكون حد يحاول يزّور أو حد يحاول يعمل شغب لازم نكون حريصين على صوت الشعب. ربنا هيسألك عن اليوم ده يوم القيامة, لو معملتش كل اللى تقدر عليه فى اليوم ده متجيش تندم بعد كده على الثورة اللى (لا قدر الله) ممكن تضيع.
لو عندك اقتراحات تانية ممكن الناس تعملها يوم الانتخابات اكتبها فى التعليقات علشان كل الناس تستفيد.
أنا نفسى اخد ثواب, ممكن اللى يشوف الموضوع ده ينشره فى كل حتة ؟ انشروه فى رصد وكلنا خالد سعيد وكل مكان.
لو انته بتقرأ الكلام ده يبقى لو سمحت أنا عايز أقولك "مصر محتاجالك", وبقولك مصر محتاجالك زى ما قالها "محسن بيه" لـ "رأفت الهجان" فى مسلسل رأفت الهجان, مش زى ما قالوها "لكتكوت" فى فيلم كتكوت.
 |
| شارك فى الانتخابات علشان مبارك وعصابته ميرجعوش تانى. |
الفترة اللى فاتت عاملة زى يوم 25 يناير, الناس اللى نزلوا يعملوا دعاية انتخابية ويكلموا الناس عن الانتخابات ويشجعوهم يشاركوا واللى فضحوا الفلول واللى علموا فيديوهات توعية واللى شارك فى حملات توعية. دول جزاهم الله خيرا وكأنهم نزلوا يوم 25 يناير. بس لسه المهمة منتهتش.
نزولك يوم الانتخابات زى بالظبط نزولك يوم 28 يناير (وبالصدفة المرحلة الأولى يوم 28 نوفمبر), وأنا مش بطلب منك تنزل تقف فى الطابور وتدلى بصوتك وبس, أنا بطلب منك أنك تبقى عامل يوم الانتخابات زى "أم العروسة" البلد بلدك والانتخابات انتخاباتك وواجبك تحمى صوتك وصوت كل المصريين وتساعد أن المصريين يبقى ليهم اختيار حرّ لأول مرة تقريبا فى حياتهم وتاريخهم.
دى شوية اقتراحات وأفكار لبكرة (ولو عندك اقتراحات تانية اكتبها فى التعليقات):
- اليوم اللى قبل الانتخابات حافظ على هدوء أعصابك, ونام كويس لأنك هتقعد فترة طويلة مش هتشوف ريحته.
- حط فى بالك أن منافسك اللى تكره أنه يكسب هو الفلول فقط, أى مرشحين منافسين احترمهم وهنيهم بالفوز لو فازوا, وأوعى حد يوقع بين الثوار والشرفاء وبعضهم, متديش فرصة لحد انه يعمل كده. اكظم غيظك دايما. ولو حصلت مشكلة كن انته اللى يبدأ بالسلام.
- مترميش ودنك للاشاعات, مش هيبقى فى أكتر منها فى اليوم ده (مش أى حد يقولك عندى كلام تصدق).
- يوم الانتخابات أصحى صلى الفجر, وجدد نيتك وادعى ربنا أنه يوفقك. وانزل اشترى فطار وافطر كويس أوى واشرب شاى (مهمة جدا الوجبة دى) بعدين اطلع على لجنتك الانتخابية علشان تحجز لنفسك مكان فى الأول وتكون من أوائل المصوتين, وبالكتير أوى هتخلص على الساعة 8:30 أو 9 مثلا.
كده انته حطيت صوتك, دورك لسه منتهاش, متروحش بيتك فى حاجات كتيرة أوى تقدر تعملها.
- اقف ساعد فى تنظيم الطوابير.
- فى وسط اليوم لما الاذان يأذن قسموا نفسكم مجموعات وكل مجموعة تروح تصلى فى المسجد, ده هيساعدكم كتير فى تجديد نشاطكم.
- وزع مياه (بلاش عصير أو اكل علشان محدش يعتبره رشوة) على الناس اللى واقفين فى الطوابير علشان ميزهقوش.
- شارك فى اللجان الشعبية لو لقيت حد بيحاول يبلطج او لقيت الناس فى حد هيتخانق أو كده حاول تهدى الناس ومتخليش مشاكل تحصل (اوعى تكون انته المشكلة).
- لو فى ناس فى منطقتك من ذوى الاحتياجات الخاصة أو كبار فى السّن روح هاتهم من بيتهم وخليهم يدلوا بصوتهم.
- لف على الناس فى المحلات وفى الأسواق مع زمايلك واهتفوا فى الناس هتافات تحثهم على المشاركة فى الانتخابات.
- جيب معاك لابتوب واقعد قدام اللجنة الانتخابية وأى حد عايز يسأل عن مكان لجنته تكون متوصل بالانترنت او معاك أسماء الناخبين وبياناتهم (موجودة مع المرشحين) وتدل الناس وتساعدهم.
- تكون مذاكر كويس طريقة الانتخاب, وياريت لو معاك منشور مكتوب فيه طريقة الانتخاب يبقى زى الفل, علشان اللى حابب يسأل وصوته ميبقاش باطل.
- شارك فى التغطية الاعلامية لليوم, صوّر وابعت لرصد أول بأول, وحاول تتحلى بالمهنية فى اليوم ده ومتنشرش حاجة ممكن تعمل فتنة وتأكد من كل خبر بتنشره
- انشر الموضوع ده على نطاق واسع بحيث أكبر عدد من الناس يعملوا الكلام ده.
- خد عدد من زمايلك معاك علشان تشجعوا بعض.
لما التصويت يخلص متروحش, راقب الصناديق, ورافقها لو هتتفرز فى مكان تانى, حافظ عليها لحد مالفرز يخلص ويعلنوا النتائج (ممكن تفضل قاعد لتانى يوم الصبح أو بعد كده), نام فى الشارع, بدّل مع زمايلك حد ينام شوية وحد يفضل صاحى شوية وخليكوا حذرين ممكن يكون حد يحاول يزّور أو حد يحاول يعمل شغب لازم نكون حريصين على صوت الشعب. ربنا هيسألك عن اليوم ده يوم القيامة, لو معملتش كل اللى تقدر عليه فى اليوم ده متجيش تندم بعد كده على الثورة اللى (لا قدر الله) ممكن تضيع.
لو عندك اقتراحات تانية ممكن الناس تعملها يوم الانتخابات اكتبها فى التعليقات علشان كل الناس تستفيد.
أنا نفسى اخد ثواب, ممكن اللى يشوف الموضوع ده ينشره فى كل حتة ؟ انشروه فى رصد وكلنا خالد سعيد وكل مكان.
