أه أمل .... ايه المشكلة يعنى
هو احنا نقدر نعيش من غيره اصلا
هو احنا نقدر نعيش من غيره اصلا
اه انا اللى بقول أمل عادى يعنى .... اوعى تكون فاكر انى معقد او شايف ان مفيش فايدةقد يكون الوضع فى بلادنا سئ للغاية والدنيا خربانة على الاخر .... لكن ده مش معناه ان احنا نعيش كده من غير أمل
أمل فى ان الوضع اللى احنا فيه يتغير
أمل فى اننا يكون لينا دور فى الاصلاح
أمل فى اننا نعمل حاجة نغير بيها العالم ... اه نغير العالم احنا مش شوية .... واللى غيروا العالم مش احسن مننا فى حاجة
أمل ... أمل .... أمل
بص هقولك على حاجة
هدى اعصابك خالص
حاول انك تطفى النور
غمض عينك بالراحة
قول انا ان شاء الله هغير العالم .... انا هقدر اعمل حاجة اغير بيها العالم
يا ابنى خلى عندك أمل .... استعين بالله وخلى عندك أمل كلمة موجودة فى اغنية اثرت فيا اوى ادتنى شحنة أمل فظيعة
خلى ابتسامك للغرق طوق النجاة
كلمة فى اغنية اثرت فيا ... شحنت طاقة الامل عندى خلتنى اكتب الموضوع ده .. الناس تقراه وتتأثر وتحس ان فى امل فى الحياة وان اكيد الغيوم لازم تنقشع ... ومش اقل من 50 واحد هيتأثروا بالموضوع ده ... انا هأثر فى 50 واحد على الاقل ان شاء الله
أنا عندى أمل ... وانته كمان لازم يكون عندك أمل
كنت بتكلم مرة مع واحد من الناس اللى انا شايف انهم هيقدروا يغيروا العالم فى ال 20 سنة الجاية ... واحد من الناس اللى مهتمة بالفن ... بس الفن الحقيقى مش الهبل اللى احنا شايفينه ... كان بيحاول يقنعنى اننا بالفن ممكن نغير العالم واننا محتاجين الفن كعامل اساسى فى التغير ... انا مقتنع بصراحة بنفس الكلام ... بس هو قالى كلمة كلها ثقة وامل فى الحياة ... قالى ال 50 سنة الجاية بتاعتنا ... شوفوا رغم الضباب اللى احنا فيه والهبل اللى بيتقال عليه فن قالى انه واثق انه هيقدر
انا بس عايز اقولك متخليش الضلمة تعميك ... الضلمة اخرها تقلل قدرتك على الرؤية بوضوح انما لو عملت فيك اكتر من كده يبقى انته متحاج شوية أمل
من الحاجات الظريفة اللى بتخلى الواحد معندوش امل ... الكسل
انا اعرف ناس مكسلة يبقى عندها امل فى الحياة ... يمكن الناس ممكن يكونوا شايفنهم محبطين انما انا شايفهم مكسلين ...... اه مكسليييييييين ... منكرش ان فى يوم الايام وصلت للمرحلة دى من كتر ما كنت بقرا جرايد المعارضة.... بس سيبك انته احنا عمرنا ما هنوصل تانى للى كنا وصلنا له قبل كده من التدهور والاحوال السئية زى ايام التتار مثلا.... انما نقدر نوصل لحالة من النجاح والتفوق والتقدم والامل اكتر من اللى كان عليها محمد الفاتح مثلا او سيف الدين قطز
راجع نفسك ودور جواك واوعى تستسلم للضلمة ... وافتكر ان ضوء شمعة يغلب احلك الظلم ... وشوية
انا اعرف ناس مكسلة يبقى عندها امل فى الحياة ... يمكن الناس ممكن يكونوا شايفنهم محبطين انما انا شايفهم مكسلين ...... اه مكسليييييييين ... منكرش ان فى يوم الايام وصلت للمرحلة دى من كتر ما كنت بقرا جرايد المعارضة.... بس سيبك انته احنا عمرنا ما هنوصل تانى للى كنا وصلنا له قبل كده من التدهور والاحوال السئية زى ايام التتار مثلا.... انما نقدر نوصل لحالة من النجاح والتفوق والتقدم والامل اكتر من اللى كان عليها محمد الفاتح مثلا او سيف الدين قطز
راجع نفسك ودور جواك واوعى تستسلم للضلمة ... وافتكر ان ضوء شمعة يغلب احلك الظلم ... وشوية
6 التعليقات:
هو الموضوع حلو و هدفه أحلي,
بس عشان تأثر في 50 واحد كان لازم يبقي الموضوع حيوي أكتر
يعني مثلا حط نماذج كتيرة كان عندهاأمل و استغلت الأمل دة.
هو الموضوع قصير فمش بيلحق يأثر أوي
أنا قرأت الموضوع في وقته كنت لسة حسة أن مافيش أمل في نفسي
بس حاول تقنعني أكتر شوية قبل ما أفقده خالص :(
بصى انا قصدت ان الموضوع يكون صغير ... وقصدت انى مجيبش امثلة كتير ... لأن اللى أثر فيا زى ما قلتلك كلمة فى اغنية
اسمعى الاغنية كده جربى هتحسى ان الدنيا لسه بخير
بصى انا هديلك مثلين
اول مثل دورى كده على حال المسلمين ايام التتار ... وشوفى كانوا عاملين ازاى ... عايز اقولك ان الامة الاسلامية لم تمر بتدهور زى ايام التتار ... وواحد بس كان عنده أمل ... سيف الدين قطز بس كان شايف اننا ممكن نهزم التتار ... وفعلا قعد 20 سنة يصلح فى البلد ويجهز الجيش نفسيا ومعنويا وفى النهاية انتصر ... واحد بس غير مصير أمة لان عنده ايمان بالله وامل .
المثل التانى دورى على قصة جوجل وازاى جوجل بدأت بفكرة وأمل فى تغير العالم وانتهت بتغير العالم فعلا ... وبصى لنفسك على ان الناس اللى نجحوا دول مش احسن منك فى حاجة ابدا
ما شاء الله .. بجد انا مبسوطه بإني بقيت اسمع كلمة الأمل دي كتير
أنا من رايي يا خوليو كمان .. "كن التغيير الذي تريد ان تراه في العالم" و إن لم تكن لك بصمه أو أثر في هذه الدنيا فما كانت لحياتك فائده .. و الانسان ما خلق إلا لأن يعبد الله " ما خلقت الجن و الإنس إلا ليعبدون" و العباده مش بس بالروحانيات و الصلاه .. و كلنا عارفين قصة عمر بن الخطاب مع الشاب اللي لقاه قاعد ف الجامع و ساله من يعولك !!
و بعدين غير الأمل القدره علي الأمل ألا و هي الحلم و عجبني أوي تعبيرك عنه بالكسل بجد بجد هو ده التعبير الصحيح
الغريب كمان تلاقي الناس مقسومه تلات مجموعات .. ناس بتقول الدنيا وردي و الحياه مفيش أحلي منها و دول بيبقوا متصورين انهم ممكن يبقوا حاجه من ولا حاجه و دول مبيفكروش يتعبوا أصلا .. و الطبيعي انهم بيكتئبوا لما بيلاقوا الدنيا عاوزه اللي يتعب و يحلم و يفكر و يعافر .. مش اللي نايم و عاوز كل حاجه علي الجاهز و أقرب مثال علي ده صاحب مدونه من المدونات اسمها"كرهتك يا مصر" قبل حذفه للمدونه غلط كتير ف البلد و علق كسله علي البوظان اللي في البلد و الحكام ..
و المجموعه التانيه .. بيقولوا مفيش امل الدنيا مش هتتغير .. و ماشيين مع التيار .. إمعه بمعني أصح .. و نسيوا الرسول كان بيقول :"لا تكونوا إمعه إن أحسن الناس أحسنتم و إن أساء الناس أسأتم".. و دول زي ما بيعيشوا زي ما بيموتوا .. ما عملوش ف الدنيا إلا انهم أكلوا .. شربوا .. اتجوزوا و خلفوا و ماتوا .. عاله علي الحياه..
و فيه المجموعه التالته اللي يا رب نكون كلنا منها .. اللي عاوزين يغيروا بجد و مبيستنوش حد يغير عشان يقولوا الدنيا هتبقي أحلي .. و مبيقولوش احنا مش ف موقع سلطه مؤمنين ان كل واحد ممكن يغير من مكانه أي شيء لو عنده طاقة امل .. القدره علي الحلم ..
موضوع هايل و خاطره نحتاج جميعنا ان نفكر فيها ..
ياسمين
كل ده تعليق !!
ده انا كتبت كتير ..
معلش بقي الموضوع أصله ف بالي كمان اليومين دول .. خصوصا عشان المؤسسه .. ياللا معلش بقي آسفه علي الإطاله
والله أنا لسه عند كلامي :d
الأمل كبير
wallahy bgd ana fr7ana eny 2reet al post da 3shan a5eran l2it 7d 3ndo amal zyy :D:D
bgd f3lan f3lan e7na kodratna akbr bkteer mn al kowaleb elly 7teen nfsna feha
tool ma bttl3 al shms kol yom al sob7 da m3anha forsa gdeda we amal fe 7aga afdal we a7sn
gzak allah kol 5air
إرسال تعليق