22 فبراير 2010 :: "نتنياهو" يعلن ضم الحرم الإبراهيمي ومسجد بلال بن رباح لقائمة المواقع التراثية اليهودية.
5 مـارس 2010 :: الاحتلال يقتحم ساحات المسجد الأقصى ويصيب عشرات المصلين عقب صلاة الجمعة.
الشيخ رائد صلاح يؤكد أن مؤسسات يهودية صهيونية حددت السادس عشر من مارس الجاري (16 مارس 2010) موعدًا لإطلاق عمليات بناء الهيكل الثالث.
الحرم الابراهيمى
الحرم الابراهيمى (من الداخل)
منّا من قرأ هذه الأخبار, وانتابه الحزن والألم, ومنّا "وللأسف الشديد" من لا يدرى عن هذه الأحداث شيئاً, منّا من قرأ تلك الاخبار, وأهتم بها, ومنّا من علم بها ولم يُعرها أى اهتمام (يا عم مش فارقة, ما همّا بيدخلوا المسجد كل يوم, وبيقتلوا المسلمين كل يوم).
ولكن انتبه, سيأتى يوم وانت واقف بين يديه عز وجل وحدك, وسيسألك تبارك وتعالى ماذا فعلت لنصرة مقدسات المسلمين ؟؟
عندما سألوا "جولدا مائير" رئيسة وزراء الكيان الصهيونى سابقا:
نعم للأسف, المسلمون لم يتحركوا حينها, وردة فعلهم كانت ضعيفة, ولكن هذا زمن لن يحاسبنا الله عليه, بل سيحاسب الله من عاشوا فيه وصمتوا.ما هو أصعب يوم فى حياتك ؟؟قالت انه اليوم قبل حرق المسجد الأقصى عام 69, كنّا نخشى من ردة فعل المسلمين.وما هو أسعد يوم فى حياتك ؟قالت اليوم بعد حرق المسجد الأقصى عام 69 فالمسلمون لم يتحركوا.
والان وانت ترى الحرم الابراهيمى والمجندات فى الجيش الصهيونى يدنسنّ ارجائه, فهل ستبقى صامتا ؟
أدّعوا ان قبر سيدنا بلال بن رباح هو قبر أحد اليهود زورا وبهتانا, فمتى نغضب ؟
الا تشعر بالألم عندما ترى تلك التشققات بأعمدة المسجد ؟؟
أو عندما ترى قطعان اليهود يتجولون فى باحات المسجد ويدنسونه ؟
هل يرضيك أن يُعتدى على اخوانك المصلين والمرابطين بداخل المسجد دفاعا عنه ؟
إذا انتهكت محارمنا إذا نُسفت معالمنا ولم تغضب !!إذا قُتلت شهامتنا إذا ديست كرامتنا ولم تغضبْ !!فأخبرني متى تغضبْ ؟؟إذا نُهبت مواردنا إذا نكبت معاهدنا إذا هُدمت مساجدنا !!وظل المسجد الأقصى وظلت قدسنا تُغصبْ ولم تغضبْ !!فأخبرني متى تغضب ؟؟[المصدر]
والان بالله عليكم, متى نتحرك ؟؟ متى نغضب ؟؟ هل ننتظر حتى يهدم المسجد الأقصى كى نفيق ؟!!
5 وسائل عملية لنصرة المسجد الأقصى:
1. الدعـــاء والقنوت لله عز وجل, وتحرى أوقات الاجابة.
2. معرفة قدسية المسجد الأقصى بالنسبة للمسلمين, ومتابعة الأخبار باهتمام,[1] حتى نشعر بخطورة الأمر, وتذكر "من لم يهتم بأمر المسلمين فليس منهم" رواه الحاكم.
3. نــشـــر الـقــضــيـة, أنشر القضية على المنتديات, والمدونات, بلغتك وباللغات التى تتقنها, بين أصدقائك, فى عائلتك.[2]
4. المـقـاطـعـة, وهو أمر مهم, فكيف يمكنك أن تهنأ بطعام أو شراب ثمنه يدعم عدوك.
5. وأخيرا, انصر الاسلام فى نفسك, ينصر الله الاسلام على اعدائه, فاذا نصرت الاسلام فى نفسك وحافظت على صلاة الفجر, واهتممت بالعلم حتى تقوى شوكة المسلمين بعلمك, وكنت مثلا فى خلقك وأدبك وتعاملك مع الناس, وبذلت ما فى وسعك لمساعدة من حولك, واستحضرت نية نصرة المسلمين فى أعمالك كلها, واتبعت سنة نبيك, بذلك تنصر الاسلام فى نفسك, فينصر الله الاسلام بك وبنا ان شاء الله.
ملحوظة: يوجد خطأ مطبعى بهذا الفيديو, فالمسلمون صلوا تجاه المسجد الأقصى سنة واحدة و أربعة أشهر وليس 14 سنة, ويوجد روايات أن الصلاة فى المسجد الأقصى ب 500 و 1000 صلاة أيضا والشائع 500 وليس 250 كما فى الفيديو.
يجب أن نبدأ من الآن, قبل أن نرى صورة مثل تلك فى شاشات التلفاز, والا حينها, فان باطن الأرض خير لنا من ظهرها.
------------------------------------
[1] يمكنك متابعة أخبار فلسطين والأقصى من:
- الصفحة الرئيسية لموقع اخوان اون لاين.
- موقع اسلام اون لاين.
- موقع قناة الأقصى الفضائية.
- موقع قناة الجزيرة.
- مقالات على مدونة لسه عايش 1, 2, 3.
[2] مواقع تهتم بالقضية الفلسطينية:
- متحف هولوكوست فلسطين.
- شاهد المسجد الأقصى وكأنك بداخله.
- بالصور والتواريخ, محاولات الاحتلال لتهويد القدس
- كنس يهودية حول المسجد الأقصى.
- دليل الأقصى المصور.
- موقع قــاطــع.
- ملف فلسطين فى موقع قصة الاسلام.
38 التعليقات:
بجد الواحد بيتقطع علشان فلسطين والفلسطنين والمسجد الأقصى .. وكل حاجة تثيير الضيق بجد ، بس العجيبة إن العرب وكل الناس اللى فى إديهم إنهم يعملوا حاجة ساكتيين وكأنهم مش بشر زينا، هنفضل كدة لحد إمتى ؟؟؟؟؟؟؟؟؟؟؟؟ أنا بدعيلهم وبعمل كل اللى فى وسعى بس حاسة إنى كدة مش بعمل حاجة
إيران عاملة السلاح النووى وعندها اللى تقدر تنسف بية إسرائييل فى ثانية، ومع ذلك لا فائدة ولا جدوى ، مصر بكل جيوشها وبكل الناس اللى فيها عندهم إستعداد للحرب ولكن الأوامر العليا لم تصدر بعد .. كل البلاد العربية لو تكاتفت هنزيل إسرائييل كلها دى هية عبارة عن حتة أرض صغيرة عايش عليها شوية كلاب جبناء .. ولكن العرب كلهم أجبن منهم بصمتهم الرهييب دة
بجد دة إحنا هنشوف أياام من سكوتنا وصمتنا و إننا بنتفرج على مسلمين بتدبحوا على مساجد بتدخل فى تراث إسرائييل .. على منازل عايزين يهدموها علشان يبنوا مكانها مزار سياحى ، يبنوا مطاعم ومنتزهات وملاهى على منازل الأبريااااء حسبى الله ونعم الوكيييييييييل ، ليس لكى سوى الله يا غزة ودعائنا
جزاك الله خيراً كثيراً على الموضوع
لا حول و لا قوة الا بالله
من ذنوبنا سلط علينا
@ غير معرفة الأولانية:
سيدنا عمر بن الخطاب قال "نحن أمة أعزها الله بالإسلام فإن ابتغينا العزة فى غيره أذلنا الله".
يارب اعز الاسلام والمسلمين و اذل الشرك والمشركين و دمر اعداء الدين واجعل هذا البلد آمنا وسائر بلاد المسلمين .. اللهم عليك باليهود المعتدين .. اللهم حرر منهم فلسطين .. اللهم اجمع كلمة المسلمين على الحق يارب العالمين .. اللهم امين :(:(:(:(
السلام عليكم
جزاك الله خيرا
ياريت نصوم اتنين وخميش بنيه نصره الاقصى وفلسطين ونكثر من الدعاء اثناء الصيام ..دى فكره اتقالتلى وياريت ننشرها وننفذها
حسبى الله ونعم الوكيل
السلام عليكم
7asbya ALLA we n3m el wakeeeeeeeeeeeeeeeeel ya raaaaaaaaaaaaaaaaaaab rg3 lena el a9sa we er7m e5wna men el 3zaaaaab da ya rab
7sbya ALLA we n3m el wakel
اللي احنا فيه ده المفروض يكون متوقع
ايام الرسول صلي الله عليه وسلم كان ربنا بيختبر المسلمين في ايمانهم . واللي احنا فيه ده ابتلاء من ربنا
لأن كلنا متأكدين مين اللي هيحرر الاقصي .لأنه هيرجع لنا تاني .
بس المشكله هي اننا عملنا ايه في عشان كل واحد هيتحاسب علي اللي بيعمله هيتحاسب علي نصره اسلامه . ايوه فعلا انا مسلم بس عملت ايه ؟؟ . ما ممكن في لحظه الكون كله يُنسف لأنه القادر علي كل شئ . بس مش هينسف عشان ده اختبار لكل مسلم . اختبار في ثقته بالله . حسبي الله ونعم الوكيل واحنا منتظرين ايه من يهود خانوا الرسول . مش هيخونوا الاقصي.
جزاك الله خيرا "خوليو"
جزاااااااك الله خيرا
رجاء صغير لاي حد قرأ الموضوع انه فعلا يتقي الله
جزاكم الله خيرا, موضوع رائع ما شاء الله.
كان لسة من كام يوم واحدة بتقولي انها كانت متضايقة.
فباباها بيقولها:
متضايقة ليه؟ أكيد عشان فلسطين مش كدة؟
و هي سكتت طبعا.
فبيقول: يبقي أكيد عشان المسجد الأقصي.
هي بتقولي أنا كنت مكسوفة من نفسي جدا, يعني لو كنت قولتله لأ متضايقة أصل مش عارفة مين قالي إله ف...
حاجة تكسف... شوفوا همومنا بقت عن إيه!!
انا بتكلم علي نفسي أولا:
كام مرة بنغضب في اليوم؟
كام مرة دمنا بيتحرق في اليوم؟
كام مرة فيهم بقي كانت عشان اسباب حقيقية؟
و كام مرة عشان أسباب تافهة؟
--------------
- استأذنك في الحقوق الملكية.
@ سارة :
اه اتفضلى من غير استئذان.
@ ALL:
اللى عايز ينشر الموضوع ده فى اى مكان(معدا منتدى الكلية):
- FaceBook.
- منتديات.
- مدونات.
- يبعت اللينك لصحابه.
يقدر يعمل ده من غير ما يستأذن.
فيه موقع تاني لمتابعة الاخبار:
http://www.aqsatv.ps/arabic/index.php
شوفوا اللينك ده, بيوريك الكنس اليهودية حول المسجد الأقصى
http://www.islamonline.net/Arabic/Multimedia/Library/politics/2009/05/Churches/index.shtml
هو ليه بيفتح صفحة بيضة مفيهاش حاجة ؟!
هو ايه بالظبط اللى بيفتح صفحة بيضة ؟؟
يا ترى احنا هنتحرك دلوقتى ولا هنستنى اننا نشوف صورة زى دى فى التلفزيون ؟؟
http://lh5.ggpht.com/_CBD5EzLsTfU/S5rPRr9c6-I/AAAAAAAAAj4/bAVBp5y4p38/25745_1390689125270_1173370803_1227414_3294299_n.jpg
ال link الاولانى
http://www.islamonline.net/Arabic/Multimedia/Library/politics/2009/05/Churches/index.shtml
بيفتح صفحة بيضة مفيهاش حاجة
لأ استنى شوية بس على ما الصفحة تحمل, هى بتقعد عندى دقيقة أو اكتر, أصبر عليها شوية.
جزاك الله خيراااااا
انا حاسه بالعجز من ساعه ما سمعت الاخبار دي بجد
كل يوم بيفوت بخاف اصحي في يوم الصبح الاقي الخبر ده في التليفزيون حقيقي
و ايلي نويت اعمله اني اصوم و ادعي علي قد ما اقدر
لا يرد القضاء الا الدعاء
لا يرد القضاء الا الدعاء
لا يرد القضاء الا الدعاء
@ fwitema:
الدعاء لوحده مش كفاية, فوق مكتوب 5 وسائل لنصرة الأقصى, وانتى واى حد أكيد يقدر يعمل الخمس وسائل.
انا اسفه اني موضحتش كويس انا قصدي ايه
انا مقصدتش اني هدعي بس لاان شاء لله مش هسيب طريقه ممكن تفيد او تسمع الناس الا و هعملها بأذن الله
انا بس حاسه الدعاء ده مهم اوووي بجد و حاسه انه دي اكتر حاجه هعملها بكل قلبي حقيقي
جزاك الله خيرا على الموضوع و يارب ربنا يقدرنا نعمل حاجه بجد ونكون سبب فى نصرتهم و ينصر امة محمد ويوحدهم اجمعين امين يارب العالمين
جزاك الله خيرا على الموضوع...
الواحد فعلا مش عارف يعمل ايه...اكيد بندعى وقلوبنا مع الاقصى بس برضه الواحد حاسس انه لازم نتحرك اكتر من كده....
ياريت كل الناس تصوم اليوم -الاثنين- وندعى كلنا من قلبنا بجد لنصرة الاقصى...
وياريت كمان نقوم ليلة الثلاثاء ونصلى وندعى ربنا ينصر اقصاه ويسامحنا اننا مش قادرين نعمل اكتر من اننا نصلى وندعى...
اللهم ان كان اهل الارض قد تخلوا عن الاقصى فلا تتركه لاعدائك يدمرونه يا الله...
@ RoOoka :
جزاك الله خيرا على فكرة الصيام والقيام, ان شاء الله يا ريت كلنا نعمله.
ولكن احنا مش فى ايدينا اننا نصلى وندعى بس, احنا فى ايدينا غير الصلاة والدعاء:
1- ننشر القضية بين الناس اللى نعرفهم واللى ميعرفوض حاجة عن القضية وعن اللى بيحصل أصلا, واللى ربنا هيسألنا يوم القيامة عنهم, صاحبك أو صاحبتك اللى انتى علطول معاها وهى بتثق فيكى, ومع ذلك عمرك ما كلمتيها او عرفيتها بقايا المسلمين.
2- اننا نعرف عن القضية وتاريخها أكتر, علشان نعرف ليه دى حاجة مهمة بالنسبة لينا, وعلشان لما يحصل حاجة هناك, على الأقل نغضب.
3- المقاطعة, والدعوة للمقاطعة.
مش عارف ليه الناس مش بيعتبروا الثلاث حاجات دول تفاعل مع الحدث, وان الحاجات دى بتدعم القضية.
5olio @
اكيد الثلاث حاجات دول تفاعل مع الحدث وبيدعموا القضية والحمد لله باعملهم بقدر استطاعتى...
بس انا كان قصدى علشان قضية هدم الاقصى اللى شغلانا دلوقتى ودى عايزة حل سريع...
وربنا ينصر الاقصى والمسلمين...
بصي يا RoOoka
ربنا هيحاسب كل واحد علي قدر استطاعته هو.
يعني لو الأقصي أو فلسطين أو أيا كان, مستهم سوء و أنا كان بإيدي حاجة و ماعملتهاش يبقي ساعتها هتحاسب.
و أحنا بإيدينا جزء كبيرأوي إن ماكنش كله.
دة هيوضح أقصد إيه:
http://sarahmonem.blogspot.com/2010/03/blog-post.html
شوفوا اللينك ده محاولات الاحتلال لتهويد القدس : http://www.foraqsa.com/content/daleel/main.htm
وشوف اللينك ده دليل الاقصى المصور :
http://www.foraqsa.com/content/daleel/main.htm
@ RoOoka :
أنا حاسس اننا متفقين بس بنقول كلام شكله من بره مختلف انما مضمونه واحد.
واللينك بتاع اللى سارة حطته مهم, أصل هما لو هدموا الاقصى بكرة, هل كده خلاص, نروح نجاهد ؟؟ ولا خلاص القضية ماتت ؟؟ ولا هنغضب شوية وبعدين ننام زى الأول ويمكن أكتر, لأن مش هيبقى فى أقصى ؟؟
احنا لازم نشتغل بكل الوسائل الممكنة, فى كل وقت ممكن, وعلى فكرة نشر القضية دلوقتى وتوعية الناس بيها ليها أهمية نفس أهمية الدعاء والصلاة بالظبط.
5olio @ :
وصلت وجهة نظرك :)
---------------------
على فكرة اللينك بتاع تهويد القدس هو هو بتاع التعريف بالاقصى (دى غلطة ولا انا مش واخدة بالى؟)...
http://lesa-3aish.blogspot.com/2010/03/blog-post_16.html
@ RoOoka :
انا راجعت اللينكات تانى, اعتقد مفيش لينك متكرر مرتين.
5olio @:
----------------------------------------------
شوفوا اللينك ده محاولات الاحتلال لتهويد القدس : http://www.foraqsa.com/content/daleel/main.htm
وشوف اللينك ده دليل الاقصى المصور :
http://www.foraqsa.com/content/daleel/main.htm
----------------------------------------------
الاتنين لينك واحد...
@ RoOoka :
اه معلش مخدتش بالى وحطيت لينكات فى الردود هنا متشابهة, انا أى لينك بحطه فى الردود بضيفه فى الموضوع, لو بصيتى فى الموضوع هتلاقى اللينكات متظبطة.
شكرا جزيلا :).
السلام عليكم,
الفديو بتاع" هل تعرف المسجد الأقصي حقا" فيه معلومتين مش مزبوطين.
- صلي المسلمون نحو المسجد الأقصي سنة و أربع شهور مش 14 سنة و أربع شهور.
- أجر الصلاة في المسجد ب 500 صلاة مش 250 صلاة.
دة أكيد من مصدر موثوق.
بالنسبة لأول معلومة هنا في تالت فقرة:
http://www.ikhwanonline.com/Article.asp?Page=2&ArtID=52428&SecID=213
و بالنسبة لتاني واحدة:
http://www.islamweb.net/ver2/fatwa/ShowFatwa.php?Option=FatwaId&lang=A&Id=2537
و هنا رابع حديث:
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1235628730334
@ سارة:
اه عندك حق, مش عارف ازاى مخدتش بالى.
كده هضطر أشيل الفيديو, طيب تعرفى لينك لفيديو بديل ؟؟
بجد جزاك الله خيرا.
هو بالنسبة لأول معلومة, اعتقد انها مكتوبة غلطة مطبعية, يعنى, انما لثانى معلومة فدورت على النت كده ولقيت كلام بيقول ان فى روايات ب 250 و روايات ب 500 ورويات ب 1000, بصراحة 250 و 1000 دول جداد عليا, ومش لاقى مصدر موثوق ليهم.
لو لقينا مصدر موثوق بيقول ان فى روايات ممكن أرجع الفيديو واكتب تحته عن الخطأ المطبعي بتاع 14 سنة و شهور.
ممكن الفديو يتغير فيه و خلاص.
و لا تنسي تخبر صاحب الفديو.
وازاى نغير فى الفيديو واحنا منعرفش صاحبه :D:D.
مهما قالوا لصاحب الفيديو على ال 250 على ال Youtube وهو رد انه فى روايات, وفى فعلا رواية فى اخر الفيديو ان الصلاة فيه بألف صلاة.
طيب انا هرجع الفيديو وهكتب تحته ملاحظه على الخطأ المطبعى ده.
برضه جزاك الله خيرا على الاهتمام, وربنا يجعله فى ميزان حسناتك وحسناتنا.
ya rab el nasr le e5wanna fe el 9ods http://www.alaqsa-online.com/ar/news.php?action=view&id=1218
إرسال تعليق