[حــــرَّكــهـا] دي كُـلِّــيــتـــــنَـا 2

هذا ملخص للردود على المقال الأول

" الدكتور لا يحترم الطلبة"
أظن أن حل المشكلة دي هو الرضا بالحال دة.
(غير معرف)

انا مش عارفة ليه منروحش نشتكى
عمر الكليه ماهتحس ان فى مشكلة لأن محدش بيشتكى فدى مش غلطت الادارة لان هما لقو الناس مبسوطين و مية مية.
(غير معرفة)

أنا شايف إن ال topic ده المفروض ميبئاش على ال plog المفروض يبقى على موقع الكلية الرسمي.
(Abu_Muslim)

والمفروض بعد كدة لما نكون مضايقين من أى حاجة نشتكى جماعياً مش فردياً وأكيد هيكون صوتنا مسموع ان شاء الله.
(Nessma)

بالنسبه لل ethics و Report جد المادتيين دول اتشرحوا كويس جدا و كمان علي فكره هما مش حفظ اصلا , هما فهم بس طبعا للناس اللي كانت بتحضر المحاضره
(مجهول) "هذا الرأى لا يعبر عنى بالتأكيد, ولكن من حق كل فرد أن يكون له رأى يُعتبر"

ده style بلد كاملة مش كلية.
(jaqoup )

حتى لو شكوتنا معملتش حاجة بس نعمل اللى علينا...........بس فعلا لما عدد قليل بيشتكو مبيهتموش زى عدد كبير.
(Rehab Reda)

المشكلة ان مبقاش فى ناس بتشتكى رسمى على الرغم انهم مابيبطلوش شكوى فى كلامهم العادى.
صدقونى الشكاوى بتتقرى وبتتحل ... وكترة الشكاوى على الموضوع الواحد بيدي الشكوى مصداقية اكتر.
(Nessma)

ده غير ان فيه سلبيه غير عاديه لما بيتوزع علينا الورق بتاع أراءنا ف الدكاتره .. نص الناس تكتب أي حاجه و نص ميكتبش حاجه و قله قليله اللي ممكن تبقي منصفة و نعمل اللي عليها و تكتب رأيها ..
(Yasmine Madkour)

مشكلتى فى الكليه بالنسبالى المعامله فى المقام الاول
فيه دكاتره لازم الواحد يذكرها بالخير زى دكتور عبد القوى شكرى و د. حمد و د.حسن رمضان و د.محمد الالفى و د.عابدين
الى انا بتخيلوا ان الشكوه الروتينيه الى كتيرر اتقدمت قبل كده مش هتجيب نتيجه زى قبل كده لان تقريبا كنا نظام "انت الخصم و الحكم" فكنا بنشتكى فى المكان الغلط !
كل الى بفكر فيه ان كل واحد يكتب زى feedback عن السنتين دول بحلوهم و مرهم
وانا شايف الناس بتقول الجوده و كده فاممكن يكون فعلا ده المكان السليم اننا نشتكى فيه !
(Ahmed)

من وجهة نظري الخطيرة الفظيعة العبيطة .. انه 90% السبب في الادارة .. و الباقي السبب فيه الطلبة
(Tasniem)

انا معاك في نقطه ان النظام في الكليه مش حلو ....لكن مش معاك ان احنا الي نعرف نصلحه !! .... و مش بقول كده عشان اقلل من شئننا, بس دايما احنا بنحط حلول من وجهه نظرنا الي هيا ولا وجهه نظر شخص خبير في مجال التعليم ولا هيا وجهه نظر حتي شخص خبير في المجال ده.
لو انت شايف ان النظام غلط ! ف 80% منه غلط بسببنا !! :D

(TeCNoYoTTa)

أنا من رأيي إننا نحدد المشاكل و نمسك مشكلة واحدة بس و نحلها بعد كده نخش على إللي بعديها
أنا بقترح إن حد ييقرا الposts ديه كلها بتركيز و يلخصها :D و يبعتهلنا عشان نشوف نعمل إيه بعد كده
(ZiKaS) "وهو ما تم بالفعل".

1- ان النتيجه ينزلوها بدرجات بجد هتبقي شئ محترم جدا.
2- ان ال summer course بتاع سنه ثالثه يكون في شهر 8 مش 7 لان اغلب الشركات و ال Traning اللي بره بيكون شهر 7 و اللي عايز يحضر الاثنين هيكون في مشكله.
(غير معرف)

كنت قد قرأت المقاله بتعليقاتها و لكن لم يكن لدي ما أكتبه, اما لضيق الوقت أو عدم الاستعداد النفسي لمثل هذه المواضيع منذ أن تخرجت. لكن اثناء تقليب الماضي و زيارة البلوج بتاعي شعرت ان البوست ده ممكن يكون له علاقه فقلت أبعته هنا و ربنا يكرمكم و يوفقكم لما يحب و يرضى

http://saadcd.blogspot.com/2007/11/egyptfcis-sc-versionsc.html
http://saadcd.blogspot.com/2007/11/egyptfcis-allll-why-not.html
(احمد سعد)

احنا ليه مش بنشتكى؟ من وجهة نظرى للأسباب التالية:
1- الخوف
2- مش عارفين نشتكى لمين اصلا :]
3- ان فى ناس حاسة انها مهما اشتكت مفيش حاجة حتتغير

(marmoor1989)

وأخذا برأى أحمد منصور وأحمد طلعت ومعظم الأراء التى أيدت فكرة التعاون مع وحدة الجودة, فقد تم عمل هذا الأستبيان أو الشكوى الجماعية بالتنسيق مع وحدة الجودة بالكلية.
فوائد هذا الأستبيان الاتى :

• هذا الأستبيان منظم بحيث يمكنك كتابة أى شكوى أو أقتراح لأى مادة أو أى شئ أخر فى الكلية فى مكان مخصص, حيث ستجمع كل الأراء وسيتم التعامل معها بشكل جدّى من قبل وحدة الجودة.
• يمكنك التعبير بحرية عن أى مشكلة واجهتها فى السنة الماضية.
• هذا الأستبيان سيعبر عن الرأى العام لدفعتنا وسيكون بمثابة أول صوت مسموع لها.

المطلوب الأن من كل فرد :

• المشاركة فى ملئ الأستبيان .
• ارسال الأستبيان الى الأصدقاء من نفس الدفعة.
• الحثّ والتشجيع على المشاركة فى هذا الأستبيان واخذه بجدية.

الان سنتحرر من قيودنا التى أقعدتنا عن العمل لمدة عامين.
الان سنقاوم السلبية والكسل واللامبالاة والصمت الطويل.
الان سنبدأ خطوتنا الأولى فى تحريك الكلية, فقط ﻷنها "كُـلِّــيــتـــــنَـا".