ايه ؟ مين ؟ ليه ؟ ازاى ؟
متسألش .. هو كده, اللى فيكم داخل الجيش يعتبر دى بروفة صغيرة من اللى هيحصل فيك فى الجيش, وأول كلمة هتكرهها فى التربية العسكرية هى "هما أسبوعين, خلى ال 12 يوم بتوعك يعدوا على خير" ... ربنا معاكم, هحاول أنزل مرة الساعة 8 ولا حاجة علشان اجى اضحك عليكم وانتم فى الطابور :P:P.
ايه المطلوب منك ؟ قميص أزرق سادة (أى درجة) وطاقية زرقاء غامقة (اختيارى بس نصيحة البسها علشان الشمس) وبنطلون جينز مش ضيق وشكله "رجالى" :D, وتكون حالق شعرك على أقل درجة ينفع يتسرح عليها, وحالق دقنك قبل ما تنزل يا حلو .. لا متقوليش حلقتها قبل ما انام, تحلقها قبل ما تنزل وتلمعها :D:D, وتكون هناك قبل 7:30, وخد معاك البطاقة اللى استلمتها بتاعة التربية العسكرية ودى مهمة جدا جدا لأقصى درجة.
أول يوم هيجمعوكم وهيخلوكم كلكم تقعدوا على الأرض, وبعدين هيقولوا كل الكليات معدا حقوق يروحوا على جنب, فهتقفوا فى طابور تانى, هينادى على أسمائكم واحد واحد ويوقفكم فى طابور, وهيقولك احفظ مكانك لأنك كل يوم هتقف بنفس الترتيب وهتقعد فى المدرج بنفس الترتيب وهياخد من الكارت بنفس الترتيب وهيسلمهولك تانى وانته مروح بنفس الترتيب وهياخد غيابك كل يوم بنفس الترتيب.
هتقف فى الطابور وهيعلمك ازاى تعمل صفا وانتباه, وكام حاجة كده, ويديك شوية تعليمات وبعدين هياخدوكم على مدرج احتفالات حقوق, وهيقعدوكم بنفس الترتيب, بعدين هيجيلك رتبتين يتكلموا معاكم شوية منهم اللى هيكون مسؤول عن المحاضرات بتاعتكم واعتقد هو الرائد حازم, هيتكلموا معاكم شوية وشوية تعليمات وبعدين تروحوا وتيجوا تانى يوم فى نفس الميعاد.
من ضمن التعليمات, هات معاك كشكول 100 ورقة وقلم علشان هتكتب المحاضرات المطلوبة منك, والكتابة اجبارى مش اختيارى, وفى عسكرى بيلف لو لقاك مش كاتب هيعملك مخالفة (3 مخالفات ويلغيلك الدورة), والمحاضرات هتتملاها طبعا لأن مفيش "صنبوراا" :D:D, وهتسلم الكشكول فى اخر يوم.
بصراحة هتستفيد كتير من التجربة دى, وهتتعلم حاجات كتير أولها "متبصش فى الأرض, أرفع راسك لفوق, محدش كاسر عينك", هتتعلم حاجات مفيدة عن الجيش والحياة العسكرية, وبالذات فى واحد اسمه فيه كلمة أبو جبل (مش فاكر الرتبة) هيديك محاضرة عن فن القتال والصاعقة وكده, ده واحد واخد فرقة سيل وناس غيره كتير وحاجات كتير هتعرفها هتخليك فخور جدا جدا بالجيش المصرى.
أثناء المحاضرات أحيانا هتقعدوا تتكلموا فى أمور الحياة العامة والسياسة والثورة, والمحاضر هيسمحلك تقول رأيك طالما رفعت ايديك, بس نصيحة اتكلم وانته قارى وفاهم ومتاكد من اللى بتقوله, واستعد للمناقشة, أحيانا هتكتشف أنك فعلا فاهم غلط فى حاجات كتيرة أوى وانك مش عارف غير قشور فقط, وأن معظمنا كشباب فعلا مش فاهمين كويس, وساعات ممكن يهرب من سؤالك.
هتسمع اسألة غبية أوى وسطحية جدا وتافهة جدا (البحث نسيب سطر ولا لأ ؟؟) ايه ده هو انا مقلتلكمش عن البحث, طب بصوا هيطلبوا منكم بحث تسلموه تانى ثلاثاء ويكون مكتوب بخط اليد وتقريبا هيكون عن الصاعقة المصرية والشهيد ابراهيم الرفاعى أول ما يعلنوا عنه روح المكتبات اللى جنب الجامعة واشتريه ب 2 جنيه وخلى اختك الصغيرة تنقلهولك واديها 10 جنيه.
بالنوسبة للطابور فياريس عيش التزم واعمل التمرينات واصبر, هتقفلك ساعة ولا ساعة ونص فى الشمس وبعدين تاخدلك راحة ساعة ولا حاجة وبعدين تدخل على المحاضرات, وأعتقد أن أصعب يوم فى الطابور هيكون اليوم الثالث والخامس.
يوم الخميس بقى اعملوا الطابور كويس جدا, علشان يدوكم اجازة يوم السبت زى ما عملوا معانا.
اخر يومين فى التربية العسكرية هيكونوا الاربعاء امتحان نظرى والخميس امتحان عملى, واحتمال يعملولكم الامتحانين يوم الأربعاء زى ما عملوا معانا (انا مسلمتش بحث ولا كشكول ولا امتحنت ولا عملى ولا نظرى وخدت تقريبا تانى اسبوع محضرتش ولا طابور ولا محاضرة وخلصت مشروع تخرجى وسلمته وعملت السمينار بدون اى مشاكل الحمدلله :P:P:P).
عندى قميص وطاقية لو حد عايزهم انا تحت أمره.
اه نسيت أقولكم ايه الشعار ده ؟؟ ده شعار الدفاع الشعبى العسكرى اللى التربية العسكرية بتنتمى اليه .. الايمان .. العلم .. التعاون.
متسألش .. هو كده, اللى فيكم داخل الجيش يعتبر دى بروفة صغيرة من اللى هيحصل فيك فى الجيش, وأول كلمة هتكرهها فى التربية العسكرية هى "هما أسبوعين, خلى ال 12 يوم بتوعك يعدوا على خير" ... ربنا معاكم, هحاول أنزل مرة الساعة 8 ولا حاجة علشان اجى اضحك عليكم وانتم فى الطابور :P:P.
ايه المطلوب منك ؟ قميص أزرق سادة (أى درجة) وطاقية زرقاء غامقة (اختيارى بس نصيحة البسها علشان الشمس) وبنطلون جينز مش ضيق وشكله "رجالى" :D, وتكون حالق شعرك على أقل درجة ينفع يتسرح عليها, وحالق دقنك قبل ما تنزل يا حلو .. لا متقوليش حلقتها قبل ما انام, تحلقها قبل ما تنزل وتلمعها :D:D, وتكون هناك قبل 7:30, وخد معاك البطاقة اللى استلمتها بتاعة التربية العسكرية ودى مهمة جدا جدا لأقصى درجة.
أول يوم هيجمعوكم وهيخلوكم كلكم تقعدوا على الأرض, وبعدين هيقولوا كل الكليات معدا حقوق يروحوا على جنب, فهتقفوا فى طابور تانى, هينادى على أسمائكم واحد واحد ويوقفكم فى طابور, وهيقولك احفظ مكانك لأنك كل يوم هتقف بنفس الترتيب وهتقعد فى المدرج بنفس الترتيب وهياخد من الكارت بنفس الترتيب وهيسلمهولك تانى وانته مروح بنفس الترتيب وهياخد غيابك كل يوم بنفس الترتيب.
هتقف فى الطابور وهيعلمك ازاى تعمل صفا وانتباه, وكام حاجة كده, ويديك شوية تعليمات وبعدين هياخدوكم على مدرج احتفالات حقوق, وهيقعدوكم بنفس الترتيب, بعدين هيجيلك رتبتين يتكلموا معاكم شوية منهم اللى هيكون مسؤول عن المحاضرات بتاعتكم واعتقد هو الرائد حازم, هيتكلموا معاكم شوية وشوية تعليمات وبعدين تروحوا وتيجوا تانى يوم فى نفس الميعاد.
من ضمن التعليمات, هات معاك كشكول 100 ورقة وقلم علشان هتكتب المحاضرات المطلوبة منك, والكتابة اجبارى مش اختيارى, وفى عسكرى بيلف لو لقاك مش كاتب هيعملك مخالفة (3 مخالفات ويلغيلك الدورة), والمحاضرات هتتملاها طبعا لأن مفيش "صنبوراا" :D:D, وهتسلم الكشكول فى اخر يوم.
بصراحة هتستفيد كتير من التجربة دى, وهتتعلم حاجات كتير أولها "متبصش فى الأرض, أرفع راسك لفوق, محدش كاسر عينك", هتتعلم حاجات مفيدة عن الجيش والحياة العسكرية, وبالذات فى واحد اسمه فيه كلمة أبو جبل (مش فاكر الرتبة) هيديك محاضرة عن فن القتال والصاعقة وكده, ده واحد واخد فرقة سيل وناس غيره كتير وحاجات كتير هتعرفها هتخليك فخور جدا جدا بالجيش المصرى.
أثناء المحاضرات أحيانا هتقعدوا تتكلموا فى أمور الحياة العامة والسياسة والثورة, والمحاضر هيسمحلك تقول رأيك طالما رفعت ايديك, بس نصيحة اتكلم وانته قارى وفاهم ومتاكد من اللى بتقوله, واستعد للمناقشة, أحيانا هتكتشف أنك فعلا فاهم غلط فى حاجات كتيرة أوى وانك مش عارف غير قشور فقط, وأن معظمنا كشباب فعلا مش فاهمين كويس, وساعات ممكن يهرب من سؤالك.
هتسمع اسألة غبية أوى وسطحية جدا وتافهة جدا (البحث نسيب سطر ولا لأ ؟؟) ايه ده هو انا مقلتلكمش عن البحث, طب بصوا هيطلبوا منكم بحث تسلموه تانى ثلاثاء ويكون مكتوب بخط اليد وتقريبا هيكون عن الصاعقة المصرية والشهيد ابراهيم الرفاعى أول ما يعلنوا عنه روح المكتبات اللى جنب الجامعة واشتريه ب 2 جنيه وخلى اختك الصغيرة تنقلهولك واديها 10 جنيه.
بالنوسبة للطابور فياريس عيش التزم واعمل التمرينات واصبر, هتقفلك ساعة ولا ساعة ونص فى الشمس وبعدين تاخدلك راحة ساعة ولا حاجة وبعدين تدخل على المحاضرات, وأعتقد أن أصعب يوم فى الطابور هيكون اليوم الثالث والخامس.
يوم الخميس بقى اعملوا الطابور كويس جدا, علشان يدوكم اجازة يوم السبت زى ما عملوا معانا.
اخر يومين فى التربية العسكرية هيكونوا الاربعاء امتحان نظرى والخميس امتحان عملى, واحتمال يعملولكم الامتحانين يوم الأربعاء زى ما عملوا معانا (انا مسلمتش بحث ولا كشكول ولا امتحنت ولا عملى ولا نظرى وخدت تقريبا تانى اسبوع محضرتش ولا طابور ولا محاضرة وخلصت مشروع تخرجى وسلمته وعملت السمينار بدون اى مشاكل الحمدلله :P:P:P).
عندى قميص وطاقية لو حد عايزهم انا تحت أمره.
اه نسيت أقولكم ايه الشعار ده ؟؟ ده شعار الدفاع الشعبى العسكرى اللى التربية العسكرية بتنتمى اليه .. الايمان .. العلم .. التعاون.
